بورتلاند اوريجون - خبرتي بالمدينه والله يحي اي احد عنده استفسار

portlander اخوي الفاضل السلام عليك
انا جاي انا وزجتي شهر 6 ميلادي يعني بعد شهر تقريبا وانا بمعهد كابلان بس ماأعرف شي عنه ولاعن السكن اللي جنبه ولا اي شي عن الجامعات اللي ابي اسأله كيف الامور اذا جيت راح اتعب في ترتيب اموري وكيف الرحلات من السعوديه على اريقون توقفها مروورها وهل كل الجامعات اللي بأريقون في جميع المدن مغلقه من السفاره وهل في امل تفتح اللي مقفله واسف على الاطاله واتمنى اني ماأزعجتك بس ابي فزعتك يالذيب

اذا دراستك تبدا في 7-6 فأنت معي وعلى فكرة انا متزوج بس راح أأخر حضور عائلتي شوي

وعليك السلام ورحمة الله ,,

المعهد وسط المدينه او مايسمونه بالداون تاون ,, طبعا المعهد قريب بعد من جامعة Portland State University ,,

ما اتوقع تتعب بالسكن لكن انت تحدد اذا انت تبي تشتري سيارة ولا لا اول ماتجي ,, اذا انك ماتبي سيارة انا اشوف انك تسكن بالداون تاون او مثلا في العماير اللي حول جامعتنا وتقدر تروح للمعهد بالــ Street Car ,, طبعا الستريت كار هذا يمشي بالداون تاون ويوقف عند كابلن وعند جامعتنا بعد ,,

مشكلة السكن بالداون تاون اغلى من السكن برا ,, يعني بتلقى غرفه وصاله مابين 900 الى 1200 ,,

لكن السكن برا بتلقى اماكن ثلث ساعه عن الداون تاون وبـــ 700 دولار وشقه وسيعه وفي كمباوند كبير وانواع الهدوء ,, الداون زحمه ورجه وعالم وكثرة سعوديين لأن الجامعه بالداون تاون ,,

بالنسبه للجامعات في جامعة ثانية في بورتلاند اسمها University of Portland ولا هي مقفله ولا شي وفي جامعات برا مدينة بورتلاند ومو مقفله ,,

portlander اخوي السلام عليكم
بغيت اسألك عن درجة الحرارة في بورتلاند في شهر ستة وأيش تنصحنا ناخذ معنا من ملابس شتوية او صيفية وهل تنصحنا ناخذ مضلة عن المطر سمعت انه كثير اتمنى انك تضيف كل ماتراه مناسب وأسال الله ان يوفقك دنيا وأخرة ويحقق لك كل ماتتمناه دعوة من وسط مكة
ولك الشكر والتقدير

وعندي اضافة معليش قرأت انه فيه ناس إذا جو يحجزون على بورتلاند يقولون اي مطار الضاهر فيها اكثر من مطار وانا شفت في قوقل ايرث مطار يقع شمال بورتلاند جنب نهر ياليت تقولنا اختصار اسمة أو إذاكان مافية الامطار واحد ليش يسألون عن اي مطار في بورتلاند

انا ادرس بالمعهد وهو قوي مررره ...

كورفالس مو نائيه بس مدينة صغيره بس فيها كل شي بس ينقصها الترفيه شوي ..

انا سكني يبعد عن المعهد 7 دقايق بالباص ...

اي شي تبيه انا حاضره ...

شهر 6 و 7 و8 احلى شهور بورتلاند وفيها حر بالنهار وبالليل الجو جميل جدا ,, بالنسبه للفتره هذي بتكون اغلب الملابس صيفيه ,, من شهر 9 يبدا البرد لكن مو برد ثلوج ,, عادي برد يحتاج جاكيت بس ,, موضوع الملابس لاتشيل همه هنا في اسواق كثيرة وفيها كل اللي تبيه ,,

بالنسبه للمطر ايه هالولاية المطر مايوقف فيها ماشالله ,, يفضل وجود مضله لكن مو شرط تجيبها معك من السعودية هنا تلقى المضلات بالبقاله ,,

بالتوفيق

بيض الله وجهك يا portlander ولا استغني في فزعتك ترى والله اللغه ماحولك أحد ولا أعرف شي لان البعثه هذي ماجات وانا بعد اشوف تكفي ياportlander ابي فزعتك اذا جيت

ايه اخوي انا في نفس التاريخ والله يعين بس وانشالله انا نتقابل واذا تبينا نتواصل من قبل مانروح يكون انا ماعندي مانع ارسل لي رقمك على الخاص

اخوي خالد ارسلت لك رسالة على الخاص