طلاب وطالبات سان بيرناردينو

ايه كاسل بارك يدعم عقود شهريه بس مش اقل من 6 اشهر

بالتوفيق للجميع

الحمدلله عالسلامه
للأسف الشديد تغيرت بعض الأمور خلال اليومين الماضيين في نظام المجمعات السكنية على سبيل المثال:
السن رايز لا يعطي عقد شهر بل يجبرك على عقد لمده 3 شهور
اكاشيا بارك لا يعطي اي عقد أقل من 6شهور.
طبعاُ انا أتكلم عن المجمعات القريبة من المعهد والشخص الذي لديه سيارة أنصحه بكاستل بارك.
بالتوفيق للجميع

اخوي بدر ابغى استشيرك بخصوص تغيير المدينة

انا طلعت فيزتي في شهر 1 ميلادي وكان المفترض اسافر في ابريل لكن تأخرت بسبب المرافق
اللي في الاخير رفضوه السفاره
واضطريت اغير المرافق وجات امس الموافقة من الوزارة لتمديد موعد دراستي الى شهر ديسمبر 9

فيزتي طلعت على اساس اني في سان بيرناردينو
لكن افكر اني احاول اخذ فرصتي من مكتب تجسير الفكر لتغيير الولاية أو المدينة

خصوصا اني راح اطلب ايتوني جديد لي وللمرافق
شاكرة لك تعاونك معنا .. الله يسعدك

(((((( توني واصله المدينه وليتني ماوصلت جتني كئابه وشهالصناديق والاوتيل يحوم الكبد سؤال اخواني الحين لو ابنحاش لكاليفورنيا ستيت يونفيرستي بلوس انجلس يمديني؟ يخوفي اتحمس واحول ولا يرضون الملحقيه بنهار معليش انا ماتوقعت المدينه كذا ابدااا اخوي يقولي عطي المدينه فرصه للصباح شوفيها يمكن بالليل ظالمتها ضاق صدري بصراحه والحين بعد تقولون تغير نظام السكن مافيه شهر بشهر انا ناويه ان مارضو اتحمل واسكن واخلص فتره كورسي وانحاش طيب لو لاقدر الله ومارضو انقل حاليا قالو اخلصي كورسك وبعدين اتوكلي فيه سكن بالجامعه اقدر اسكن فيه بس مايكون غرفه ابي شقه ماتحمل غرف اكتئب وكيف مستواها نظيفه ولا لاء واذا مافيه ابي شقق مؤثثه لان مراح أاثث وانا عارفه اني مراح اطول فبليز انصحوني ايش اسوي((((((((( انا الحين بالاوتيل السقيم عجزت انام

ممكن استفسار عن سهوله القبول بالجامعه.باييييييز

ناوي ادرس على حسابي في البدايه وابي قبول في (Supply Chain Management) للاسف معدلي 2.1 من 4 بكالوريوس هندسه صناعيه.

هل من الممكن احصل على قبول بهالتخصص
واذا ممكن اتواصل مع احد للمساعده

هههههههههههه احنا في الحقيقه لما وصلنا هنا انصدمنا بالمنطقه

بصراحه هي تعتبر ضاحيه مش اكثر

ولكن دعونا نكون واقعيين :سؤال جينا امريكا من شان ايش بالضبط؟ وش الهدف الاساسي من البهذلة والمشورة ومفارقة الأحباب والخلان و..و..والخ؟

هو (( الشهاده من بعد التعلم )) والمنطقه احلا ما فيها انها منطقه دراسه فقط والويك آند بستطاعتك تروح تستانس على (لبنان امريكا) سان دييغو ساعه ونصف

على لوس انجلوس ساعه ونصف على ريفرسايد 45 دقيقه هناك مناطق حول سان بيرناردينو غنيه بالأماكن الجميله والمنتزهات اللي تفتح النفس,

بالتوفيق للكل

نسخه مع التحية للاخ بدر

هلا بك أختي الفاضلة
معذرةً عالتأخير بسبب الأختبارات
التأخير أن شاء الله خير لك
بالنسبة للتحويل تقدري تحويلي بس بعد ما تأخذي إخلاء طرف منهم أو ما يسمى الترانزفير وهذا يتم عن طريق مكتب تجسير والمعهد الذي ترغبين بالتحويل له.\
الأي توني الجديد راح يكون بنفس رقم السيفس ولا راح يتغير فيه شيء سواء التاريخ فقط وفي حالة حصولك على اي توني جديد برقم سيفس مختلف ففي هذه الحالة يجب عليك مراجعة السفارة وقد تظطرين لتغيير الفيزا.
تمنياتي بالتوفيق لكم

أولاً:الحمدلله عالسلامه
ثانياً: التغيير يتم بعدما تحصلي على موافقة المشرف الأكاديمي في الملحقية.
الشيء الأهم يجب أن تعرفي أن الحكم على الأمور من أول مره خطا كبير ويجب أن ترضي بالواقع.
عموماً أن ما أعرف أيش هي ظروفكم بالضبط ولكن إذا أحتجتم مساعدة ممكن تتواصلون معاي عالخاص

هلا بك أخي الفاضل
بالأمانه المعهد ليس بتلك القوه وأنصحك البحث عن معهد قوي ومميز(لك الحق في سؤال الأخوان الجدد)
الشيء الأخر أن القبول بالجامعة صعب خصوصاً هذه الفتره وهناك معلومه لست متأكد منها هي أن القبول المشروط لا يعطى الإ لطلاب المعهد فقط والبقية يجب عليهم إحضار التوفل أو الايلتس.