بورتلاند اوريجون - خبرتي بالمدينه والله يحي اي احد عنده استفسار

نسيت بسالك لو نويت ازور سياتل كم المده بالباص وهل استطيع اروح لها بالباص

امممممم ابتذكر شوي ايه صح واشنطن العاصمه قريبه لبورتلاند

وشكرا الشهراني فديتك يالغالي

بالنسبة لسياتل ، تقدر تروح لها بالباص او بالقطار والسعر بحدود ٧٠ دولار ذهاب وعودة . تقريبا ٣ ساعات ونص الى اربع على حسب السواق ودعسته .


انا افضل وانصحك انك تروح بسيارة والسبب هو انك راح تتنقل كثير ويبي لك سيارة خصوصا اذا تبي تستفيد من كل دقيقة . لان المواصلات العامة راح تاخذ وقت كبير من الرحلة اذا استخدمتها في سياتل . سياتل انا رحت حدود السبع مرات . رحلتين منها هبقات لا اقل ولا اكثر من الطفش اللي يمر الواحد فيه بعض الاحيان.


واشنطن العاصمة تبعد بالطيارة حوالي ٥ ساعات وعليها .


واشنطن العاصمة في اقصى الشرق وبورتلاند في اقصى الغرب



موفق ان شا الله

هلا وسهلا اخوي فهد


فيه جامعة ثانية فيها قانون وهي WILLAMETTE UNIVERSITY موجودة في عاصمة اوريغن في مدينة سيلم ( Salem ). طبعا التخصص الوحيد للماجستير واللي هو Transnational Law


بالنسبة لاسعار البنزين ، انا والله لي شهر ونص في السعودية لذلك ما اعرف كم وصل سعر البنزين بالضبط. بس اعتقد انه بين دولارين ونص لثلاث دولار للجالون.


الكامري اللي انا قلت لك عنها يبي له تقريبا 60 دولار او حواليها ، لكن راح تمشيك اسبوعين ويمكن اكثر.


بالنسبة للامطار والثلوج ، المدينة ممطرة في الشتا ونادرا ينزل فيها ثلج ، في شهر 12 ميلادي الاخير نزل علينا ثلوج وسكان المدينة يقولون لهم 14 سنة ما نزل عليهم ثلج.


موفق ان شا الله

الجامعة اللي ذكرتها معترفة من الملحقية . انا بحثت في الجامعة وما وجدت اي شي يدل ان عندهم معهد لغة.

بالنسبة للسكن ، فالسعر المذكور هو بالدولار . طبعا الملحقية تعطيك راتب وانت تدبر امرك


مكافاة المبتعث 1847.77 دولار والمرافق حوالي 900 دولار ولكل طفل مبلغ 200 وعليها .


بالنسبة للالحاق ، اللي ملاحظة ان الوضع مختلف من شخص لاخر . ناس تجلس بالشهور وناس ما تكمل كم اسبوع . طبعا لو كان عندك واسطة امورك ان شا الله تخلص في اسابيع


بالنسبة اذا كنت اعرف احد يدرس قانون ، انا والله اعرف كم شخص بس ما اعرف ايميلاتهم او حتى ارقام جوالاتهم ، هو سلام وسواليف بيننا .



موفق ان شا الله

حياك الله اخوي فهد


والله تشرفنا الله يحيك في بورتلاند


بس علشان اكون صريح معك ، انا اشوف انك المفروض تشيل بورتلاند واوريغن من بالك افضل لك لاسباب


السبب المهم فيها انه ما فيه جامعة في بورتلاند فيها تخصص الماجستير اللي تبيه اذا ما تبي تدرس قانون البيئة الموجود في لويس اند كلارك.


انا من وجهة نظري انك تشوف وش الجامعات اللي عندها البرنامج اللي تبيه لاكمال ماجستير القانون .


بالنسبة انك تجيب قبول وتعطيه للوزارة ، فانا ما اعرف كيف وضع الوزارة السنوات الاخيرة في هذا الامر ، ولكن ما فيه مانع انك تقدم على الجامعة اللي تبي وتشوف وش تقول الوزارة . على الاقل ما يكون فيه شي في صدرك وتجلس تقول يا ليت وياليت .



بالنسبة للمكاتب . انا والله ما اعرف شي عن المكاتب ولكن موضوع القبول جدا سهل والمكاتب تاخذ مبالغ على شي ما يسوى . انا اقدر اساعدك وما ابي منك شي لكن ابي اعلمك ان الوضع جدا سهل. يعني ما يحتاج تدور على مكتب للقبول.



ونتشرف اخوي فهد اننا نزورك اذا جيتنا ببورتلاند واسال الله ان يختار اللي فيه الخير



موفق ان شا الله

السلام عليكم
يعطيك العافيه اخوي

بس بغيت اسأل عن المعاهد في بورتلاند
حسب ردودك السابقه قلت الأفضل هم لويس اند كلارك و جامعة اوريجون


لو رحت معهد تبع جامعه مافيها تخصصي يمشي الحال؟ والا اروح معهد تبع الجامعه الي بدرس فيها افضل؟

للمعلوميه: انا تخصصي موجود في هذي الجامعتين:
OREGON HEALTH & SCIENCES UNIVERSITY
PORTLAND STATE UNIVERSITY
فيهم معاهد؟