LinkBack URL
About LinkBacks
يعطيك العافية اخوي كم توصل درجات الحرارة الصغرى في الشتاء
7 " 
تقرير كل شي عن يوجين و U of o
تقرير كل شي عن يوجين و U of o
تنبيه: هذا الموضوع قديم. تم طرحه قبل 5096 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- هلا اخوي طرباوي , توصل درجة الحراره الصغرى الى 2 والكبرى 7 وزي الاسبوع هذا اعلى درجة حراره راح توصله 9 واقل درجة حراره 27 "
- واللة جيت وربي جابك فعلا7 "
ودي اسالك بعض الاسئلة
1- كيف مستوي الجامعة هل هي معقدة ولا الدراسة سهلة فيها علما ان تخصصي ادارة
2- كيف اسعار الشقق المكونة من ثلاث غرف وهل تكون مؤثثة وماهي افضل الاحياء القريبة من الجامعة وهل السكن متوفر بكثرة وهل ممكن احجز سكن وانا في السعودية واذا هناك موقع للشقق علي النت ياليت تفيدنا فية
3- كيف الخدمات والمرافق في هذة المدينة
4- هل يوجد في الجامعة حضانة
5- كم نسبة السعوديين في المعهد والجامعة وهل هناك مشكلة في لبس النقاب والحجاب
6-هل يوجد مطاعم عربية ومتاجر عربية
7-هل يوجد رحلات مباشرة من واشنطن الي يوجين وكم تسغرق الرحلة
8- هل ممكن اسوق السيارة بالرخصة السعودية او الدولية واذا فية موقع لبيع السيارات المستخدمة علي النت
9- هل توجد مدارس اسلامية او عربية في المدينة وايضا مركز اسلامي
10- من خلال تجربتك ماهي مميزات وعيوب المدينة بشكل عام
11- بالنسبة لمعدلي في الجامعة 3.69 من 5 هل ممكن يقبلوني لمرحلة الماجستير
اسف علي كثرة الاسئلة ولكن انت جيت وربي جابك - جيت وش جابك . . . الله يعطيك الف الف عافية . .7 "
والله تقرير حلو وممتع ومفيد . . . واحلى مافيه ان الصور من تصويرك الخاص . . وغير كذا اسلوبك في التقرير عفوي وبسيط . . يعني تقرأ الموضوع وتنسجم معه وماتحس بنفسك الا وانت منتهي من التقرير و قاعد تكتب رد . . يسرقك الوقت مع هالاسلوب . .
الف شكر لك ومن جد التقرير بالنسبة لي جا في وقته . . لاني بوصل ليوجين بإذن الله في اخر ديسمبر . .
لكن عندي سؤال اخوي . . وش رايك في سكن مجمع باركقروف . . بكم احصل شقة 3 غرف . . او غرفتين . .
وايهم افضل باركقروف او الدوكسفيلج Ducksvillage
- 7 "بالتوفيق واسألتك رديت عليها فوقواللة جيت وربي جابك فعلا
ودي اسالك بعض الاسئلة
1- كيف مستوي الجامعة هل هي معقدة ولا الدراسة سهلة فيها علما ان تخصصي ادارة
هلا اخوي الجامعه مو معهد الغه طبعا , حسب الشباب الي معي ويدرسون في الجامعه
اشوفهم تعبانين الجامعه مررره صعبه خصوصا في كلية البزنس طبعا انت بتدرس اداره
فا الاداره عندهم مرره صعبه ومو سهله علما ان الجامعه قويه ومعروففه بالأداره
تعقيدات ماتوقع انو فيها تعقيدات ابدن بس يبي لك تدرس كثير ولو تركت يوم
مادرسته ضيعت كل شي فا لازم تشد حيلك
2- كيف اسعار الشقق المكونة من ثلاث غرف وهل تكون مؤثثة وماهي افضل الاحياء القريبة من الجامعة وهل السكن متوفر بكثرة وهل ممكن احجز سكن وانا في السعودية واذا هناك موقع للشقق علي النت ياليت تفيدنا في
اخوي بالنسبه للسكن ماعرف عن الثلاث غرف بس اعرف عن الغرفتين وصاله وحمام ومطبخ هذي سعرها
715$ فا اكيد الثلاث غرف ماراح تكون اقل من 900$ وبنسبه لموقع للشقق
Parkgrove Apartments For Rent in Eugene, Oregon - Apartment Rental and Community Details - ForRent.com
هذا موقع وخترت لك السكن الي كنت ساكن فيه والي افضله لك ولكل العوايل لانه هادي مرره ولا فيه ازعاج
3- كيف الخدمات والمرافق في هذة المدينة
الخدمات كويسه انا مافهمت وش تقصد بخدمات تحديدا بس مثلا زي وسائل النقل كويسه
يعني عموما خدمات الكهرب والنت كلها روعه مافي اي شي ينقصها وافضل توضح لي هلنقطه تحديدا عشان اقدر اجوبك
4- هل يوجد في الجامعة حضانة
لا لاكن فيه في الداون تاون مكان للاطفال ماذكر اسمه بضبط بس اتوقع اسمه بيبي كيير
شي زي كذا
5- كم نسبة السعوديين في المعهد والجامعة وهل هناك مشكلة في لبس النقاب والحجاب
نسبة السعوديين ماعرفها تحديدا ورقما بس اقدر اقولك اذا وصلت هناك ارفه مخدتك تلاقي سعودي
وبنسبا للنقاب والحجاب مافيها شي ابدن ولاكن انا كشخص ما انصحك تخلي احد عايلتك يلبس نقاب
بتقولي ليه؟ انا بقولك ياخي انا شفت هناك سعوديات منقبات بس ورب الكعبه انها بس تمر كل الناس تتلفت وتناظرها
تصير ملفته للأنظار فا افضل الحجاب لان اغلب السعوديات هناك محجبات ولاتلاقي احد يناظرها
انا مجرد نصيحه لانك بتتضايق من نظرات الامريكان والسعوديين برضو هذي نصيحه لك
بنسبا للحجاب ابدن ماراح تعاني وبتمشي ولا فيه احد يطالعها ولا يضايقها
عموما الشعب جدا طيب ومحترم وراقي ولا عنده اي نوع من التعصب والعنصريه كلهم طيبين
6-هل يوجد مطاعم عربية ومتاجر عربية
زي ماقلت بعنواني مافي متاجر عربيه ولاكن فيه مطعم ايراني في الكامبس حق الجامعه واكلاته حلوه نوعا ما
وفيه مطعم هندي عنده رز بالراس هههههه كلهم في الكامبس
7-هل يوجد رحلات مباشرة من واشنطن الي يوجين وكم تسغرق الرحلة
بنسبا للرحلات المباشره لايمكن تحصل رحله دايركت بدون وقفه اقل شي وقفه وحده
الي انا رحت فيها في ديلتا من واشنطن الين سالتي لاك ومن سالتي لاك الى يوجين ومدتها كامله مع الوقفه 7 ساعات ونص
8- هل ممكن اسوق السيارة بالرخصة السعودية او الدولية واذا فية موقع لبيع السيارات المستخدمة علي النت
طبعا عموما بأمريكا تقدر تسوق السياره برخصتك الدوليه بس مدري عن السعوديه في شباب يسوقون بالسعوديه بس
شخصيا ما انصحك تسوق الا بالدوليه لان حتى بالدوليه بتعاني ممكن يوقفك شرطي ومايعرف انو بالنظام عادي تسوق بالرخصه الدوليه وبيلزق بضهرك مخالفه زي واحد من الشباب وراح المحكمه وقلق وبعدين سقطوها عنه بس بعد قلق يعني
9- هل توجد مدارس اسلامية او عربية في المدينة وايضا مركز اسلامي
طبعا فيه مدارس ولاكن ماعرف بالتحديد هل هي اسلاميه او لا ولاكن واحد من الشباب المتزوجين دخل عياله في مدرسه حكوميه بس مدري هل هي اسلاميه او لا ,بنسبا للمركز الاسلامي ماعرف وش تقصد فيه بالضبط
بس فيه مسجد يخطب فيه كل صلاة جمعه وكل الصلوات تقام فيه ووكثير تحصل امريكان مسلمين فيه
وفي رمضان تلاقي يسوون فطور وحركات
10- من خلال تجربتك ماهي مميزات وعيوب المدينة بشكل عام
من خلال تجربتي بصراحه الديره ميزاتها انها اماااان الى ابعد الحدود واطلع واتمشى ولا اخاف
حتى لو الساعه 4 الفجر ومدينه صغيره وتحس ان كل الناس قريبه منك وناس طيبه ووسائل النقل مميزه جدا
كل شي تقدر تسويه بدون سياره لو بغيت, بنسبا للعيوب المعهد موو كويس وعقدوني وصارت لي مشاكل معهم
والويك اند بس تركب باص راسك يوجعك من ريحت الشراب وكثير تحصل فيها الهيبت او مدري وش يسمونهم
الي يحبون الطبيعه الزبده , وهذولا مدمنين حشيش فا دايم تلاقي ناس تضحك بدون سبب ههههههه
والحشيش منتشر بينهم بشكل غير طبيعي ومعروفه يووجين بأنها تقريبا من الاوال بمقاهي الحشيش او مدري وش يسموها وبس بشكل عام الديره كويسه ماعليها خوف
11- بالنسبة لمعدلي في الجامعة 3.69 من 5 هل ممكن يقبلوني لمرحلة الماجستير
طبعا جامعة اورقن فيه عندهم عباطه يعني بعض المرات يقبلونك انت بمعدلك وتلاقي واحد ثاني زيك مايقبلوه
على حسب انت كيف تشرح لهم ضروفك انت عموما قدم عليهم وان شاء الله بيقبلوك انا صاحبي معدله 4 من 5
بس كانت مشكلته ان كل مواده انجليزي لانه يدرس ترجمه فا قالو لايمكن نعادلك موادك الانجليزي مانعادله بمريكا
ومدري كيف راسلهم ونشب لهم وعادلوها له من 30 ساعه الين 60 ساعه كنه درس 60 ساعه
اسف علي كثرة الاسئلة ولكن انت جيت وربي جابك
اي شي اخر انا حاضر - 7 "جيت وش جابك . . . الله يعطيك الف الف عافية . .
والله تقرير حلو وممتع ومفيد . . . واحلى مافيه ان الصور من تصويرك الخاص . . وغير كذا اسلوبك في التقرير عفوي وبسيط . . يعني تقرأ الموضوع وتنسجم معه وماتحس بنفسك الا وانت منتهي من التقرير و قاعد تكتب رد . . يسرقك الوقت مع هالاسلوب . .
الف شكر لك ومن جد التقرير بالنسبة لي جا في وقته . . لاني بوصل ليوجين بإذن الله في اخر ديسمبر . .
لكن عندي سؤال اخوي . . وش رايك في سكن مجمع باركقروف . . بكم احصل شقة 3 غرف . . او غرفتين . .
وايهم افضل باركقروف او الدوكسفيلج Ducksvillage
الله يعافيك اخوي اول شي شهادة اعتز فيها ويشرفني ان موضوعي نال اعجابك وتشرفت بزيارتك له
توصل بالسلامه يارب
بنسبا للسكن شف
كل واحد منهم له ميزه وله عيب
طبعا بارك قرووف احلا مافيه انك ماتضطر وتاخذ عقد سنه معهم تقدر تاخذ 6 شهور وهذي نصيحتي لكل شخص بيدرس لغه لاتاخذ عقد اكثر من 6 شهور لانك لازم تجرب وتشوف هل الديره بتعجبك ولا لا
طبعا 6 شهور وتدفع كل شهر
طبعا مجبمع باركجروف ميزته انه هادي واغلب الي ساكنين فيه عوايل ولا فيه ازعاج وسكيورتي اربعه وعشرين ساعه لأي مشكله صارت لك او اي ازعاج من احد الجيران تتصل عليهم يجونه ويكلموه ويخلونه يخفف صوت الاغاني او التلفزيون يعني ماراح يجيك ازعاج ابدن والميزه الثانيه انه رخيص بنسبا لغرفتين 715$ طبعا تو شيكت مالقيت عندهمم 3 غرف بس غرفتين
بنسبا للدكسفيليج ميزتهم الوحيده ان الانترنيت مجاني بس مايفيدك اذا بغيت تي في وقنوات لازم تشترك انت وسعرها مبالغ فيه تقريبا حول ال 800 لوحدك بس اذا مع روميت بتطلع لك الوحده ب 480$ بس تتشارك مع روميتات يعني حول الثلاث
فا اذا بتاخذ الثلاث غرف اجمع 480 ثلاث مرات وبيطلع لك السعر الا اذا عطوك اكسبشن يعني عطوك عرض وماتوقع هلشي يصير
نصيحتي لك خذ باركجروف لان تعاملهم كويس مره ونت قريت قصتي مع مدير المجمع مرره طيب ومحترم
وعقدهم يبكون 6 شهور فا ماراح تتعلق معهم الا 6 شهور بينما دكسفيليج يا 10 شهور يا 12 شهر
وذا بتكسر العقد يقصون ظهرك وذا بتكمل بدون ماتجلس بينقص ظهرك برضو
بينما باركجروف 6 شهور بعدين يتحول لنظام شهري تصير تطلع متى ماتبي
فا ميزات باركجروف اكثر وعلى فكره الدكسفيليج كله طلاب وزعاج
تحياتي لك اخوي اي اسأله ثانيه انا حاضر
واتمنى اجاباتي فادتك - على قولتهم جيت والله جابك انا الحين في يوجين ومالقيت عائلة وش الحل ... رحت لمعهد كرشني قال فول دورت بالنت مالقيت حسب خبرتك وين اروح وهل تعرف احد ومشكور على طرحك الجميل جدا7 "
- جيت وربي جابك يعطيك العافية علي سعة صدرك7 "
واللة الواحد يفرح لما يلقي احد يساعدة ويجاوبة علي استفساراتة في ديرة مايعرفها ولكن هذا العشم في شباب الوطن
بالنسبة للمعهد كم عدد الطلاب الي معاك في الفصل وايضا كم نسبة العرب الي فية وهل المعهد حريص علي ان تكون هناك نسبة محددة من كل جنسية لاني سمعت ان معهد اي ال اس مايهتم بتحصيل الطالب فتجد احيانا 80% من الطلاب من السعوديين فهل معهد الجامعة يوجين مثلة
2- كيف نظام المعهد وكم مدة المستوي الواحد بالاسابيع وكم مستوي عندهم وهل اذا خلصت اخر مستوي اقدر ادخل الجامعة او لابد من اختبار التوفل
3- بالنسبة لسكن هل سكن باركجروف يكون مؤثثة بالكامل وكم سعر الثلاث غرف عندهم وهل هو قريب من الجامعة - [اخوي الله يعطيك العافية7 "
موضوع جمييييل جدااا ومشكور
عندي الستفسار عن المعاهد الخاصة والمعاهد التابعة لجامعات المعترف بها لدى الملحقية
ممكن تذكرلي اسماء المعاهد وترشحلي معهد معين
December 14th, 2010, 03:30 AM
فيه الاخوان هنا كثير طلبو مني معلومات عن اوريقون يوجين سيتي بالتحديد وفي جامعة يونيفرسيتي اوف اورقون
راح اكتب لكم جميع المعلومات هنا ومع الصور
يوجين مدينة ريفيه وقليل ماتلاقي جرائم وسرقات
طبعا انا بحط لكم صور من تصويري على ايام سكني هناك
صوره لسكني اول ما اثثته
وكل شي طبعا ببدا في صور الشوارع والحاجات هذي
هذي صوره للممشى الي يختصر للجامعه ويوصلك من
Kinsrow ave
الى
U of O
طبعا الشارع الي هو
Kinsrow ave
اغلب المجمعات السكنيه هنا
عندك
Parkgrove Apartments 1bed 1 bath $665
Kinsrow Apartments 1bed 1bath $705
stadiumpark apartments with roommate $560 with internet access
الباص الي يوصل من الحي هذا او الشارع هذا او المكان هذا الى الجامعه الي هي يونيفرسيتي اوف اورقن
U of O
هو باص 79X
يوصلك من مكانك لين يوقف في الجامعه فا لاتخاف منت ضايع
هذي صوره قبل ثلاث اسابيع يوم نزل السنووو
الاجواء في يوجين اورقون بارده جدا والمطر مايوقف الا في الاسبوع مره تقريبا بدون مبالغه
عاد انا اخر ايامي طفشان اصير ساكت فجأه اقوم اصور اي منظر قدامي ههههههه
عاد هذا كان الصباح كنت معصب لان شقتي احترقت وطفشان فا اعجبني المنظر وقلت بصور
هذي صوره من شقت واحد من العيال لشارع في الداون تاون
الباص راح وخلاني وقلت بجي هنا اخذ باص ثاني وكنت معصب وقمت اصور
هذا تقااطع كينس روو مع طريق بورتلاند هنا تحصل كارلوس جونير الي هو هارديز كنت توني ماكل منه ومسكت معي اصور
هذي صوره من شقتي في بارك جروف ابارتمينتس بعد مانزل السنوو
هذي صوره ثانيه بس قبل السنوو
-----------------------------
الحين بجيكم لصور شقتي بعد التأثيث
هذي صوره للصاله
صوره لغرفه النوم
صوره للبلكونه
صوره للمطبخ
بسس انتبهو تتركون الزيت على النار
وتسوون الي سويته
طبعا بعد هلغلط عرفت ان الله حق وماراح اسكن بمكان الا وانا مأمن
طبعا ياعزيزي القارئ لاتحسب حاط لك الصوره عشان تتفرج بس
ابيك تتعلم من غلطي وتأمن
ترا التأمين على البيت شي لازم ويكلف $40 شهريا
ويأمن لك الى 10000$
ضد كل شي سرقه بأثاثك او اي شي حرايق اي حوادث
طبعا تدرون كم دفعت؟
1877 $ يعني زدت من راتبي بعد عشان اسدد
لا هذا والمدير حق المجمع تعاون معي ولا الشركه قالت 5000$ لازم نسوي ونسوي
فا الحمدلله جت على 1877
المهم حطيتها مجرد نصيحه وخليكم تشوفون وش صار لي من التهاون وغبائي يوم قلت ماني مأمن مابي اقول لو بس عشان اوضح اكثر لو اني مأمن ودافع 40 دولار كان مادفعت هل 1877
الله لايعيد هلأيام ستغفر الله
المهم خلونا بالزين
لتس كيب قوينق
----------------------------------------------------
هذي شقق بارك جروف ابارتمينتس صراحه المدير حقها روعه اسمه كريس
قسم بالله تندمت اني نقلت من هلديره من كثر ما احرجني يوم احترقت شقتي تساعد معي وكني ولده لو ابتل اتكلم ماوفي بحقه صدق رجال من ظهر رجال
المهم الحين عاد بجيكم على رحلة الجامعه لحديقه حقت ورد
طبعا رحلات المعهد روعه صراحه يطلعونك شوبينق ومدري ايش وكلها مجانيه وبصراحه انصح اي واحد يطلع معهم لانك بتتعلم اشياء كثيره
لحضه خلصت الصور
طيب دام الصور خلصت اجل خلوني اتكلم عن الاشياء الباقيه
آمممممممم فكر فكر فكر
ايه طبعا البقالات العربيه مافي في يوجين فيه بقاله مكسيكيه بس في الداون تاون بس ماعرف وين بالضبط الزبده انها قريبه من يوجين ستيشن يعني لو ركبت تكسي بس قله ابي البقاله المكسيكه الي في الداون تاون وهو بيعرف وبيوديك
طبعا رقم التكسي هناك
5414348294
طبعا هذولا سنترال يردون عليك يسألونك وينك ويجونك
مافي تأشر ويوقف لا تدق ويجيك لحد عندك
طبعا فيه تكاسي ارخص من هذولا بس ماعرف ارقامهم ابحاول اشوف صاحبي لانه هو الي يعرف
---------------
طبعا اثاثي من ولمارت وكلفني تقريبا 1500 كل شي تي في وكراسي وخربيط
ول مارت رخيص وكويس
بس نصيحتي اذا تبي مقاضي اكل وشرب للبيت رح السيف واي وخذ من عندهم كلوب كارد
لانها تخصم لك شي خرافي
مثلا لو جيت بتحاسب ب 100 دولار ينقص لك الى 80 دولار
ولاتتقضى الا من عنده
وطبعا مايحتاج انبه على الحوم والمرتدلا والخربيط ذي لانكم عارفين انها بيكن الي هو خنزير
------------
طبعا فيه مسجد في الكامبس حق الجامعه في الكنيسه تقدر تصلي فيه انا والشباب نصلي فيه
وفيه مسجد ثاني بس ماني عارف محله بالضبط طبعا فيه الشيخ فهد هناك هو المهتم باماكن لصلوات ووين نصلي وكذا
وطبعا بعض المرات نصلي في الجامعه عشان بعض الشباب الي عندهم كلاسات طبعا اتكلم على صلاة الجمعه
---------------
ولاننسى الجيم الجيم صراحه حلوو وتقدر تضيع وقتك فيه وتسوي رياضه وخربيط
وجنب الجيم فيه ملعب طبعا تلاقي امريكان يلعبون كوره مع سعوديين وامراتيين وفله
جدا روعه وناسه
-----------------------
مشكلت المعهد صراحه مدري كيف يعني بعض المدرسين مو كويسين زي ايرانيه عذبتني وطلعت شجرة هلوين براسي
ووحده ثانيه بس امريكيه جننتني , بس مايممنع انه فيه مدرسين كويسين
انا اشوف المعهد يعتمد على هل انت عندك لغه كويسه من اول ولا لا
انا مدري ليه انحست فيه بصراحه اول ترم جيت كان مره معجبني بس الترم الي بعده المدرسين الجديدين عذبوني
يعني وربي ماتهاونت ابدن ودرجاتي كانت كلها عاليه بس انظلمت ورب الكعبه
عموما الحمدلله نقلت وفتكيت منهم انا اذا احد بيسأل عن رأيي في هلمعهد بقول خياس
لان جاني تعامل معهم ابدا مو كويس
وقصتي قصه ولا ابي اغير رأي احد لاكن انت بتروح وبتجرب اول ترم بتمشي امورك لاكن لا جتك المدرسه الي اسمها زهره او ماريسا او رتشل بتعرف ان الله حق وربي ماتطلع من عندها الا براسك موب شجره ولا نخله لا عامود كهرب
طبعا مو شرط انك بتكون نفس حالتي يمكن انت تكون افضل مني
انا بصراحه تجربتي ماكانت كويسه ولا هي تهاون مني بس من الي شفته من الايرانيه حطمت كل طموحي وخلتني اكره المعهد فا ضعت مرره فا انا بنصحكم اذا احد قابله زي هلموقف لاتدقق ولا تفكر وابلع وسلك لاتضيع نفسك وتنقهر
طبعا فيه عندك مطعم يوصل الين الساعه 2 الفجر الي هو مطعم دوكو وافضل وجبه عنده سبايسي شيكن زوون
انتبه تطلب شي فيه بيكن ترا وجباتهم نصها فيها بيكن الا سبايسي شيكن زون
وهذا رقمهم
5414857459
طبعا بتنلحس اول مايرد هم مايقول هلو هاي
على طول يرد يقول بيك اب اور ديلفري
قله ديلفري وعطه الادرس حقك وذا بتحاسب بالكريدت كارد عطه رقم الكريدت كارد حقك
------------------------
طبعا في احد الاعضاء سألني عن الجامعه هل هم بطيئين ولا لا
لاتخافون معهدهم بالكثير اسبوع ونص والايتونتي عندك
وهذا ايميل مارتين
mkwigham@uoregon.edu
Martine Wigham
مارتين مسؤلة القبول
عندك الادرس حق الجامعه هو
-----------------------
طبعا الممشى الي قلت لكم عليه فوووق الي يودي للجامعه
فيه هناك ريفر حلووووووووو لازم تمرون هناك طبعا هلممشى لازم تمر من جنب الملعب وتبل تمشي انت امش مع اي واحد معاه شنطه وماعليك بتوصل لجامعه
عندك افضل سوق فيه سنما
الي هو الفالي ريفر سينتر
فيه كل الماركات وجنبه قريب فيه مطعم اسمه ولف قاردن انصحكم تاكلون من عنده سبقيتي وذ ميت بولز
والسلطه حقتهم شي خرافي والخبز الي يعطوك ياه شي مو طبيعي بتدعون لي
---------------
طبعا احس اني قلت كل شي بس مدري اذا فيه اسأله انا حاضر
بس بقول شي مو حلو بيوجين
بالويك اند انواااع السكارا هذا الشي يعيبها طبعا منت متأذي بس انا نفسيا مارتحت
اركب الباص ريحته تعجعج بالباص وتوجع الراس
المهم هذا كل الي عندي
اوووه نسيت
طبعا فيه عندكم في شارع كينس روو الي هو
kinsrow
فيه باص 13 هذا يوديك ليوجين ستيشن ومن يوجين ستيشن لسبرنق فيلد برا يوجين فيه هناك ولمارت طبعا كلها قريبه من بعض بس كذا مسميات
وعندك باص
Emx
هذا يوديك من يوجين ستيشن الين الجامعه ومن الجامعه لسبرنق فيلد
ومن سبرنق فيلد ليوجين ستيشن
طبعا الباص الي يودي للفالي ريفر
رقمه
vc 66
vc - valirever center
عندك باص 42 يوديك من يوجين ستيشن الى السيف واي
طبعا انت بس تروح للجامعه بيصدرون لك بطاقه خضرا تقدر تركب فيها اي باص مجانا
-----------------------------------
طبعا انت بس تطلع ذيك البطاقه يقولون لك
welcome duck
فريق الجامعه هو ال
duck
gooooo duck
دايم قبل المباريات تسمعهم يقولوها
هذي صوره
هذي خلفيه للجوال
وبس
هذا كل شي
اي ستفسار اخر انا حاضر
ومعليش سامحوني مدري وش فيه الصوره كبيره مره