طلاب وطالبات سان بيرناردينو

اخي الخير من الله . انا ماادري ايش الفائده اللي انت قاعد تقدمها للاخوان هنا وانت مو من سكان المدينه . وثانيا انا صارلي من 19مارس الماضي واعرف شباب صارلهم خمسه وسته سنيين في المدينه اقسم بالله ماشفت اللي سمعت عنه ولا هم شافو الافلام اللي سمعتها .انت حتى ماشفت فكيف تطلق احكام . بعدين يااخوااااان فرقو بين اللي جاي دراسه وبين اللي جاي سياحه .سان برناردينو بشهادة الاخوان القدامى ارخص مدينه في كاليفورنيا . والسياره اشوفها مطلب شبه ضروري . والاماكن السياحيه كلها قريبه وابعد منطقه سياحيه ساعه بالسياره . ياشباب لا تشيلو هم المدينه من ناحيه الدراسه والامان جيده جيدا ياخي المصايب في بلدنا كثير وادخل سبق وشوف . الامان من الله . اتمنى من االاخوان اللي ماتعنيهم سان برناردينو يشوفو لهم صفحه تخص مدنهم .

السلام عليكم ورحمة الله وبركاته

وجهة نظري في المدينة والمعهد انها لاباس بها والامان ان شاء الله ممتاز لكن بدون سيارة صعبة جدا جدا لان المواصلات معدومة صحيح في باصات لكن مواعيدها صعبة وموقف الباص بعيد شوي عن المعهد

موضوع اخر انا ابحث عن احد يوصل بنتي المدرسة الصباح الساعة 8.50 والعودة 3.30 لان دوام المعهد من 8 الي 4 ولا يمكن الخروج من المحاضرات وطبعا المدرسة مافيها باصات

كذلك ابحث عن حاضنة للبنت الصغيرة لان حضانة الجامعة فل ومافيش تسجيل عندهم الي يقدر يدلني جزاه الله خير

موضوع الحضانه اخي لاتشيل همه انا راح اساعدك فيه تواصل معي ع الخاص وباذن الله راح اساعدك

انا مع الي قال ان سان بيرناردينو خطره
وازيدك انها مملة وكانها النعيرية الثانية
امس كلمت واحد يدرس مع زوجته قال لي الوضع سيء
صحيح الجامعة كويسة والمعهد يأهلك لدخول الجامعة
لكن انا وجهة نظري معهد اللغة ادرس باي مكان
واذا جا وقت الدراسة الجامعية وانحديت لهالجامعة ادرس فيها

في معهد جنب الشانز حلو قدم عليه بيعجبك انشالله . ولا انشالله تترقى وتصير وجه ووجه .

دائما الشخص الي توهق بمعهد يحب يسحب كل الناس معاه ويقنعهم انه كويس
عموما لو بدفع ٨٠٠ بالسكن في سان برناردينو راح ادفع ١٠٠٠ بلوس انجلوس واشتري راحة بالي وسعادتي
وبعدين الواحد كم مرة بحياته بيروح امريكا عشان يقول بسكن بمكان خايس
عموما كلن له وجهة نظر ، وكلن مسؤول عن قراره

انا من طلاب معهد سان بيرناردينو


المدينه جيده لا بأس فيها. وامنه ولله الحمد. وهي ارخص مدينه في كاليفورنيا


لكن المعهد سيئ للغااااااااااااية. وانا بصدد تغيير المعهد


اذا تبي تنصح عدوك قله ادرس بهذا المعهد



ياجماعة والله والله نصيحة لوجهة الله لا تجي هذا المعهد اغلب مدرسينهم سيئين. مافي الا مدرستين في المعهد كله تدرسيهم جيد

والا الباقي والله اللغه بجهه وهه بجه



هذي نصيحه للكل. وانتم مخيرين ولستم مسيرين




تحياتي

صح لسانك

هذا الكلام المعتاد عن هالمنطقة

مادري ليه البعض يحبون يبهرون ويخلون العادي روعه

أخي الفاضل:
قبل أن تتحدث وتفتي بما لا تفقه أحببت طرح بعض الاسئلة عليك لعل وعسى أن تدرك ماتقول:
هل تعلم عن معاناة الطلاب مع الملحقية وخصوصاً بموضوع التحويل بولاية كالفورنيا؟؟
هل تعلم ان قرار بقاء الطلاب ليس بيدهم بل هو مرتبط بالحصول على القبول المشروط ومن ثم الموافقه على التحويل؟؟
هل تعلم أن الكثير من الطلاب لايهمهم المدينه بل كل مايهمهم الحصول على قبول مشروط ومعهد يؤهلهم للدخول للجامعة دون الحصول على التوفل؟؟
هل تعلم أن أحوال بعض الطلاب لا تسمح له بالعيش بمناطق مثل لوس انجلوس؟؟
هل تعلم عن احوال الطلاب المتزوجين ومن هم بحاجه إلى حاضنات للاطفال؟؟
الشيء الأهم انت تعيش في لوس انجلوس وداخل موضوع سان برناردينو وهذا شيء يجعل الشخص العاقل في حيره من أمره.
عموماً اتمنى أن تدرك الاجابة على هذه الاسئلة بدلاً من تشتيت فكر الطلاب وإشغالهم بما لا يفيدهم وبالمناسبة تم إيقاف المعهد من الملحقية للتكدس.

ومضة:
نحن هنا للدراسة وهدفنا الحصول على الشهادة من أي مكان بإمريكا وموضوع السياحه والترويح عن النفس سنخصص له أوقات معينه.

كلامك صحيح واحترمه ، فيه ناس كثير تعاني من اللي قلته
بالنسبه للي بيحول الموضوع فيه شوية تأخير من الملحقية بس فيه طلاب مستجدين عندهم خيارات افضل
بالنسبة للقبول المشروط كلامك سليم ، لكن انا تكلمت عن الدراسة بالمنطقة ما تكلمت عن القبول المشروط
بالنسبة لاحوال الطلاب انا معاك بس ما يمنع ان فيه ناس احوالهم ممتازه وفيه ناس من الي احوالهم عادية مستعد يغير ولايته بس ما يدرس بمكان ممل
وصح الي يحتاجون حضانات بتكون نسبة الاجامعات الي يبحثون عنها أقل لكن لو دائما فيه سيء وفيه أسوأ
يا أخي الفاضل قال رسول الله صلى الله عليه وسلم : (من كتم علما يَعلمه جاء يوم القيامة مُلْجَمًا بِلِجَام من نار )
انا صحيح دراستي بلوس انجلوس لكن احب استطلع عن كل المناطق ودام عندي معلومة ليه استخسرها على شخص متشتت وضايع بين قرارات اختيار الجامعة

يالغالي يا اخي العزيز
انا ما اغلطك في كلامك لكن فيه ناس طالعين على حسابهم الخاص وتهمهم المدينة وكثير اللي يهتمون بالمدينة لان النفسية تساعد بالدراسة وغير كذا تلقاهم مرتاحين ماديا
فليش تقنعهم ان هالمنطقة كويسة من باب انك ما تبي تضيق عليهم نسبة الجامعات
انت يمكن بهالمعلومة تعفس له حياته

اعطيك اقرب مثال ، انا لما فكرت اجي : هدفي الرئيسي الدراسة بحكم اني بكمل ماجستير ، ،ابشرك متزوج ، بس تهمني المنطقة ، ولو ما افادوني الناس بالمعلومات كان رحت وانا عندي خيارات افضل، والحمدلله امريكا بكل منطقة فيها جامعة قوية
وبعدين ليه اذبح نفسي فترة اللغة بمكان سيء خلني ارفه عن نفسي يمكن بعد اللغة ما القى جامعة الا بمنطقة سيئة وهنا بيكون كلامك صحيح لاني بكون مجبور عليها

للمعلومية : الاخبار الي جبتها عن الجامعة ماكانت من انترنت ، اول مصدر كان من ناس متزوجين من جماعتي يدرسون فيها والمصدر الثاني من شباب يدرسون وزاروا المنطقة

اتمنى التوفيق للجميع