معهد EC في سان فرانسسكو

اي انا جاني من الملحقية كمان في ELS HOUSTON بس انا خلص طلعت الفيزا وقرارت على ال ec
الانو حسات انهم كلهم كويسين وما ابي اخربط نفسي بصراحة ..
انتي طلعتي الفيزا ؟؟

اييي والله حتى انا تورطت في السكن مررره غالي -_-

اممم تقريبا عدد السعوديين 13وبالنسبه للسكن يا اخواني صراحة نوعاَ ما غالي الا اذا بتأخذ روميت هذا شيء ثاني انا ساكن في الداون تاون غرفه مع حمام خاص وانتو بكرامه 970 دولار في الشهر ويبعد عن المعهد تقريبا 30 دقيقه مشي ملحمي شكلك فاهم غلط عن سكن الطلاب المكان اللي انا فيه يسمونه سكن طلاب وهو شقق وفعلا اكثرهم طلاب لكن مو لازم من نفس المعهد وغير كذا يخيرونك بين اكثر من سكن انا اخترت سكن مافيه ولا سعودي

لا لسى ماطلعت الفيزا موعدي الاسبوع الجاي .بس ودي اعرف اخوي نايف مستوى الانجليزي حقهم هل هو اكاديمي وانت في اي مستوى وهل els اكاديمي اكثر لاني والله شخص جدا جاد في الدراسه ولا احب الرحلات الكثيرة والترفيه يضيقني ودي اعرف لاني ارتحت لمكان المعهدec في مكان راقي وبسال عن شارع ميسن هل هو قريب من bay area.

الاخت ريم صراحه انا صار لي اسبوعين جديد يعني مااقدر احكم على المعهد وبالنسبه للمستويات كانو يبون يحطون لي اختبار مستوى لكن انا رفضت قلت ابي ابداء من جديد انا اعرف شارع ميسن لكن الثاني ماادري وشو بس سهل اي مكان تعطيني العنوان كامل اطلعه لك بثواني صراحه عندهم خدماااات مره حلوه يعني شيء ولا بالخيال اي مكان ابغاه اطلعه بقوقل ماب خلال ثواني

انا كان قصدي الرزدنت حق ec مستحيل اسكن فيه
اما بالنسبه اني اشوف لي رميت هذي فكرت فيها لاكن الواحد ما يرتاح
الا اذا كان واحد سعودي معه

وبالنسبه 970 دولار هل معك روميت او انت لحالك؟
وش اسم السكن اللي انت ساكن فيه؟ هل عندهم موقع عالنت؟

اولا فكرة الروميت اكيد حلوه لكن صعبه جدا وين بتلقى الشخص الثقه الامين وين بتلاقي واحد جوه نفس جوك فمن هذا المنطلق شلت فكرة الروميت من راسي وانا ساكن لحالي واسم السكن فنتاجيو بطريق تورك اذا تعرفه

اخوي نايف الله يجزاك خير اذا ممكن تكتب لنا عنوان السكن الي انت فيه وعنونه او رقمه ومكتب العقار وهل الشقه في مكان راقي ومرتبه لاني حاطه ميزانيه 2000دولار .
او اذا تعرف امكان ثانيه .
مشكور وان شاء الله في ميزان حسناتك .

ريم انتي مع مين بتروحين؟؟
انا بروح مع ابوي ومتورطين في السكن محنا محصلين شي كويس
إذا حصلتي شي كويس بلغيني اللع يعافيك ؟؟
واخ نايف ان كنت قادر تساعدنا الله يعافيك ؟؟

اخت ريم دامك حاطه ميزانيه للسكن 2000 فتطمني راح تسكنين بمكان جيد وقريب من المعهد وكل شيء كذا تصير الكوره في ملعبك انا اعرف غرفتين وصاله ومطبخ ودورة مياه ماتتجاوز 1700 دولار وشيء نضييييف مو خرابيط

وبالنسبه لك اختي فاطمه كم غرفه تبون بالسكن وحدود كم تدفعيين شهريا للسكن عشان اشوف لك كويس وانا ان شاء الله بساعدك وبساعد اي احد محتاج غيرك بكل اللي اقدر عليه ولا ابي شيء الا تدعون لي