بورتلاند اوريجون - خبرتي بالمدينه والله يحي اي احد عنده استفسار

الله لايهينك اخوي ...... وش افضل من حيث (المعاهد + الوناسه)...... اويغون(سياتل)......كولارادو(دنفر)....فلوريدا

السلام عليكم
الشهلااني والله كفييت ووفيت
ياخي الكريم بسالك لو رحت للمقابله في السفاره ومعاي قبول معهد فقط من مديمة دنفر وانا ماعتقد احصل قبول في المدينه نفسها
هل اذا رحت للسفاره وعطيتهم قبول المعهد في دنفر هل يستوجب لي االدراسه فيها والسكن في دنفر؟؟وانا احتمال ادرس في بورتلاند
لاني شبه حصلت قبول جامعه فيها؟؟

ما عليك زود وكل سنة وانت طيب . اسف لانقطاعي اليومين اللي راحت . على العموم ، الله يحييك في بورتلاند وان شا الله تستانس هناك. طبعا السكن عن طريق الاي ال اس يكلفك شهريا 820 دولار مع العلم انه في الغالب يكون السكن عند عائلة من 500 - 600 دولار بالشهر. الاي ال اس طبعا يعطي العائلة 500 دولار والباقي ياخذونه والسبب انهم يقولون انهم ياخذون اتعاب. طبعا غالبية الطلاب يزبطون امورهم مع العائلة بحيث انهم يلغون العقد مع الاي ال اس ويصير العقد مع العائلة وتصير تدفع 500 ولا 600 دولار.



فيه شركة ممتازة موجودة في بورتلاند توفر عوائل للطلاب اللي يبون يسكنون مع عائلة ولكن المشكلة انهم متعاقدين مع جميع الجامعات باستثنا جامعة كونكورديا ومعهد الاي ال اس.


طبعا بما انك جديد ، فالافضل لك انك تخلي المعهد ينسق لك امور السكن ، بس قلهم يوفرون لك عائلة قريبة من المعهد لان هم في الغالب يحطون الطلاب الخليجيين في اخر الدنيا يعني يبي لك تقطع مشوار ساعة بالباص في الذهاب وساعة مثلها في الرجعة للعائلة. ودائما يحطون الطلاب الاسيويين في عوائل قريبة من المعهد .ولما تسكن حاول تسلك ام العائلة وتصير تسوي معها عقد وتدفع مبلغ بين 500 و 600 بدل 820.



الجزء الثاني من سؤالك ما فهمته ، وش تقصد ب فترة وحدة ؟؟؟؟؟؟؟



موفق ان شا الله وبتشرف بورتلاند

حياك الله اخوي . انا راح اجاوبك بالجزء اللي انا خبير فيه وهو جزء بورتلاند. المدينة جميلة وحلوة واللي يهم اكثر هو انها مدينة مريحة نفسية. من حيث الاماكن الترفيهية ، فيه الكثير بس كل واحد واهتماماته.


بالنسبة لاسعار السكن فهي تختلف من مكان لاخر . ولكن متوسط الايجار في الاماكن الكويسة بين 900 و 1200 دولار على حسب المكان والحجم.



موفق ان شا الله

هلا ومرحبا



طبعا سؤالك صعب الاجابة عليها لاسباب كثيرة منها ان السؤال هذا ما احد يقدر يجاوبك الا اللي درست فيهم كلهم. على العموم ، كل ولاية من الولايات اللي ذكرتها لها مميزاتها وعيوبها ، فافضل لك انك تدور على الجامعة الموجود فيها تخصصك.



موفق ان شا الله

هلين اخوي الشهرني اللي هاوشتك مرررره خخخخخخخخخ
والله ماتقصر بس يالغالي هل عندك خلفيه عن الموضوع هذا؟موضوع الاقامه في امريكا؟؟؟
وكيف الديره فيها مجمعات كبيره ودااون تاون كبير احب شوي الزحمه ملينا من القصيم مثل مانت خابر وش فيها القصيم
مزارع وسووق الخميس خخخخخخخخخخخخخ

وعليكم السلام


هلا والله بابوحميد .


تقدر تسافر لامريكا وتدرس لبورتلاند بفيزة دنفر بس لازم تتاكد من كم شغلة


ما تدخل امريكا قبل موعد دراستك في دنفر ب 60 يوم او اكثر . ما تجلس في امريكا عاطل بدون دراسة مدة 60 يوم.

ما تدخل امريكا بعد التاريخ المكتوب عندك في الاي تونتي واللي في الغالب هو تاريخ بداية الدراسة.



اذا كانت امورك في السليم ، فتسافر على طول لبورتلاند وقبل تبدا الدراسة تسوي ( Transfer form ) والشغلة ما تاخذ وقت.




موفق ان شا الله

وعليكم السلام ورحمة الله وبركاته



هلا وسهلا بالسمي


بخصوص المساجد . ففيه تقريبا 3 مساجد في بورتلاند وتقام فيها صلاة الجمعة . فيه مسجد الصبر وهو يعتبر المركز الاسلامي في بورتلاند ، وفيه مسجد بلال ، وفيه مسجد ثالث نسيت اسمه.


ايضا في صلاة جمعة تقام في جامعة بورتلاند الحكومية .



بالنسبة لكورفالس ، ففيها مسجد اسمه مسجد سلمان الفارسي وهو قريب من جامعة اوريغن ، وممكن فيه مساجد ثانية بس ما عندي خبر



بالنسبة ليوجين ، يوجد في يوجين المركز الاسلامي لولاية اوريغن وفيها مساجد بس ما اعرف اساميها للاسف.





موفق ان شا الله

السلام عليكم ورحمه الله

اخوي الشهراني ياليت انك تظيفني بالايميل اذا ماعندك مانع

ابستفيد منك كم شغله بولاية اوريجون وان شاء الله انك مارح تقصر

(تم حذف الإيميل لأن عرضه مخالف لشروط المنتدى)

وحبيت استفتسر متى اوقات دخولك للايميل