طلاب وطالبات سان بيرناردينو

السلام عليكم
انا طالبة في مدينة ديفيس وهي مدينة جامعية صغيرة جدا بجانب سكرمنتو وحاليا بادور على جامعة و شروط قبول جامعة المدينة عندكم مناسبة انا استفساري ملل المدينة انا متعودة عليه ما عندي مشكلة بس لو احد يعرف شخص ماجستير ادارة اعمال - مالية لو يعطيني خلفية بسيطة عن مستوى الجامعة والدكاترة
وشكرا

ارسل للمسؤولة في المعهد عن قبول الطلبة وارفق لها رقم الـ SEVIS حقك واطلب تأجيله للكوارتر اللي تبيه وحدد الكوارتر والسنة وخلال ثلاثة ايام يرسلون لك على الايميل الـ I-20 والاصل يجيك عن طريق فيكس خلال اربعة ايام عمل بالكثير

بالتوفيق ان شاء الله

اخوك

اخوااني حبيت اسأل انا جاي ان شاء الله في 17 سبتمبر الى مطار لوس انجليس حبيت اسال عن اسعار التاكسي من المطار الى سان برناردينو؟
والسؤال الأهم احد جرب السكن عند عائلة بسان برناردينو كيف هل العوائل تكون عند الجامعة او في الدااون تاوون ؟؟ "واللي يعرف عائلة حلوة لا يبخل علي"

يا الاسطورة تاصل بالسلامة ان شاء الله

لو تقرأ كامل الردود راح تلاقي جواب لسؤالك لكن شف التاكسي ياخذ 210 دولار وللعلم ما احد يستخدمه وافضل طريقة هي super shuttle هذي فانات تاخذ مجموعة بسيطة من الركاب وتكلفك 70 دولار الى باب بيتك وتحصلهم برا المطار اول ما تطلع كلم الوظف وعطه العنوان

بالنسبة للعوائل فلا يوجد عوائل بالداون تاون نظرا لخطورته ولا يطريلك تروحله اذا جيت , وبالنسبة للقرب للمعهد ما يفرق معك لأن العائلة مسؤولة عن توصيلك من والى المعهد وانا مع عائلة بعيدة عن المعهد لكن الحمدلله مرتاح معهم تقريبا, واغلب العوائل هنا ما تستقبل مدخنين فإذا انت مدخن فالله يعينك تلقى عائلة والشباب عادة قليل يرغبهم وخاصتا اذا صار من السعوديه , وعوائل سان بيرناردينو من اللي شفته هادين ومالهم بالمشاكل حتى اكثرهم لا شراب ولا دخان.

وعلى فكرة ترا سان بيرناردينو مجموعة قرى وليست مدينة وحدة , ومافيها ملهيات يعني تصلح للدراسة وللتوفير.

الله يعافيك اخوي ذا التميت ترو
انا الحمدلله ما ادخن , لكن ابسألك انت حصلت عائلة عن طريق المعهد او لا ؟؟
لاني سمعت ان الهوم ستي هنا في سان برناردينو اللي هو يدور يحصل ب500 دولار وعن طريق الجامعة ب720 دولار غير رسوم المعهد بالبداااية 120 دولار وانا جاي على حسااابي ""تفرق معي 200 "" دولار شهري

شف يا الاسطورة

انا حصلت عائلة عن طريق المعهد وسان بيرناردينو قرية يعني صعب جدا تحصل هوم ستاي برا المعهد , والمعهد تدفع للعائلة 750 شهرا شامل السكن و3 وجبات باليوم والتوصل من والى المعهد , لو طحتلك بعائلة ان شاء الله قريبة من المعهد تحذف 60 دولار حق التوصيل من المبلغ وتصير تدفع 690 دولار, اما اللي هوم ستاي ب 500 فيه لكن مهيب هوم ستاي فعليا , يعني تكون ساكن مع مجموعة طلاب دوليين في بيت واحد او مع واحد امريكي لكن ب 500 تكون مسؤول عن نفسك وعن كل شي , وكمجرب وسائل عن هالشي انا سئلة الطلاب الاسيويين اللي معي بالمعهد عن السكن اللي جنب المعهد ب 500 وقالوا ان السكن والاكل ياصل بالشهر 1000 دولار واستغربوا يوم قلت 750 شامل الاكل والتوصيل والسكن قالوا رخيص بالحيل , عاد شف كيف اسيويين وغلبناهم توفير.

وخلك وانا اخوك من القيل والقال وخل المعهد يشوفلك عائلة وتجي تنكب زي كثير من الشباب تلقاهم مجموعة شباب سعوديين مستاجرين بيت!!! والله اللي تعلم لغة صدز .

اهم شي اشرط على المعهد لا يصير معك سعودي ثاني في العائلة ترا سان بيرناردينو غرقانه سعوديين ,

السلام عليكم ورحمة الله وبركاته ..
انا باذن الله بوصل لسان بيرناردينو بعد ثلاث ايام .. ابي استفسر عن الشقق ... ابي شقه تكون كويسه وقريبه من الجامعه ..

ممكن اعرف اذا المعهد اللي تبع الجامعه مغلق او لا
وهل فيه سعوديين
وكيف مستوى الدراسة

نفس السؤال الله يرضى عليكم