عتاب لاخوتي في يوجين

عتابك أخوي ميغا عتاب مقبول , لكن أخونا عمار قبل فترة حط صفحة النادي السعودي لمن لديه أي استفسار أو سؤال ويمكن اننا اعتمدنا عليها اعتماد كلي وأهملنا المنتدى ...
لكن آمر أخوي استفسر وبإذن الله اللي أعرفه بأفيدك به ...

فعلا نحن في امس الحاجة اليكم اتمنى منكم التفاعل عندنا استفسارات بالجملة عن اوريغن وبالتحديد يويجن

أبد أخوي اطرح الإستفسارات اللي عندك وبإذن الله أفيدك باللي أقدر عليه...
وتقبلي وافر التحية والتقدير...

مشكور اخوي النجم الساطع
انا الصراحة سألت في المنتدى وارسلت ايميل للنادي والى الان لم يأتي رد
يعني لا رد في المنتدى ولا بالايميل وانا لا الومهم لانهم قد يكونون مشغولين بالاختبارات او اي شيء اخر وهذا من حق كل شخص.
والي ابي استفسر عنه هو :
1- كيف احصل سكن مع عائلة تكون متعاونه مع الطالب وبكم .
2- ماهي الاشياء التي تنصح شرائها من السعودية او شرائها من يوجين مثلا , مثل " الكمبوتر , مكينة حلاقة, ملابس وغيرها قد لا نعلم بحاجتها الا عند السكن هناك "
3- ارخص خط سير الى يوجين .
قد يستجد جديد ونتواصل هنا .
ولك مني جزيل الشكر

أهلا أخوي , وصراحة انك عاذر اخوانك ام دل فإنما يدل على طيبة وكرم أخلاقك...
1- السكن مع عائلة أفضل حل من وجهة نظري انك تطلب عائلة من المعهد , ياخذ المعهد منك 50$ رسوم والعائلة تاخذ منك 550$ شهريا , تكون شاملة وجبتين الفطور و العشاء....

2- الأشياء اللي أنصح بشرائها من السعودية , أخوي يظهر لي انك بتجي على حسابك فعشان كذا أنصحك تجيب كل أغراضك من السعودية , صحيح ان أمريكا بتحصل فيها أشياء أرخص لكن الطالب أول ما يجي ما ودك يجمع فوق راسه هموم , اللبس والمشتريات , والدراسة ...وجهة نظري الخاصة لا أقل ولا أكثر ...
بعض الأشخاص يقول أجي وأشوف اللبس الدارج عندهم عشان أساير المجتمع وهذي وجهة نظر...

3- بالنسبة لخط السير أنصحك بالدخول الى مواقع :
onetravel.com
orbitz.com
lufthansa.com
وتبحث عن الرخيص بينهم ,,,,
آمل ان أكون أخوي قدمت شي يفيدك وأي استفسار أو توضيح أسعد أخوي...

اخوي النجم الساطع

ياليت لو تعطينا خلفيه عن الولايه والمدينه بتحديد

من كل النواحي

الاجواء , الاسعار , العيشه هناك , المدينه بشكل عاام تنصحنى ندرس فيها


وبنسبه لجامعه يونفيرستي اوف اوريقون اذا كنت تعرف عنها شي ياليت لو تفيدنا بعد من نايحه

القبول فيها صعبه سهل ,, الجامعه بشكل عام دراستها كيف صعبه سهله

اسف ع الاطاله

اتمنى الرد من اي واحد

تمنياتي لكم بتوفيق

اهم شي جب معك افياش هههههههههههههههه ماتسوى همه واذا تقدر تجيب اغراضك كله معك جبها لانه اذا وصلت بتصير منحاس ولا تدري وش تسوي الجو خياااالي انا توني واصل وصرحتا كنت متوهق في موضوع السكن مع عائلة ولكن بالاخير اكتشف انه من الصعب جدا تحصل عائلة ورحت للمعهد وقالي فول بالاخير سكنت في بيت فيه اربع غرف كل غرفة له عقد ثلاث من الغرف امريكين وانا الرابع سعودي ومانكر فضل الاخ عمار ماقصر كفى وفى مرني وراني العروض الموجوده وخيرني واستاجرة واخذني عشان اخذ اغرض الغرفة وماقصر في كل شي الله يوفقة دنيا واخره مادري وش كنت راح اسوي من غيره ماقدر اقول غير الله يجزه الف خير وكان خير قدوه للطالب السعودين واليوم كان عازمني على الغداء عليه طبخ ما شاء الله هههههههههه

موفق أخوي وأتمنى اني قدمت ما يفيد...

اخوي maiga للاسف ماجاني منك اي رسالة !
ولا على فيس بوك النادي السعودي : (

عموماً توصل بالسلامة وعذرا عالتأخير

..

اخوي i.m.s .. ههههه فضحتنا جزاك الله خير ،، ماتسوى كلها سليق ترا :$



..

يا جماعة الخير اي احد عنده استفسار او يحتاج اي شيء رجاء يدخل صفحة فيس بوك النادي السعودي ويضيفها

ويراسلني ولا يراسل عثمان الحسين ولا عبدالرحمن العمري ولا اي احد من الادارة ،،

Welcome to Facebook

موفقين يا اهالي يوجين الغالين