بخصوص معهد أمباسي لوس أنجلوس لونج بيتش اللي يعرف اي معلومه عنه يتفضل ..!

انا سالت عن جامعات كويسه فقالولي
جامعه ايرفاين بس ماادري اذا فيها معهد او لا
اعتقد اني بغير الولايه والمعهد بس على اللي تضبط معي .. ( :

عفوا رح رح
اذا ممكن ترسلي لي ايميلك
شكرا

مساء الخير.... انا جاني قبول في نفس المعهد بنيويورك وتجسير هو الي جابه لي القبول بس انا سمعت ان المعهد تجاااااري وسيء جداااا وافكر اغير بس الي يعرف معهد اكاديمي كويس يقول ؟ وكيف اغير المعهد ؟ ومتى...لاني مابعد قدمت على الفيزا ؟ وهل التغير صعب ؟

يالطيف وانا بعد ابي اغيره ماادري يوافقون ..
وع فكره سمعت ان مكتب تجسير مايجيب قبول الا على معاهد تجاريه فقط
حرام عليهم وبعد سمعته سيئه المعهد ) :

وانا معاك كمان تصدقي فرحت كثير بس مضايقتني شغلة وحده ان المعهد تجاري

ان شاء الله تكون خيرة لنا موعد سفرتي متاخر شهر 7 ميلادي

و انا اختي بعد مثل حالكم
طيب نقدر نغيره انا باقي ماطلعت الفيزا .. و اللي اصلا معاه توفل ايش يسوي ؟؟ لازم يدرس بمعهد هناك و يضيع سنه من عمره

ياناس
اذا قدرتوا تغيروا لمعهد تابع لجامعه من السعوديه فهادا شي كويس
واذا ما قدرتوا في لكم حل

اول حاجه شوفوا بالزبط اية معهد جامعه تبغوا تنقلوا عليه وشوفوا السمستر حقو متى يبدأ ,, لأنو معاهد الجامعات كل بعد 4 اشهر او 3 اشهر او شهرين يبدأ سمستر جديد ( كورس جديد ) ,, على حسب مدة الليفل عندهم

اما المعاهد التجارية فتبدأ كورس جديد كل شهر


تاني حاجه اعملوا تأجيل لدراستكم في المعهد التجاري الين قبل بداية الدراسه في المعهد حق الجامعه بشهر


يعني :
- مثلا لو نقول السمستر حق معهد الجامعه اللي حطيتوا عينكم عليه يبدأ في - 20 جانيوري (يناير ) ,, والسمستر التاني يبدأ في - 20 آبريل .
-والدراسة في المعهد التجاري اللي عندكم مثلا نقول يبدأ في - 27 جانيوري (يناير) ,, والكورس التاني يبدأ في - 27 فبراير ,, والكورس التالت يبدأ في - 27 مارس ,, والكورس اللي بعدو في - 27 آبريل .

---
طبعا انتوا لما تجوا على المعهد التجاري في الكورس اللي يبدأ على 27 جانيوري حتكون الدراسه اكيد بدأت في معهد الجامعة وحتطضروا تقعدوا في المعهد التجاري 3 شهور عشان تقدروا تحولوا
يعني حتضيع من فترة لغتكم 3 شهور في المعهد التجاري على الفاضي ,, وهيا اصلا فترة اللغه 12 شهر ومع التمديد 18 شهر ما تزيد ولا يوم واحد


فإنتوا ايش تعملوا ؟؟
تأجلوا دراستكم في المعهد التجاري الين الكورس التالت اللي يبدأ في - 27 مارس ,, وتقعدوا في المعهد التجاري الين بداية الدراسة في المعهد حق الجامعة اللي هوا السمستر التاني اللي يبدأ في - 20 آبريل .
وخلال المدة اللي تقعدوها في المعهد التجاري ,, تجيبوا ورقة قبول مبدئي بس من معهد الجامعه اللي تبغوها بسررررعه وعلى طول ترفعوا طلب في الحكومة الالكترونيه على النقل من معهد لمعهد تاني وترفعوا مع الطلب القبول المبدئي وعلى طول ترسلوا رساله للأدفايزر حقتكم تقولولها تساعدكم في التحويل وتدعمكم بسرعه لأنو الدراسه في معهد الجامعه ماباقي عليها شي كتير .. واذا وافقوالكم الملحقيه على طول اعملوا ورقة اخلاء الطرف وحددوا التاريخ اللي تبغوه في انهاء دراستكم في المعهد التجاري والافضل تخلوه قبل بداية الدراسه في المعهد حق الجامعه بأسبوع لأنو والله ترا القعده في البيت بدون دراسه مررررررره طفش ,, فحاولوا بس اسبوع او اقل اما لا تخلوا الطرف بتاريخ قريب وتقعدوا فاضين اسبوعين او 3 اسابيع

او الافضل تجو على المعهد التجاري في والكورس التاني اللي يبدأ في - 27 فبراير ,, عشان يكون عندكم وقت لو عكسولكم الملحقية النقل او ما عملولكم موافقه على الطلب في الحكومه الالكتروني ,, او ما ارسلولكم الضمان المالي بسرعه والمعهد رفضكم لانو اتأخرتوا في ارسال الضمان ,, فيكون عندكم وقت عشان تجيبوا قبول مبدئي من معهد جامعه تاني وترفعواه بسرعه على الحكومه وتكلموا الاجرائات


وبكدا محا يضيع من فترة لغتكم الا شهرين او شهر او اقل من شهر ومحا تضيعوا وقت على الفاضي


-------------------------------------
الطريقة التانيه مو متأكده منها لكن سمعت وحده عملتها وزبطت ,, بس اتأكدوا منها قبل ما تعملوها

انو تأجلوا دراستكم في المعهد التجاري اليين الكورس التالت اللي قلنا يبدأ في - 27 مارس ,, ومعهد الجامعه السمستر التاني فلنفرض انو يبدأ في - 20 آبريل
ملحوظه مهمه ----- بين بداية الدراسه بين المعهد القديم وبين المعهد الجديد تقريبا اقل من شهر -------
ومن السعوديه تطلبوا من المعهد حق الجامعه قبول مبدئي ويرسلولكم هوا على الايميل وتطبعوه وتسافروا كأنكم رايحين على المعهد التجاري وعلى نفس موعدوا وعادي مره والآي توني حقه معاكم

وتدخلوا امريكا بالاي توني حق المعهد القديم التجاري وعلى واشنطن ,, ولما تجو تروحوا على الملحقيه وتفتحوا ملف طالب جديد تطلعوا لهم ورقة القبول المبدئي حق المعهد الجديد التابع لجامعه وقولوا لهم نبغا نفتح الملف على القبول المبدئي حق معهد الجامعه ما نبغا المعهد التجاري وتقولوا لهم اسبابكم
وهما على طول يفتحولكم الملف على القبول المبدئي حق معهد الجامعه الجديد وحيقولوكم نرسلكم الضمان المالي على المعهد الجديد على طول ,, واسألوهم هل نحتاج نروح للمعهد القديم نعمل اخلاء طرف او لا ,, واذا قالوا لا خلاص روحوا على منطقة معهدكم الجديد ودوروا على سكن واسكنوا واستقروا واستنوا الين تبدأ الدراسه في المعهد الجديد

بس
ياريت وضحت الصورة

اذا كنتي ماستر فالمكتب راح يحطك بمعهد تجاري لاني سالتهم
قالوا لي المعاهد الاكاديميه غالبا لطلبه البكالوريوس
اما الماستر فمعاهد تجاريه ولا بعد انا قلت بجيب قبولي بنفسي فقالو لي احتمال كبير ترفض الوزاره
لانو كثير طلاب سووها وماضبطت معاهم رفضوهم
\ ْ~ْ
بعدين غلاتي اتاكدي من تاريخ بدء دراستك لانو بالاي توني يكتبو التاريخ اولا ثم اليوم
يعني ممكن يكون يوم سبعه والشهر تاكدي منه
لانو حسب ماسمعت بالملتقى كل الطلاب بيسافرو اقصى شي بشهر اربعه ميلادي يكون الكل خرج

انا عن نفسي بديت اعبي بيانات الفيزا وحطيت المعهد هذا استسلمت هههههه
واذا انتي معك توفل اظن سمعتي بالملتقى عادي تدرسي بالكثير 3 مستويات وتقدمي عالجامعه واذا جاك قبول تدرسي
مو شرط سنه اهم شي تجتازي الاختبار ..

شكرا شكرا كثير رح رح
اتضحت الصوره ربي يسعدك