تقرير معلومات عن سياتل

مساء / صباح الخير
عندي استفسارات بس تحملوني :
1/ بالنسبه للسكن ن طريق الشركات بالانترنت كم ياخذو عموله؟ وهل الصور الموجوده هي نفسها صور للشقه او بس دعايه واتفاجأ بالواقع غير؟ وهل العموله ياخذوها بالفيزا قبل ما أجي ويكتب العقد وانا بالسعوديه عن طريق الفاكس؟ واذا بغيت اغير الشقه في امكانيه؟
2/ بالنسبه لموضوع الاثاث وين احصل محلات بيع الاثاث المستعمل النظيف وجودته عاليه؟ وكم يكلف تلفزيون و كنب الصاله و غرفة النوم ومكتبه للكتب والاغراض الشخصيه
3/ بالنسبه لو بغيت اشتري سياره ايش الطريقه واحسن السيارت وشي؟ وكم التكلفه؟

أولا, أغلب الشركات يقومون بعرض صور لشقق تكون بنفس المجمع السكني ولكن مصنفه على انها زي المعرض. مافي أحد يسكن فيها عشان تكون دزاين يورنه الناس سواء عن طريق النت او طريق زيارة مكتبهم
في الحالة هذه راح يأثثونها بشكل جميل أو يصورونها بدون أثاث بكامرات إحترافية تطلع الشين يامحلاااااه. بخصوص العمولة وتغيير السكن, لا تتورط وتأجر شي عن طريق النت لمدة طويلة قبل ما شتوفه بعينك لان انا عن نفسي ما اعتمد نهائيا على الصور. ممكن اخذ تصور مبدئي ولو مررره عجبني ادفع لهم شي يسمونه Hold يعني يمسكها لك لمدة تتفقون عليها وهذه غالبة ما تكون مابين 200 الى 300 دولار على حسب الفترة اللي راح يمسكها لك. وقتها الشقة تكون محجوزة لك طول الفترة المتفق عليها وانت راح تجي خلال هذه الفترة المفروض تشوفها لو عجبتك راح يعتبرون المبلغ اللي دفعته ضمن الاجار او التأمين يعني ما يروح عليك. لكن لو قلت ما ابيها وقتها المبلغ يروح عليك وبنفس الوقت ما يلزمونك انك غصب تاخذ الشقة. بكل بساطة تطلع منهم وما عليك شي غير ربي يعوضك بالمبلغ اللي دفعته. وانا اشوف هذا افضل من انك توقع عقد ويمسكونك في اجار او ضريبة كسر عقد وتكون غالبة في آلاف الدولارات

ثانياً, موضوع الأثاث أجبت عليه في أسئلة سابقه هنا حاول تتعب نفسك شوي وان شاء الله تلاقي اجابة

ثالثاً بخصوص السيارات, انا شريت سيارتي من معرض في سياتل صاحبة سعودي
طبعاً تقوله السيارة اللي تبيها وهو يجيبها لك على قد فلوسك وياخذ العمولة اللي انت تتفق عليها معاه
او في طريقة ثانية هو البحث عن طريق النت في جميع ولايات امريكا وتشري السيارة ويتم شحنها لك لكن ((لازم يكون عندك خبرة لان تحصل فيها حالات نصب كثيررررر سواء السيارة تطلع خربانه او اي شي ثاني))
اما أحسن السيارات الصراحة سؤالك مستحيل أحد يجاوب عليه لان كل واحد له ذوق. لكن نصيحتي لك خذ شي ما يصرف بانزين واجد لان البانزين هنا الله يعننا عليه وانصحك honda civic أو honda accord
والتكلفة تعتمد على نظافة السيارة وموديلها
بالتوفيق يارب

الله يعطيك العافيه حبيبنا العساف
والله يوفقك وين ماتروح

طيب اخوي الله يسعدك

سؤالي انا بسافر مع زوجي وولدي ولازم ولدي حضانه ولايمكن احد منا يقعد بالبيت بتكفينا المكافاه احنا نبي ندرس لغه

ابغى الاسعار بالضبط

مشكور يااّخي على مجهودك..

أنا مقيم بسياتل وادرس بال UW وراح احاول اساعد بااللي اعرفه

abu lojainعندك رساله على الخاص

أخويhilali0000
مع الأسف لانني مشارك جديد فما استطيع اني اقرا الرسايل الخاصة.

إذا عندك حل قلي

اخوي abu lojain هذا ايميلي ارسلي فيه اذا ممكن ايميلك او رقم جوالك حاب اني اتواصل معاك لأني بروح لسياتل انشاء الله في يناير وعندي شوية استفسارات مع ان الزملاء والله يوفقهم ماقصرو خصوصا العساف الله يحفظهم كلهم hilali0000@hotmail.com

تم ارسال رسالة اخوي Hilali

الاخت NJOO
ياليت توضحي اسالتك اكثر عشان تكون الاجابة مفيدة