بيركلي كاليفورنيا ؟

UP UP UP UP UP UP UP UP UP UP UP UP UP UP UP UP UP UP UP UP UP UP

هلا اخواني المبتعثين
بالنسبة للفندق تقدر تدفع كاش وهذا اللي انا سويته
بالنسبة للمكافئة والله مش متذكر بالضبط
لكن اول ما تفتح حساب في البنك هنا ترسل للملحقية شيك ملغي
ويحولون في حسابك 300 دولار
والمكافئات تنزل كل تاريخ 20 من الشهر الهجري
بالنسبة للمواصلات فهي متواجدة بكثرة القطارات والباصات والتكاسي
فالسيارة تحتاجها نادرا
اذا بتسافر تتمشى تستاجر لك سيارة احسن لك

طيب ايش نظرتك عن الشقق من ناحية النظافة ؟؟

يعني هل الاغلب نظيف ولا لازم تبحث و وتختار مكان معين علشان تلقى فيه شقة نظيفة ، وهل فيه شقق ببيركلي اسعارها بحدود 800 دولار لأني لقيت في موقع من المواقع اسعار مقاربه لل 800 و 900 دولار .

يعطييك العافيه اخوي حبي لمملكتي على المعلومات المفيده

الله يعاافيك ما قصرت حبي لمملكتي

عندي نقطه ابي استفسر عنها الي هي السكن مع العائلة كيف الوضع من ناحية الأفضلية بينها وبين السكن في شقه منفردا

وبرضو من الناحية الاقتصادية ؟

طبعا انا في معهد ELS سمعت انه اذا بتسكن مع عائلة هم يدورن لك السكن مع عائلة برسوم $200 وبرضو اذا تبي يستقبلونك من المطار يستقبلونك برسوم اخرى ما ادري كم بالضبط ... ما رأيك ؟

جعل الله ما تقوم به في ميزان حسناتك.....

حياك اخوي
بالنسبة للسكن مع العوائل هي حظوظ
ممكن تلقى لك عائلة ممتازة وترتاح معهم وممكن عكس ذلك
طبعا انا ما سكنت مع عائلة ابدا لكن من خلال كلامي مع الطلاب العزاب اللي سكنو مع عوائل
المشكلة في العوائل غالبا يكون مكانهم بعيد عن المعهد يعني يحتاج لك باص او قطار حتى توصل الى المعهد
العائلة افضل بكثير من السكن في شقة
لكن فيه مباني يكون فيها سكن طلاب يعني مجمع طلابي ممكن تستفيد منهم في اللغة
المعهد ياخذون مبلغ لكن كم بالضبط ما ادري
لكن اعرف واحد يقول انه يدفع ايجاره مع العايلة الف دولار شهريا يسلمها للمعهد
اما اذا وصلت المطار فما يحتاج تنسق مع المعهد ولا شي فيه واحد يمني من بيركلي صاحب تاكسي
اذا وصلت واشنطن تواصل معه وقول له موعد وصولك وهو يجيك المطار
وهذا رقم جواله 5102001111

ما قصرت حبي لمملكتي

وشاكر لك تفاعلك وروحك الطيبه

الله يوفقك ويسر لك دراستك

السلام عليكم ورحمة الله وبركاته
انا آسف لجميع من ارسل على الخاص ولم ارد عليه أنا طالب مبتعث على بيركيلي من الدفعة الخامسة وكنت في الموقف نفسه الي انتهم فيه الأن كنت ادور على اي معلومة عن بيركيلي او اي شخص يساعدني هناك واشكر كل من استجاب من الاخوة في الرد وكانت الردود متفاوته بين جميله وخطيرة بس انا اقول (جميلة جداً وإنشاءالله بتعيشون اجمل ايام عمركم هناك)
وهذا رأي ومن واقع تجربيتي لمدة سنة ونصف في بيركيلي
بصراح جاني القبول في إيلس وكان في عدد قليل من السعودين واشكرهم كلهم وادعليهم بان الله يوفقهم في حياتهم ساعدوني اول ماوصلت على بيركيلي من المطار الى السكن وكان هذاك اليوم اسوه يوم في حياتي للآسف ولكن الحمدلله على كل شي لاني رحت على واشنطن لمدة يومين وفي اليوم الي رايح على سان فرانسسكو صحيت الصباح واستحميت وطلعت على البقالة وكان الجو بارد جداً وانا مادري سخنت وعلى الظهر رحت مع الشباب على المطار بس كانت رحلتي على العصر بس عشان صفر في الانجليزي ابغى اشوف الشباب كيف يعملون والحمدلله اخوان السودانين كانه متواجدين بكثرى على الكونتر و في الجمارك ساعدونها والمهم دخلت على الصالة وانا جيعان وماني عارف اي مطعم وخايف اطلب شيء يكون في لحم خنزير اشترية ماء وكان مع بعض البسكوتات وبدات السخونة تطلع وانا ماني عارف ايش اسوي بعد ساعتين طلعت الطيارة وزادت السخونة وطلبت من المضيفة كاست ماء ولكن مانفعت معي بعد اقلع الطائرة بثلاث ساعات ذهبت الى المضيفة وبالاشارات ووضعت يدها على راسي عشان تعرف اني مسخن طلبت منها ثلج ومنديل وذهبت الى دورة المياه ووضعت الثلج على راسي والحمدلله تحسنت وبعد ذلك وصلت الى سان فرانسسكو الساعة8 وجات المشكلة الثانية الرجل الي جاين على المطار تأخر وانا مااعرف استخدم الهاتف ولا معي مبالغ معدنية للهاتف العامة وخرجت وانتظرت خارج المطار والحمدلله وصل الرجل الي موعده مع رجل يماني صاحب التكسي ورحنا على يبركيلي وقلتلهم ابغى اكل قالولي اي تحب تأكل قلت اي شيء ودوني على مطعم هندي على كيف كيفك وطبعاً كان رز ولحم بس 9 دولار موزي المصري الي في الفندق في واشنطن 15 دولار وبعد ذلك ذهبت وسكنت في السكن حق المعهد ومن الشارع استقبلوني الشباب السعودين وكان المبنى في ثلاث سعودين وبنت سعودية وكان نظامه ستيديو حمام وغرفة ومطبخ وفي كل استيديو اثنين من الطلاب وكل طالب يدفع 830دولار مع الانترنت والكهرباء والماء وانت تقدر تطلب تبغى سعودي او لا بس انا سكنت مع سعوديين لمدة 9 اشهر بعدين انتقلت الى غرفة داخل شقة ولمدة8 اشهر مع امريكي بس مااشوف الي في الاسبوع مرة وحدة وكانت بسعر 750 وكان سبب انتقالي السعر ونظافة المكان وانا اقول لك واحد يقول انه مايبغى سعوديين عشان نتعلم اللغة انا كل فترتي هناك كنت مع السعوديين بس الانسان يجب ان يفرق بين وقت الدراسة ووقت التسلية وبين الانسان اصالح والي لك عليه بس حياة الغربا تخليك تحتاج السعوديين وبالاخص في اوقات الحاجة في المرض او حصل اي امر طارىء مافي الا السعودين الي بيوقفه معك لان ثقافة السعب الامريكي غير مافي احد يساعد ببلااااااش لكن ابغى اقول معلومة مهم في مرحلة الانجليزي لا تفكر في قبول الجامعة بشكل كبير الي يأثر على دراستك في اللغة مااقول لاتدور بس خليه في الاخير وهذا كان سبب تأخري في اللغة ومعهد إيلس كل مستوى بشهر وعدد المسنويات لديهم 12 يعني المفروض انه بعد سنة تغلق وانا بديت من الصفر يعني مدرس خاص لمدة شهر بعدين بديت في المستوى الاول والحمدلله تخرجت من إيلس وانا اقول لكل واحد بيدرس في معهد إيلس احضر كل يوم وحل الواجبات وإنشاءالله بعد 12 شهر انت متخرج من المعهد وحاب اعطي ملاحظة بسيطة الغياب الكثير سوف يسبب مشاكل لك وبالاخص كل اربعة غيابات سوف تعيد المستوى الا في حالت انهاء المستوى بتميز والحمدلله انهيت الدراسة من المعهد وحصلت على قبول الجامعي الذي سبب لي هوس وانا احذر لكي لا يقع احد في نفس المشكلة تمتع بدراستك في مرحلة اللغة وانسى انك بدخول الجامعة بعد اللغة وكل شيء بإرادة الله ماتقدر تغير شيء الله كاتبه لك...... وانا آسف على الاطالة ولكن اتمنى انه في شخص واحد على الاقل يستفيد من تجربيتي.... وشكراً


والأن سوف اتكلم على بعض الاشياء ممكن بعض الاشخاص عندهم اسئلة عنها:

وقت الوصول في واشنطن : في موظف الملحقية في المطار مع لوحة مكتوب عليها الملحقية السعودية إذا كنت حاجز على فندق هو بيوصلك وإذا كنت مانت حاجز بيوصلك على الفندق المتعاملين مع الملحقية وانت سوف تدفع مبلغ الغرفة وحيكون 89 دولار لليوم الواحد وبعد ذلك سوف يبلغكم كل شيء لا تشيلون هم.
يوم السفر الى سان فرانسسكو اوكلاند : سوف يوصلك موظف الملحقية او سيارة الفندق بس انتم قوللو على اي خطوط وزي ماقلت في المطار اخوان السودانين مايقصرو في حال احتجتو لهم.
وقت الوصول الى مطار سان فرنسسكو او اوكلاند إذا كانت معك عفش كثير فخذ تكسي وإذا تقدر تحمله من دون تعب في وسيلة ارخص جداً وبي 9 دولار على ماعتقد وهي القطار ويجب السؤال عنه عند الوصول بس الي ماعنده انجليز والمتزوجين فاافضل التكسي ولاتتعملون مع المعهد نصابين يأخذون 100 دولار وقيمة المشوار بين 60 الى 80 بالكثير بس انتهم عطو العنوان.
الأن بيركيلي: السكن يتراوح بين 900 الى 1600 دولار من دون التأمين وهو يعطى مرة واحدة وقت الوصول وعند الرحيل يتم استرجاعه في حالة عدم حدوث اي شيء في الشقة وسوف يتم خصم من مبلغ التأمين في حالة كسر شيء او توسيخ الجدار وبعض الحاجات الاخرى. ومبلغ التأمين يوكون عادة مثل مبلغ الايجار او اقل.
وهذا افضل موقع للبحث عن سكن
SF bay area rooms & shares classifieds "berkeley" - craigslist

وافضل الاوقات هي قبل بداية الدراسة في الجامعة لانه سوف تحصل على اسعار مناسبة وشقق نظيفة وقريبة وهي شهر اغسطس او يولية اونوفمبير و ديسمبر بس يجب ان يتم التنسيق مع شخص في بيركيلي لان او شخص يعرف انجليز جيد وإذا طلب انك تدفع لايجب الدفع لانه ممكن يكون نصاب وافضل شي انه لما توصل تدور على سكن وإنشاءالله الطلاب السعوديين مابيقصرون معكم.

المكافئة :للآسف المكافئة ماتنصر الابعد شهر وفي يوم محدد وبدون تأخير واحياناً قبل بيوم اويومين وفي بعض الشباب قال يعطون 300 دولار هذا المكافئة بس على حسب وصولك اذا كان وصولك في نصف الشهر فيعطونك نصف المكافئة لانه هذا وقت نزول المكافئة وإذا كان قبلها 10 ايام يعطونك حقت 10 الايام ولكن يجب فتح حساب في البنك وارسال شيك ملغي والشباب بساعدونكم في هذي في اقرب وقت .
ويجب احضر معك مال من السعودي للعزاب 3000 وللمتزوجين 5000 ويمكن للاهل تحويل مال عن طريق اي بنك سعودي للاحولات المالية والبنك السعودي الامريكية ليس له صل بأي بنك امريكي.

وإذا في اي سؤال انا حاضر وسامحوني إذا اتأخرة في الرد واتمنى للجميع التوفيق

وانا اشكر الاخ محبى لمملكتي اجاباته على الاسئلة وجزالك الله الف خير

الله يجزاك خير اخوي عناد
والله كنت اتمنى انك باقي في بيركلي لان معرفة شرواك مكسب
معلومات مفيدة جدا للطلاب الجدد
طبعا انت تقصد 3000 للعزاب و5000 للمتزوجين بالدولار مو بالريال السعودي
الله يوفقك ويسعدك