بورتلاند اوريجون - خبرتي بالمدينه والله يحي اي احد عنده استفسار

وعليكم السلام


حياك الله اختي



انا بالفعل قلت ان افضل معهدين هم التابعين للويس اند كلارك وجامعة اوريجن بيوجين . بالنسبة للمعهد اللي بجامعة اوريجون يوجين ما عندي خبر اكيد هل قفلته الملحقية ولا لا


افترض من كلامك انك طالبة دراسات عليا ، لذلك الوضع عادي جدا لو تدرسين في معهد جامعة ما فيها التخصص اللي تبينه وهذا اللي يصير مع الكثير من المبتعثين . غالبية الجامعات اذا ما كانت كلها ما تقبل طلاب الدراسات العليا المتخرجين من معهد اللغة التابع للجامعة الا بالتوفل او الايلتس


لذلك انصحك تبحثين عن المعهد الممتاز اللي يساعدك انك تجيبين التوفل



بخصوص الجامعات اللي ذكرتيهم . المعهد التابع لجامعة بورتلاند ستيت مقفل من الملحقية لسبب تكدس السعوديين فيه .


بالنسبة لجامعة او اتش اس يو فما عندهم معهد لغة




موفقة ان شا الله

هلا والله بالسمي



حلوة رجعنا لك <<<<<<< كاني جالس ابيع كوسة في السوق




تراني امزح



بخصوص الجامعة والتخصص



انا والله تخصصي هندسي وما عندي اي خلفية نهائيا عن التخصص اللي تبيه او حتى عن مستقبله





موفق ان شا الله

يعطيك العافيه اخوي مشكور ماقصرت
ايوه انا انشاءالله راح ادرس ماستر وناويه استقر في بورتلاند
بس حسب كلامك انه جامعة اورجين موجوده في يوجين والي حسب معلوماتي انها تبعد مو اقل من 40 دقيقه بالسياره

طيب معهد لويس اند كلارك وين يصير عن بورتلاند؟

عندك اقتراحات؟ وهل في معهد ممكن يساعدني بعد في ال GRE؟ مع اني راح احاول اخذ التوفل هنا قبل ما اسافر لو اسعفني الوقت
____________________________________

وبالنسبه الى طالب البكالريوس,نفس السؤال, المفروض انه يدرس في المعهد التابع للجامعه الي بيكمل فيها؟
لانه اخوي جاي معاي وابغى اجيب له قبول معهد من الحين

ولو هو اخذ امتحان تحديد المستوى عندهم وكان مستواه عالي مايحتاج يدرس لغه, ممكن يعفونه؟ والا ايش ممكن يصير في هالحاله؟

ومن خبرتك, ايش الأوراق الي يطلبوها المعهد حق التقديم؟ اهم شي هل من ضمنها أصل شهادة الثنوي؟
انا اتوقع انه مالها داعي لكن ابغى اتأكد وأطمن

تسلم و ربي ييسر لك امورك ويعطيك على قد نيتك الطيبه
(:

يعطيك العافيه اخوي ع الموضوع الجميل

الله يعافيك اختي


بخصوص معهد يوجين فهو يبعد عن بورتلاند حوالي ساعتين بالسيارة .



لويس اند كلارك تبعد عن داون تاون بورتلاند اقل من خمس دقايق بالسيارة او ربع ساعة بالباص الخاص بلويس.



بالنسبة للمعهد اللي راح يساعدك في الجي ار اي فهو معهد Kaplan وهو موجود في الداون تاون وهو متخصص في تجهيز الطلاب للاختبارات مثل الجي ار اي والجيمات والاختبارات الخاصة بطلاب الطب وووووو. وهو في نفس الوقت اللي يحط الاسئلة لهالاختبارات. غالبية طلاب الدراسات العليا سوا امريكان او غير امريكان ياخذون كلاسات في هالمعهد.


بالنسبة لاخوك . مو شرط انه يدرس في معهد الجامعة اللي راح يكمل فيها. بس اذا كان معهد اللغة التابع للجامعة اللي يبي يكمل فيها قوي ، فيفضل انه يدرس فيه. لو درس في معهد برى الجامعة راح يكون ملزوم يجيب التوفل او الايلتس.



لو دخل المعهد وجاب درجات عالية في اختبار تحديد المستوى ، المعهد ما راح يسوي له ( release ) بحيث انه ما يحتاج يدرس لغة. لازم يدرس ترم علي الاقل في المعهد والمدرسين راح يقررون.


الجامعات في الغالب تبي صورة مترجمة من شهادة الثانوية ، صورة من الجواز ، ضمان مالي ، الابليكيشن تبع الجامعة .


الجامعات ما تطلب اصل شهادة الثانوية




موفقين ان شا الله وشاكر لك دعوتك ولكي بالمثل ان شا الله

الله يعافيك وهذا واجبكم علينا اننا نساعدكم باللي نقدر عليه .


موفق ان شا الله

تسلم يعطيك العافيه كفيت ووفيت
ربي يوفقك

والنعم فيك يا صبي شهران وكل عام وانت بخير اخي عندي استفسار الله يحفظك ويبدوا لي من واقع خبرتك ان عندك اجابه عليك انا طالب جديد مبتعث على حسابي الخاص مسجل عن طريق احد المكاتب في الرياضا التابعه لمعهد اي ال اس لدراسة اللغه في معهد els,وهناك تنسيق معهم لحجز السكن مع عايله عندكم في بورتلاند سفري سيكون بعد شهر تقريبا من الان المطلوب الله يحفظك هل ترى ان حجز السكن عن طريق هذا المكتب الذي يبدوا انه يتولى ترتيب السكن مع عايله بالتنسيق مع المعهد اجدى ام ترى ان اترك هذا المو ضوع لحين وصو لي وتر تيب الامر من حيث اختيار العايله او من حيث الا تفاق على اجر السكن معهم انا خبرتي في هذا المجال ضئيله واحتاج لمسا عدتك حفظك الله الشيء الاخر كما ذكرت الدراسه على حسابي للحصول على التوفل ومن ثم الا لتحاق باحدى الجامعات المعتمده مبدئيا سمعت ان افضل تكون الدراسه في المعهد لفتره وحده هل ذلك افضل حتى ييسر الله الا لحاق ام ماذا ترى وفقك الله

السلام عليكم

حبيت استفتر وارجوا منكم ماتخيبون ظني

واتمنى من اي واحد لو عنده معلومه بسيطه يحطها


انا جاني قبول بعثه

وبديت ابحث بين الولايات وصفيت على كذا ولاية

بس متردد من ناحيتها

الولاية الاولى اوريجون بورتلاند

مدحولي فيها سعرها وقالوا انها رخصية وشعبها كويس

لكن بستفسر هل تنصحوني بهالولاية عموما وبمدينة بورتلند خصووصا

وحبيت استفسر هل المدينة فيها اماكن ترفيهيه والواحد مايطفش مثل هناك

وكم اسعار السكن هناك بالنسبة للغرفة او غرفتين



المدينة الثانية سياتل

مدحولي اياها كثير ويقولون حلوه

لكن يقولون عيبها مطر 24 ساعه

وبالنسبة للسكن فيها برضوا كم سعره


بنسلفانيا بيتسبرغ

وش رايكم فيها بالنسبة للسكن والمدينة عموما




الولاية الاخير فلوريدا بس ماادري اي مدينة

فلوريدا انا لو بدرس فيها بدرس انجلش فقط لانها مدينه سياحه باعتقادي اكثر

لكن باعقادي انها بالانجلش افضل لانك تروح وتجي وتخالط الناس وهذي ميزه فييها

بينما بالدراسة اعتقد انها صعبه شوي وانا ماادري بالظبط لكن هذا اعتقادي

وسؤالي بفلوريدا وش تنصحني بمدينه حلوه واسعار السكن فيها حلو

اتمنى انكم تفيدونتي بخبرتكم بالنسبة للافضل بينهم

وباذن الله مارح تخيبو ظني

واسف اني طولت عليكم وكثره طبلات لكن اعتبروني اخوكم وانا اتمنى انكم تفيدوني