بورتلاند اوريجون - خبرتي بالمدينه والله يحي اي احد عنده استفسار

انا بالسعوديه للحين ماطلعت انشا ربي يسهله علي وعلى الاخت وندخل المعاهد الي نبي
اخوي خالد الله يعطيك العافيه على حسن تجاوبك معنا وعلى جهودك
اخوك قمران
تحياتي

اخوووي خالد وش فيك زعلت ؟؟ شكلنا هبلنا بك بالاسئله

بس مشكوووووووور وماقصرررررت والله يعطيك الف عافيه ع جهودك القيمة وتعاونك

والعــذر منك اذا ازعجناك

الله يجزاك خير اخوي اتمنى لك التوفيق

لاياأختي انا مازعلت ولا اتضايق اذا اني ابي اخدم احد وانا هنا ابي اخدم باللي اعرفه فقط واللي ممكن اشور فيه والباقي عليكم انتو
اتمنى لك التوفيق اختي ونشوفك في معنا في البي اس يو بأذن الله

أول شي أخوي ماتقصر والله أبداً في الموضوع
ثاني شي ,
عندك خبرة في مدينة يوجين؟ ولا لأ؟ إذا عندك معلومات عنها ياليت تساعدني أخوي .. وماتقصر والله مرة أخرى ^^ شكراً

ان شاء الله اتمنى ذلك

بالتوفيق لي وللجميع ,,

ودمتم بـــود

..


..

اهلين اخوي
مدينة يوجين تبعد عن بورتلاند مايقارب ساعتين بالسياره مدينه جامعيه يعني يوجين مافيها الا الجامعه مافيها اي شي من وسائل الترفيه مدينه صغيره كويسه الجامعه فيها من افضل الجامعات واقواها فيها معهد كويس وقوي تابع للجامعه فيها سعودين وخليجيين كثير الاجارات فيها مش غاليه ولا رخيصه لان الشقق والبيوت قليله والطلب عليها كثير بالنسبه للمدينه لان المدن اللي زيها تلقا الاجارات فيها رخصه شوي بس هي شوي غاليه فيها مجمع تجاري حليو يعني المدينه والجامعه كويسه مش بطاله يعني حقت دراسه فقط
بالتوفيق

مرحباااااااا

انا برضوا قبولي في كابلان للأسف والغلطة الاكببببببببببببببببر اني طلعت الفيزا على قبول كابلان
بعد ماطلعته طلعت معهد تابع لجامعه ميسوري بداية دراسته في 15 اوقست
ومعهد كابلان دراسته في 11جوالاي
يعني فيه فرق شهر بينهم
المشكلة بدخل امريكا في قبول كابلان ومااقدر اغير الا اذ سويت فيزا من جديد .....وهذي ممكن تسبب لي مشكلة لان في نانس قالولي ممكن السفاره تقولي انتي جالسه تلعبين ولى يطلعون لي الفيزا ...........

السؤال الحين انا شفت رد واحد مثل مشكلتي بس فيه شئ ما لقيت له اجابه

هل اذ رحت الملحقية وعطيتهم قبولي الثاني حق المعهد التابع للجامعه هل راح يحولوني عليه على طوووووول معهد جامعة ميسوري بدون اما ادخل بورتلاند كابلاان؟؟؟؟؟؟
او هل راح لازم ادرس بكابلان فتره بسيطة وبعدين يحولوني ؟؟؟؟؟؟؟؟؟؟؟؟ وهل فتره دراستي في كابلان راح تحسب علي من البعثه؟؟
انا مره محتااااااسه خصوصا ان لو بروح بورتلاند كابلان راح اسكن في فندق يعني ((راح يزيد الصرف علي كثير خصوصا فلوسي على قدي ))؟
السؤال ابي فندق قريب من كابلان ويكون رخيص وابي اسم الحي حقهم وكيف راح اتنقل في المدينه ؟؟؟ خصوصا ان عندي طفله عمرها 6 شهور ابي لها حضانه قريبه من معهد كابلان

سؤال خارج الموضوع شوي (( كم مره يحق لي اغير المعهد ؟؟))))

ياناااااااااس ضايق صدري مررررررررررره شسوي

^
^
^
بالضبط نفس المعاناه ونفس مشكلتي وكتب موضوع كامل
بس محد رد علي
دروا بليز وطمنوا قلوبنا

وينكم ردوا علي بلييييييييييييييييييييييييييز