بورتلاند اوريجون - خبرتي بالمدينه والله يحي اي احد عنده استفسار

بنات فقط مين رايحه مدينه كورفاليس ولايه اوريغون ياريت نتواصل على الخاص يارب في احد 🏻🏻🏻

السلام عليكم ورحمة الله وبركاته .. كيفكم عساكم بخيرر يَ رب .. انا جاي باذن الله بوسط شهر سبتمبر ودراستي ماستر اداره هندسيه بجامعة PSU .. ابجي انشاء الله انا وزوجتي ، وابي سكن يكون من صاله وغرفه غير مؤثثه وابي بعد مساعده باحسن طريقه للتأثيث او اذا في احد بيطلع من شقته وبيبيعلي الاثاث وسياره اذا في بعد ..

السلام عليكم ورحمة الله وبركاتة
انا من طلاب معهد pcc
انا لي في بورتلاند ثلاث شهور درسة في المعهد فصل الصيف
احب اوضح ان المعهد لة اربع فروع في بورتلاند ( الروك كريك - كاسكيد - سلفينيا - الوويل كريك)
المستويات الاولى وهي تعتبر تأسسية للطالب تبداء من الاول و الثاني والثالث تدرس في فرع الكاسكيد كامبوس المنطقة اللي فيها المعهد لا تناسب السكن فيها ولا انصح العوائل بها
المهعد تدريسة قوي مناهجة جدا تفيدك في حياتك اليومية والتعامل مع الناس استفدت منة كثير في( اجراءات اليومية في البنوك او البحث عن الشقق وصف مكان او عنوان) يعني ماتدرس منهج عالفاضي .
كذالك كتبهم تتبع طريقة اختبارات الايلس بالتدريس بتقولي كيف اقولك اغلب مواضيع الكتاب مأخوذة من اختبارات سابقة في الايلس يعني ان شاء الله ماتحتاج دورات في اجتياز الايلس
للاحظوا انا اتكلم فقط عن المستويات الاولى وراح يفيد للطلاب اللي تأسيسهم ضعيف باللغة احب اوضح نقطة بسيطة المناهج اعلى مستوى من ان يدرس طالب في المستويات الاولى باللغه يعني راح تواجهون شوي صعوبة لكن كل شيئ لزم تعطية حقة خصوصا اللغة يعتمد على اجتهاد الشخص نفسة .
اما في ما يخص طاقم التدريس فهنا يعتمد على الحظ كون اساتذتهم دائما يتغيرون بين فروع المعهد فهناك السيئ و الجيد بينهم لكن الحمد الله كان نصيبي مع المدرسين ممنتاز اعطوا الطالب حقة و تعبوا معنا في التعليم و طلعنا منهم بفضل الله بنتيجة رائعه . المعهد متشدد من ناحية الغياب و التأخير ايضا المستويات الاولى لا يمكن تعديل جداولهم تقدر تعدل الجدول وترتبة من المستوى الرابع يعني نفس نظام الجامعه رتب محاضراتك والاو قات اللي تناسبك .
اخيرا نظام الاجتياز المستوى لا يعتمد فقط على حلك في ورق الاختبار !!!
هناك للجنة مكونة من الاساتذة اللي درسوك خلال المستوى يحددون مستواك هل يؤهل للنجاح ام لا اشبة ما يكون بتقديم رسالة الماجستير ! وهنا لزم تثبت نفسك !! هل انت متمكن ام لا .
كلامي يوضح فقط المستويات الاولى كوني كنت بها ادرس وعديتها والحمدالله على كل شيئ .

وان شاء الله لي عودة افيد و اوضح فيها المعيشه في بورتلاند و الاماكن المفضلة وآمنة بها

واتمنى اني افدت اي احد مقبل على هذا المعهد و لا تنسوني من الدعاء لي و لاخوي بالتوفيق والنجاح .

الله يوفقققك يااارب انا مسجله فيه بس الفيزا تاخرت علي وماقدرت اطلع واللحين اراسلهم عشان يعطوني اي توني جديد لانهم مارضو يطلعون لي بفيزا باي توني قديم مع ان التاخير منهم لكن الحمدالله وماعلينا منهم والله يكتب اللي فيه الخير طيب بسألك كم شخص في الكلاس ومتى الدوامات سولفي علينا الله يجزاك خير

بالنسبة لعدد الطلبه في PCC من ٨ اشخاص الى ٢٠ شخص
ودراستهم تعتبر سهله مافيه ضغط لكن يجب عليك المذاكره اول باول بالاضافه لحضور بعض الحصص الغير ممنهجه ( للفائده ماعليها درجات )
المستويات الاولى ( مثل ما وضحت الاخت دلال ) في مبنى الكاسيد يعني اذا مستواك بيكون لفل واحد او اثنين او ثلاثه بتكون بالكاسكيد وبالنسبة للفلات الاعلى اربعه وفوق تقدر تختاراحد المباني اللي منتشره في بورتلاند
بالنسبة للمبتدئين دراستهم مسائيه من الساعه ١ الظهر الى ٥ يوميا (( انا سمعت انهم بيلغون يوم الجمعه الترم الجاي والدوام بيصير الى ٦ بقية الايام ))

عليكم السلام ورحمة الله وبركاته
الحمد لله بخير
بالنسبة للسكن اخوي الافضل تاجله حتى توصل بالسلامه ان شاء الله وتختار على كيفك وعلى حسب المكان ( هل تبغى السكن يكون قريب للجامعتك والا لجامعة زوجتك ؟ وهل تبغى السكن بوسط البلد والا برى ؟ هل بتشتري سياره والا بتعتمد على المواصلات ؟........ الخ
وبالنسبة للاثاث عندك ايكيا فيها كل شي ويوصلون لبيتك
واغلب السكن غير مؤثث ( طبعا بالغالب بيكون معه اجهزه كهربائيه فرن كهربائي وثلاجه وبعض الاحيان غساله )
واذا بغيت اي استفسار والا مساعدة بلغني

هلا اخوي
اذا بغيت شي تواصل معي وشكرا

يعطيك العافية يا ابو سلمان ما قصرت.. أنا في بورتلاند الان الأمور مستقره ولله الحمد

نعم كويسه للعوايل
وآمنه بإذن الله
ورخيصه وهاديه وصغيره والاجواء حلوه وطبيعتها خلابه

السلام عليكم ورحمة الله وبركاتة
حبيت افيدكم في موضوع التأثيث و المحلات المخفضة سبب في ذا لك الان اول ماوصلنا في بورتلاند للاسف ما كنا نعرف الاماكن المحلات اللي اسعارها مناسبة ورخيصة. هناك بدائل تغني عن ايكيا نصيحة لا تضيعوا المزانية على اسم ماركة معينة وخصوصا في التأثيث بنهاية راح تتركها للبيع بسبب التنقل هذا اذا كنت راح تدرس مرحلة اللغة وبعدها تضطر الى الانتقال الى ولاية اخرى
حبيت افيدكم عن بعض المحلات الرخيصة في التأثيث و شراء كل ماعليك ان تضع الاسم المحل في googl maps ليظهر لك الموقع:
goodwill
عبارة عن محل للاثاث المستعمل واشياء اخرى يوجد به فروع كثيرة في بورتلاند وكل فرع مختلف عن الاخر
ROSS محل يعتبر تصفية للماركات منوع ويوجد بة كل شيئ .
T.J.MAXXمحل يعتبر تصفية للماركات منوع ويوجد بة كل شيئ.
كذا لك في تطبيق جدا استفد منة يتحمل على الجوال UfferUp يظهر لك الاشخاص القربين منك اللي يعرضون سلعهم للبيع و يوجد فية القطع جديدة وايضا مستعملة .
اما فيما يخص السكن حبيت الابتعاد عن الداون تاون السبب غلاء الإيجارات بة ايضا كثرة الهوملس و المنطقة دائما مزحومة .
منطقة سلفينيا و تايغرد جيدة لكن سبب الابتعاد عنهم انها منطقة جبلية و غابات و كثافة الاشجار , منطقة بيفرتون منطقة كبيرة جدا يوجد الجزء القديم منها وهي شبيها بمنطقة تايغرد و سلفينيا اما الجديدة افضل من ناحية قلة الكثافة الغابات والترتيب منطقة هلزبورو منطقة مسطحة وغير جبلية منظمة وشوارعها واسعه ايضا تعتبر منطقة هادئة مقارنة بغيرها يوجد بها وحدات سكنية جديدة واسعارها مناسبة مايعيبها هو البعد فقط اذا كنت تدرس بالداون تاون .
هذا رائيي الشخصي لبعض المناطق اللي بحثت فيها عن سكن .
اتمنى اني افدت الاخوة القادمين لبورتلاند و لا اريد الا الدعاء لي و لاخي بالتوفيق في هذة الايام المباركة .