بورتلاند اوريجون - خبرتي بالمدينه والله يحي اي احد عنده استفسار

انا من وجهة نظري انها ما تفرق كثير لان اللغه اكتساب معلومات ولو مستواك تحسن ممكن تختبرين بلسمن تيست وتنقزين لفل والا لفلين
اي ال اس مثلا كل شهر او شهر وزياده لفل ومجموع اللفلات ١٢ لفل
لكن الـ pcc ثمان لفلات

طيب انت اكيد اختبار تحديد مستوى عباره عن ايش الاختبار !!
طيب ايش تنصحني فنادق كويسه ورخيصه لاني مبدئيا راح اكون بفندق الى مايخلص الاورنتيشين ويعطوني خبر بمستواي!! انا بحثت كلها غاليه

بالنسبة للاختبار عبارة عن تحديد مستوى عادي قواعد واستماع وقراءة
وبالنسبة للفنادق
مو الفنادق اللي غاليه وبس الدنيا كلها هنا غاليه مقارنة بالسعوديه

غاليه كثير ؟ لان انا قاريه ان هي كويسه يعني المكافاه تكفيها او لا ؟

من ارخص الولايات ومافيها تاكس لكنها اغلا من السعوديه طبعا ( يعني لا تقارنينها بالسعوديه )
حنا بالسعوديه بنعمه ولله الحمد

فيه فنادق بحدود ٦٠ دولار
تعتبر كويسه 🏻

السلام عليكم ورحمة الله انا جايه بورتلاند في ٢٥ نوفمبر هل في احد يستقبلني ويساعدنا غير كذا اقدر احصل سكن يكون بنات او شقه اتشارك فيها مع بنت واذا فيه شقق للتنازل تعطوني خبر !! انتظركم

ما اعرف شي عن النادي السعودي اذا كان عندهم احد يستقبل، بس عمومًا حنا حاضرين في بورتلاند.
بالنسبة للشقة مع بنات اقترح تنتظرين لبداية المعهد لان بتتعرفين على بنات كثير وبيفيدونك بالسكن.

أعرف ان فيه سكن تبع PSU بس مشكلته انهم يحطونك مع بنات عشوائي يعني اي غرفة تكون متاحه يحطونك فيها، المشكلة انك ماتضمنين اللي معك من ناحية نظافة او غيره..

بالفعل صحيح كلامك بس ودي يعني اتشارك مع بنت في شقه عشان تكون التكاليف علينا اقل طيب سؤال وياليت القى اجابه اللحين في تطعيمات لازم اطعمها قبل اجي اولا !! سالت صاحبتي في معهد ثاني وقالت لي ان هي جاها مع الايتوني تطعيمات لازم تطعمها انا ماجاني شي فاايش الوضع معاك بماان معهدك نفس معهدي !!! شاااكره لك واسفه على الاطاله

ايه صحيح اوفر عليكم وأحسن من السكن لحالك الوضع يكون ممل ومكلف، لكن كلها تتسهل ان شاء الله اذا جيتي بتتعرفين على كثير نفس وضعك وتحصلين سكن ان شاء الله معهم.

لا مايطلبون تطعيمات ولا شي PCC، الجامعات ممكن تطلب اذا جبتي قبول ان شاء الله. بس المعه والاي توني ابدًا ماله علاقه بالتطعيمات، دامهم ماطلبوا منك لاتشيلين هم.
اذا كان عندك شهادات تطعيم ممكن تحتاجينها بعد قبول الماستر ان شاء الله. وحتى لو كانت ضايعه عادي يعطونك قائمة التطعيمات المهمه وتطعمين على التأمين.

حاضرين ان شاء الله لأي سؤال، بهالأمطار ماعندنا شي الا نقابل النت ونتقهوى ونساعد اللي جايين ⛈☔️