Calf. State San Bernardino

السلام عليكم ..
أبي أعلق على أخوي إلي يبي يكمل دراسته و درجته F2 بعد إنتهائه من اللغه يقدر يقدم للملحقيه و يغير فيزته لـ F1يسير مبتعث و حتى لو أنتهت زوجته من اللغة او أي درجه علميه هو يسير المبتعث و هي مرافقه له يعني يسهلوها عليه و ما يقطعون بعتثه أبد ..و الله أعلم ..

و أبي أسأل بالنسبة لللجامعات إلي أبي مراسلتها : كيف أراسلها يعني عن طريق وش ؟؟( الإنتر نت و لا الأظرف المغلقه )؟؟؟
و ثاني شي ابي أعرف وش هي الأوراق إلي لازم أرسلها لهم علما إن ما عندي غير 3 توصيات فقط .
وأرجوووكم ثم أرجوووكم تردون علي و شكرا..
و الله يسهل عالجميع وصوله و سكنه و دراسته و يفتحها علينا كلنا ياااارب..

بالنسبة الى التسجيل في الجامعات تحتاج الى :
1- تعبئة الطلب من موقع الجامعة اونلاين
2- صورة من اخر شهادتين للتقديم على الدرجة المطلوبة بالانجليزية
3-3 توصيات
4- خطاب الهدف من الدراسة
5- اذا من متطلبات الدراسة توفير اختبار توفل 550 درجة مطلوب
6- من متطلبات القبول اختبار جي ار اي للتخصصات العلمية او اختبار جيمات للتخصصات الادارية
وبس

ترسل كل الاوراق المطلوبة على البريد السريع الى بريد الجامعة

هذا اذا فيه اي تعديل نرجو منكم التصحيح وبالتوفيق

مرحباااا اهل سان برناردينو
حياكم الله انا صارلي بهالمدينة 6 شهور ,المعهد الي تابع للجامعه جدا جدا ممتاز وجدي تحس انك بتدرس بجامعه وراح تخرج وانت مية مية لو انت انسان مجتهد, المدينة صغيرة ودراسية بس لو تبغى تطلع بالويكند جنبكم كل شئ لوس انجلوس انهايم ريفر سايد ووو
بالنسبة للسكن انا انصح العوائل بالسكن في مجمع سن رايز لان ميزة هالمجمع انهم ممكن يأجروك شهريا بحيث انك ممكن تأجر شهر ولو ماعجبك السكن تغير والحلو فيه انو قريب جدا جدا من الجامعه انا احيانا اروح مشي ,بالنسبة للبقالات والصيدلية كلو موجود حوالي 5 دقايق بالسيارة , بالنسبة للامان امانة انا ليا 6 شهور ماشفت شئ منهم بالعكس اهلها ناس جدا طيبين وبسطاء لكن المهم انك ماتخرج متاخر بالليل مشئ وبعدو عن الداون تاون البوليس عندهم غالبا نشوفهم يمرو عند الجامعه والاحياء السكنية للتفقد حتى احيانا ممكن تسمعو صوت الهلوكبتر بس هالشئ كويس انو في مراقبة والامن واعي
بالنسبة للحضانة اعرف وحده جنب المعهد واتوقع انها تكون مجانا حسب علمي للطلاب ماادري عاد لو اتغير الوضع, المواصلات لازم تكون معاك سيارة لان ماعندهم قطارات داخل المدينة بس موجود الباصات لاكن ماانصح بها طوال الوقت.

أتمنى اني افدتكم بخبرتي واي استفسار انا موجوده

تحياتي

تصحيح للمعلومة جامعه سان برناردينو تعطي قبول مشروط للبكالوريس والماستر وتقدر تخلص اللغة وتدخل الجامعه بمجرد انتهائك من اخر لفل بالمعهد اليفل 6 السادس ولا تحتاج لا للايلتس ولا للتوفل اما بالنسبة للتخصصات البزنس والعلمية فيطلبو منك اختبار الجي ار اي بدون درجة محدده وبالتوفيق

الله يوفقك ان شاء الله

وللماستر مطلوب الجيمات والجي ار اي يطلبونه للطلاب الي يدرسون كمبيوتر ساينس واي تي مو لجميع التخصصات وفي بعض التخصصات ما يطلبون لا جيمات ولا جي ار اي

والمدينه سمعت انها ثالث اخطر مدينه في ولايه كاليفورنيا بس عن نفسي انا ما شفت شي والشباب الي قبلي هنا من سنتين وثلاثه ما قد شافوا شي

موفقين

السلام عليكم
ممكن استفسراختي منك هل يوجد قسم تقنية النانو في هده الجامعه؟
-طيب انتي بتقولي اختي لازم سياره كم مبالغ السيارات هناك ......
وهل تكفي المكافئه في هذه المدينه مع العلم لايوجد دخل غيرها.....
وجزاك الله الف خيرعلى المعلومات المفيده .

عليكم السلام, أكتبلي اسم القسم بالانجلش عشان اعرف لو موجود او لا.
امممم مبالغ السيارات تختلف وانا صراحة ماعندي خبرة بحكم اني لسة جالسة عالايجار لكن تقدر تقول من 7000$ وفوق.
المكافئة لو انت انسان اقتصادي وماراح تتمشى كتير مثلا بالاسبوع 3 مرات واكتر راح تكفي ان شاء الله
عن نفسي بحكم معايا 2 من اهلي و خرجاتنا تقريبا يوميا فصراحة ماتكفي
وتعقيبا عالاخ الي يذكر انو سمع انها 3 اخطر منطقة الرجاء ماتستمعو لهذه الاشاعات اي مدينة بامريكا وبالعالم طول مانت ماشي بالسيف سايد محد راح يتعرض لك في عوائل كتير سعودية هنا مللخفي عليكم انو المكسيكان اكترر .

تحياتي

شكرا استاذتي عالاهتمام وربي يوفقك ويوفقنا
Nanotechnologyهذا هو التخصص بالانجليزيه نانو تاكنيلوجي او تقنية النانو

اختي المجمع الي انتي فيه كم ايجارو الشهري ؟ ولو حبيت اسكن في سكن المعهد انا وزوجتي وطفلي في ولا لا وكم شهريا تقريبا ؟

وكم ايجار السياره الشهري ؟

وسمعنا انو في الجامعه قريب جدا منها روضه صحيح هذا الكلام لان طفلي ربي يحفظو سن روضه ؟

ومين قال انها 3 اخطر مكان بدينا نخاف هههههههههههه؟

وماصحة من يقول انو فيها حرااايق ؟ وايش رايك باختصار بمعيشتها ؟ وليش تنصحينا نبعد عن الداون تاون؟

وااسف اختي عالاطاله لكنها والله استفسارات مهمه ليست لي لوحدي لكن لتعم الفايده للجمييع

المجمع الي انا فيه ساكنة بغرفتين وحمام الله يكرمك وصالة ومطبخ وبلكونة ومخزن بالبلكونة بحوالي 995$ وتتغير اسعار الايجارات غالبا حسب المواسم احيانا تزيد واحيانا تقل , الكهربا والمويا والانترنت عليكم ,اغلب المجبمعات كدا الا الهاوس شيرنق والسكن الجامعي
بالنسبة للسكن الجامعي ماينفع العوائل ابدا لان لهم استراتيجية انو مايخلو ذكر وانثى يسكنو بشقة وحده حتى لو كان اخوها او زوجها , البنات لهم مبى خاص والشباب لهم مبنى خاص
ايجار السيارة حوالي 1000$
والمعهد قريب منو حضانة صحيح
بالنسبة للحرايق انا سمعت هالكلام ولكن هالحرائق ماتتعدى حدود الجبال بسبب الحرارة صيفا وانا كنت موجوده الصيف الي راح فيها والحمد لله ماصار شئ
الداون تاون غالبا اي داون تاون بايمدينة يخوف ويحذرو منو مااخفي عليك لو اقلك ان داون تاون لوس انجلوس اخطر من الداون تاون تبعنا بسبب كثرة الزنوج والهوملس والمثل يقل بعد عن الشر وغنيلو انا من جيت ولا اعرف الداون تاون حق سان برناردينو لووول
المعيشة بصفة عامة جيده وممتازة للجادين بالدراسة
بالنسبة لتخصصك اخي الكريم مالقيتو للاسف ولكن في عندهم تخصصات فيزياء وتكنولوجيا وو وهنا الرابط كل التخصصات لو حاب تلقي نظرة
California State University, San Bernardino - Colleges
المهم ان شاء الله لي عوده للموضوع تفصيليا بالصور لو قدرت

تحياتي