بورتلاند اوريجون - خبرتي بالمدينه والله يحي اي احد عنده استفسار

كنت اتمنى اروح على بورتلاند بس للاسف الجامعه مقفله

بس انشاء الله على يوجين

روح حلوة ترا يوجين مررررره رايقه ومدينة كلها طلاب , يعني بتعجبك ان شاء الله

بعد اذن المعني بالسؤال ,

الجي ار اي والجيمات كلهم اختبارات قياس وقريبين من بعض بالمحتوى مع ان الجيمات اصعب شوي , الجيمات لتخصصات الادارة والاعمال فقط زي المحاسبه والماليه , الجي ار اي للتخصصات العامه الاخرى كالكيمياء والرياضيات والتعليم ,

بالتوفيق

جامعة يوجين ارسلت لهم اوراقي عن طريق الايميل وقالوا لا ارسلها عن طريق البريد مانقبل ع الايميل المهم وشلت من بالي يوجين وجامعة يوجين بروح جامعة ثانية بورتلاند بعد التطنيش يعني بعد اسبوعين امس
جاتني رسالة منهم، مبروك تم قبولك في جامعتنا إدارة ماليّة وإلى آخر الكلام خخخخخخخخخخخخخخخخخخخ ... الي قهرني اني ادخل ع برنامج اسمه بري بزنس يعني ماقبل كلية الإدارة حلوة ذي ؟؟
زي نظام الطب سلامات ؟؟
المهم بسحب عليهم أحلى سيفون .. والي يقولي المدينة ملل موت تجيب الاكتئاب والنفسيّة وماتستبعد إنك تسوي إلغاء بعثة بسببها هههههههههههههههه الله يعين اهل يوجين

هل إذا حضرت قبول منه ممكن توافق الملحقية بالتحويل فيه .. وإذا لا هل فيه إمكانية أحول في هذا المعهد (PSU) في مارس القادم
أنا في سان دييغو وأبقى أدرس في بورتلندا وما أعرف من المعاهد القوية غير معهد (PSU) إذا فيه أي معهد أكاديمي قوي في بورتلند أو أي مكان في أوريجون ممكن أسجل فيه للدراسة في يناير
ياليت تفيدوني, بارك الله فيكم وسهل أموركم .

السلام عليكم

يا شباب ماهي المعاهد المعتمدة في مدينة بورتلاند so far

السلام عليكم .... عندي اسئله اتمنى ألقى لها جواب بااسرع وقت لأني جايه بعد شهر وباقي لي بس قرار الابتعاث وامر الاركاب

طبيعة الجو في بورتلاند في شهر 12 نوفمبر .. هل ثلج او مطر او ايش ؟

الاوراق الرسمية المهمه اللي أخذها معاي غير السيفس؟

والرحله بتكون دايركت الى أوريغون من الرياض ؟

هل فيه إشكالية لو أخذ مبلغ اول السفره 30 الف ؟ ولو بغيت اشتري سياره هل احتاج شيكات سياحيه ؟

ايش افضل طريقة لاستئجار شقه ..عن طريق مكتب ؟

1- الجو بيكون بارد جدا بس مافيه ثلج لأن اوريغون ماينزل فيها الا ثلج , بالمناسبه شهر 12 ديسمبر مو نوفمبر ,
2- اهم شي الاي توني والجواز طبعا بس يفضل انك تجيبي صورة من بطاقة الاحوال عشان تفتحي ملف بالملحقيه وصور شخصيه عشان الملف برضو ,
3- مافيه رحلة من الرياض لأوريقون دايركت , اذا انتي مبتعثه يفضل انك تنزلي واشنطن وتروحي للملحقيه تفتحي ملف عندهم وبعدين تطلعي من واشنطن الى بورتلاند , طبعا الرحلة بتكون الرياض- واشنطن العاصمة دايركت , وبعدين من العاصمه الى بورتلاند دايركت ,
4- مافيه اشكال من الناحية القانونية بس انا اشوف انه كثير وانتي بنت يعني الموضوع خطر شوي , لو انا محلك دام انك مبتعثه يعني الملحقيه ماراح تطول عليك في الرواتب , تعالي معك نص المبلغ اللي ذكرتيه واول ماتوصلي بورتلاند او مدينتك في اوريغون روحي افتحي حساب بالبنك واودعي المبلغ وارسلي المعلومات حق الحساب لأهلك عشان يحولون لك الباقي من السعودية وتوصلك الحوالة في 48 ساعه عادة , والرأي لك ,

5- يفرق في بعض العماير تكون لها مكتب تحت العماره خاص بالتأجير وتقدري تستأجري منهم , واذا عمارة تمليك احيانا الملاك نفسهم يأجرون شققهم وهذي غالبا تلقينها في موقع Craigslist ,

6- اعملي حسابك بموضوع السكن والعفش راح يكون مكلف بالبداية ,

بالسلامة

شكرًا على الرد بورتلاندر .. على كذا يعني اجلس يومين وابحث عن فندق في واشنطن على اساس اخلص ملفي في الملحقيه ..وين مكانها؟
وطيب بالنسبه لسكن المعهد هو els احصل سكن قريب له في الايام الاولى أبغ فندق قريب رشحو لي عشان ادور شقه بعدين

يعطيك العافية اخوي ماكس

خلني ببالك من ناحية السكن

وحبيت اشاورك انا حجزي عن طريق واشنطن عشان بمر الملحقية لكن اغلب الاخوان قالوا لي ان مالها اي داعي

لان كل الامور الان اون لاين فمادري تفرق بايش

الامر الثاني وش الخطوط الدولية اللي تنزل بمطار بورتلاند لاني افكر بتغيير الحجز الى بورتلاند مباشرة