تقرير معلومات عن سياتل

شكرا لك يا أخي العساف ولك مني الدعاء ومن والدتي الصالحه وهي بصلاتها اخر الليل
بس سؤال بسيط :
بالنسبه للأثاث كيف اشتري الأثاث ومن وين وهل فيه شركه تأثث لي وادفع لها التكلفه؟

تعتمد ع نوع الأثاث اللي تبيه
في محلات داخل سياتل لكن غالية شوي
وفي كمان IKEA لكن يبي لك سيارة لان بعيدة شوي لكن تأخذ منهم كل شي تبيه من أثاث البيت بالكامل
تقدري تستأجر سيارة حمل وتروح لهم تشتري عفشك وتأخذه معاك افضل من الشحن وحوسته
اي سؤال انا حاضر
بالتوفيق ياااارب

الله يعطيك العافيه يا العساف والله يوفقك
اخر سؤال :
تقريبا وش الاثاث الي راح احتاج اني اشتريه وتقريبا كم بيكون السعر مو رخيص ومو غالي يعني على قد الحال وكويس للعزاب ولوحدي

دامك عزابي أنصحك استأجر استوديوا وأشتري له أثاث بقيمة 1000 دولار وراح تدلعه ويكون كافي لك
لكن لو تحب جمعة شباب وبلوت وكبسات
تحتاج شقة واثاثها ما بين 1500 إلى 2000 دولار
هذي أسعار وسط
يعني تقدر تحصل اقل من كذا أو أغلى انت وذوقك
بالتوفيق يارب

الله يعطيك العافيه يالعساف
وانا اعتقد لو في كل مدينه امريكيه طالب سعودي من امثالك في اعتقادي الطلاب العرب مو السعوديين ومو الخليجين بل كل العرب راح يستفيدون
حماك الرب ووفقك اينما ذهبت واسعدك دوما / اخوك . احمد البصيص

جزاك الله خير أخي الكريم
وانا ما عملت غير الواجب

الله يعافيك ويوفقك يسلمو على المعلومات الي الكل استفاد منها وربي يجعلها في موازين حسناتك

جزاك الله خير على كلامك الطيب

يعطيك العافيه اخ العساف

عندي استفسار بسيط في موقع rent يعطيك عروض شقق مفروشه واستديوهات يعطيك لها مخطط تشوف تصميمها واذا اعجبتك تحجز لها


طبعا اسعارهن غرفه حمام صالة مطبخ مع بلكونه ومكتب مؤثثها تتراوح بين ١٠٠٠ الى١٧٠٠ دولار على حسب نوع الشقه


طبعا الشقه كامله من Aالى Z وفيهاا صالة رياضيه وفيها خدمة ازالة النفايات ومسبح الى اخره


هل عندك اي معلومات عن هذه الشقق

للأسف لا
لكن نصيحتي لك اذا تبي تحجز عن طريق النت
لا تحجز شي بعقد طويل
بالتوفيق يارب