خدمات مجانية (ذاتيه) في سياتل

حلو مرة !

اللي جبت لهم الحضانات والشقق ما يردون من أمس

فاللي تبغى حضانة تعلمني

واللي يبي استديو ب580 أو استديو في مكان آخر ب750 يعلمني وكلهم في النورث قيت وما أعرف شكل الشقة للأمانه بس حبيت أخدم اللي يدور عن شقق

السلام عليكم ..


مشكووور اخوي سياااتل ..


والله انا الحين بالطياااااره باقي نص ساعه واوصل سياتل .. ومستآجر فندق يومين .. لين احصل لي سكن ..

ودي بسكن قريب من جامعه سياتل .. ستديو ! ..

وان شاء الله احصل خلال هاليوميييين يارب .. دعواتكم ..


وتكفووون اللي يعرف شي .. مايبخل علينا .. والله يوفق الجميع !!

>>>> باقي 3% في الشاحن ! .. وفي الطيارة ...


هههههههه

بيسبسي ، توصلنا بالسلامة يا أخوي ، علمنا أي خطوط ملكية اللي فيها إنترنت

إن شاء الله أبحث لك الحين على استيدوهات، المشكلة كل اللي أنا حصلته سكن مشترك مع أمريكان وأجانب

الله يعطيك العافيه .,

بس ياغالي عندي استفسار عن الشقه بغرفتين ., هل هي مؤثثه ؟؟
وياليت تعطيني موقعها بالتفصيل (( معلوماتها في القوقل ماب))

وشاكر لك

Pr.kNiGhT

لا والله يا أخوي ما هي مؤثثة ، مثل معظم الشقق اللي هنا في سياتل
وإذا حاب أساعدك مع أهلك أكثر ونروح سوا لهم وأوريك وين البقالة اللبنانية والمطعم اللبناني والمكتبة العامة
ووين مواقف الباصات ، لأن 4 باصات تمشي من هناك للجامعة
وجنب المجمع فيه مراجيح عامة ، وFred Mayer اللي هو مجمع مثل كارفور اللي في السعودية وفيه كل شيء تقريباً
وإذا أخذت باص 41 يوصلك للنورث قيت مول على طول وبعدها للترانزيت سينتر (محطة تجمع الباصات إذا حاب تبدل الباص) وإذا ما بدلته وجلست فيه تكون خلال 10 دقايق في الداون تاون

وصح نسيت أقول
العمارة مؤمنة ومو أي أحد يدخلها إلا بمفتاح
وفيها بزنس سنتر ومسبح خارجي وغرفة رياضة مجانا

إذا عندك أسئلة ثانية لا تتردد في طرحها

بالتوفيق

الله يجزاك خير اخوي ..

الله لا يهينك اذا تقدر تعطيني جدول اوقات بدء الدراسه في اليوداب ..؟
آقصد الاوقات الي اقدر احول فيها لليوداب لاني انا في معهد غير اليوداب واحاول أأسس نفسي ثم أحول لليوداب ..
الي اعرفه اسبوع الجاي دفعه جديدة ..!

حبيت استفسر عن الدفعات القادمة .. والي بعدها ..

الي تقدر عليه ..

الله يجزاك خير وحنا في الخدمه

Furnished Room

هذا بيفضى يوم 25
إذا ودك فيه ، أدبر لك فندق أو موتيل تسكن فيه الى يوم 25
إذا ما ناسبك العرض علمني وأشوف لك شيء في الديستركت بس يمكن يكون مشترك ، عادي؟

الأسبوع الجاي يبدءون الطلاب بالدراسة
لكن ممكن تراسلهم من اليوم وتعبي الابلكيشن اللي يرسلونه لك ، على أساس الكوارتر الجاي اللي يبدأ في جون على ما أتوقع
ابدأ اجراءاتك من الحين قبل ما يكتفوا بالعدد
دفعه الاسبوع الجاي قفل التسجيل عليها من شهر
بالتوفيق

الله يجزاك خير ابوي ..

انا عارف انهم تقفلوا لكني متردد ادخل الدفعة الجاية او الي بعدها .. لاني محتاج اضبط نفسي شوي ثم ادخل اليوداب ..
محتاج اعرف تواقيت كل دفعه عشان ابرمج نفسي

ما فهمت كيف تضبط نفسك؟
عموما فيه واحد يبدأ في جون
والظاهر الي بعده في سبتمبر
بالتوفيق