بورتلاند اوريجون - خبرتي بالمدينه والله يحي اي احد عنده استفسار

السكن حسب الفرع اللي أنت فيه، الأفضل حسب رايي الشخصي فرع سلفينيا.
ممكن تسكن مع عائلة بهالمنطقة فيه كم عائلة ويميزهم انك تقدر تشوف كل سكن قبل توافق.
و لو تبي تسكن لحالك فيه شقق قريبة نوعا ما في بيفرتون (منطقه حلوه وفيها كل شي تحتاجه) بحدود 700 الى 900.

أبدا ماتحتاج سيارة الباص يكفي بكل مكان محطة. أو اسمع نصيحتي وخذ سيكل مثلي .

المشكلة ما أقدر أختار الكامبس اللي أبيه صح ؟ حسب الليفل اللي بيحطوني فيه هذا اللي انا فاهمه ،
وكم يوم يبي لي تقريبا لين أحصل سكن ، أسبوع كافي ؟
وفيه مؤثث ولا أغلبها بدون أثاث ؟
معليه كثرت أسئلة اعذرني
والسيكل فكرة ممتازة ، لا بنزين ولا صيانة ولا هم يحزنون

اذا كنت بالمستوى الرابع أو أعلى ممكن تختار الفرع اللي تبي، اما لو كنت أقل يحطونك بالكاسكيد
الكاسكيد منطقته ماتنفع للسكن، بس ممكن تسكن قريب من سلفينيا عادي، وفيه باص تبع نفس الجامعه يتنقل بين الكامبسز من فرع لفرع.

ايه ان شاء الله اسبوع الى عشرة ايام كافي. بس ماتلقى شي مع اثاث الا نادر جدًا.
انا استأجرت الشقه بعدين استاجرت اثاث من موقع cort لأني ماراح اطول بالولاية. انت تقد تشتري شي بسيط من ايكيا او تستأجر.

السيكل يحتاج صيانة بس على قده كل شي بسيط
بالعكس حاضر دامني فاضي ارد على اللي اقدر والله يوفقنا واياكم جميعًا.

مرحبا شباب انا حاليا طالب لغة وعلى fall ان شاء الله حادخل الجامعة في كالفورنيا _ فرزنو وحاب انقل لجامعة بورتلاندPUS هل اقدر انقل قبل ما ادخل الجامعة او لازم اخذ ترم بعدين انقل؟ مع العلم ما جبت درجة التوفل الي يبغونها للبكالوريوس.

والله ياخوي مادري عن هالحالة.
بالعاده يطالبون باللغة كشرط، لكن احسن حل انك تراسلهم وتاخذ العلم الأكيد.
بس بما انك ماشاء الله مقبول بجامعة بلغهم بهالشي، واذكر بالرساله انك تبي تحويل وهل ممكن تبدأ من الخريف او لازم بعد ترم.

وان شاء الله تتسهل امورك وتنقبل.

السلام عليكم انا سجلت بامعهدpcc واخترتfallاوكي بس فيه خيارين لبداء الدراسه كيف اعرف انا باي وقت واذا ابغى بموعد معين كيف !! احد عنده خبر

عليكم السلام
اعتقد اللي قصدك يعطونك وقت الايام التحضيرية ووقت البدء الفعلي. اذا قبلوك يوصلك ايميل موضح فيه كل شي لاتشيل هم.
ان شاء الله كل شي يتسهل وتتوفق.

لو سمحتوا االاشخاص اللي في معهد pcc لماارسلتو الضمان كم جلستو الى ردو عليكم المعهد!!

بالنسبة لي ردو في نفس اليوم انهم استلمو الطلب وان الأوراق كاملة والطلب تحت التدقيق وراح يآخذ من أسبوعين إلى ثلاث أسابيع ، بعد 3 أسابيع أرسلو ايميل كاتبين فيه :

.This email is to let you know that I have just passed your application onto the admission coordinator for final review
.We will contact you when the admission decision has been made

ورديت عليهم كم بيآخذ وقت إلين حضرته يقرر ، ردوا من أسبوعين إلى 4 أسابيع ، غريبه عشان أجيب قبول لغة يحتاج شهرين منهم !!
يا شباب المعهد هل حصل معكم نفس الشيء يوم قدمتوا ؟!

انا قدمت على هالمعهد بتاريخ 5/8 عبيت الابلكيشن وارفقت المرفقات المطلبوبه ايميل بنفس اليوم
وجاني الحمدلله القبول بتاريخ 6/21
تقريبا شهر بالضبط وهم كاتبين من اسبوعين ل 4 ان شالله يوصلك قبل