مشكلة المبتعثين لا طاحوا في مبتعثين قدامى ونصبوا عليهم

اانا بصراحه ما راح اقولك على اشياء سارت معانا وهذا هو النصب بحد عينه لاكن الي سار معاك جدا عادي ونحنا هنا اي احد بيسوي كذا مثلا السكن الي انا في ازا جاء اي احد سكن فس وقالهم انو سعرفني على طول الشهر الي بعدو يخصمولي 200 دولار من الايجار
وكمان هنا اغلب البنوك الي في امريكا علشان تكسب زباين تسوي دي الحركه زي مثلا بنك اوف امريكا تسوي حركه انها تديك انتى 25دولار وصديقك 25 دولار وانا سارت معايا بس دى شي عادي يااخي مافيها شي




النصب ازا باعك شي باغلى من سعرو وهو خربان ولا اخذ منك شي زياده ولا اي شي تاني اكيد
هذا الشخص قرى انتى ايش كاتب فايرت تعتذر منه وهدى الشيطان هو الي وسوسلك بدي الاشياء اكيييييد


والله يصلح الجميع

غريب امرك ياصاحبنا ...

حاله حال الدلال او السمسار ..الي يبيع سيارة والي يبيع ارض

عادي وهو مااخذ منك فلوس

اقولك شي..

الله يرزقني بواحد زية ويوفقه في دنيتة واخرتة ..

واتمممنى لكم التوفيق جمميعا

هالقانون معروف بأمريكا ,, وهو ماسرق من جيبك شي
لكنك حســــــــــود
الله يكافي المسلمين شرك
يا حسافه البعثه عليك

أشكال زيك المفروض تتبهدل في المطار والتكاسي والسكن وتصرف ألاف وهي تتحسر لأنها ما تدري وين تروح ولا وين ربي حاطها
يا ليت يرجع الزمن ورا وترفض مساعدة أخوك اللي تحذر منه وأشوفك وإنت تتبهدل وتصرف آلاف الدولارات في وقت كنت تقدر توفر

على فكرة بس 650 مررررررررة رخيص، يا ليت تدلني على هالسكن عشان بجي أسكن فيه، ورح أقول إن خوينا السعودي اللي ساعدك هو اللي دلني على السكن عشان ما يجيك شهر مجاني هع هع

إنت واحد حسود ما تبي الخير لغيرك
وخسارة فيك المساعدة
حاسد أخوك السعودي على هالكم دولار؟؟

ليه هو أخذ من جيبك شيء؟ عشان تحذر من نصبه واستغلاله ياللي ما تعرف الأصول
طيب إنت كيف جازيته على معروفه يوم إنه يلفلف وتارك دراسته وحياته ويساعدك؟
أشك إنك تعرف تقول كلمة شكرا حتى !

وكانك جريء اكتب اسم هالسعودي اللي تحذر منه وأنا أشهد إن كل سياتل رح توقف في صفه وأنا أولهم وإنت ما رح تحصل أحد يناظر فيك
حسبي الله ونعم الوكيل

مادري ليه انت تحس انه نصب عليك .. هو ما اخذ من جيبك شي !! اخذ من البنك ومن السكن

وبعدين لازم يقولك تعال اسكن مكاني علشان يسوون لي خصم كذا وكذا ويشرح لك كل القصه !!!!!!!!!!!!!!!!!!!!!!!!!!!!!

هذي الشغلات مالك دخلك فيها خلك في اتفاقكم وبس

اعوذ بالله منك حسود ماتبي الناس تترزق

السلام عليكم ورحمة الله وبركاته . عزيزي صاحب الموضوع . انا مثلك من الناس اللي انلعب عليهم وانخدعت في بعض المحسوبين على السعوديه . وادعوا المساعده . ياخي اذا كان على العموله الله يبارك له فيها بس اولا وذوقيا انه يبين الشغله ومو يدعي انو يسويها لوجه الله ثانيا لو يبي بعد عطيته ودفنت عينه فلوس بس انو يتفق مع بعض العرب وبعض النشاله على سرقت عيال بلده ويتضايق انو مايعجبك السكن ولا الاسعار المبالغ فيها ويبدا بتغيير المعامله بعد حصوله على العموله ويغش في السيارات واشياء كثيره هذا الشي اللي ماراح ينسكت عليه . اقسم بالله انو ماهمني وش اخذ عموله وكم ,الله يرزقه ولو يقول الواحد بعد ابي اقسم بجلال الله لا عطيه في مثل يقال ( ما يخدم بخيل ) . لا كن يستغل الشغله ويقلب الشغله سمسره مع بعض العينات العربيه اللي حتى ماهم من دينا ويدعي الخدمه لوجه الله فهذا عين الحقاره . انتبهو يا اخوان اللي قادمين من السعوديه في عينات محسوبه علينا لا ترتبط مع احد الا انت سال عنه وحاول انك تضبط وضعك من السعوديه سواءا حجوزات وغيرها عبر اون لاين فنادق مجمعات غيره ..

حسد اهل الرياض ياخي تعلو بدون حسد الله يشفيكم منه

حقد و حسد = المملكة العربيه السعودية
يقولكم الرجال ماقدرت لازم افضفضلكم تعرفون ان السعوديين ماخذين درجة الدكتوراه في هذا الفن العظيم .

والله انكم مشكله الله يصلح الحل و يكفينا شركم

^
^
^
الاخ صاحب الرد اقولك خصص ولاتعمم مو كل اهل الرياض واهل المملكه حسودين وترى الظلم ظلمات يوم القيامه..

بالنسبه للاخ صاحب الموضوع
الاخ اللي خدمك محد يعلم بنيته الا الله سبحانه وتعالى والله يرزق الشخص حسب نيته.
الشي الثاني ياطويل العمر اغلب المجمعات السكنيه والبنوك يعطون عمولة اذا جبت عميل جديد
الشي الثالث احمد ربك واشكره انك ساكن بشقة او استديو او مهما كان نوع سكنك ب هالمبلغ
اقسم بالله العظيم اني ساكن انا واخي بشقة ب 1300 دولار شهريا غير الكهرب والنت .
والله العظيم ان اسعار الاستديو هنا توصل 750 شهريا
انا من الناس اللي منزل موضوع بخدم فيه المبتعثين الجدد الجايين لمدينتنا ولوجه الله تعالى وعلى فكره عشان عطيك اياها من الاخر
اي شخص اجيبه في السكن عندنا راح يعطوني خصم 250 دولار وعندي مايقارب 9 عوائل راح يجون خلال الاسبوعين الجايات والله اللي لا اله الا هو اني حاط السكن حقنا اخر خيار لهم مع اني بستفيد لانه يعتبر غالي وثاني شي مابي احد يقول والله رجه لعب علينا والا استفاد من ورانا والا اي شي ثاني مع انهم مايعرفوني ولا اعرفهم لكن برضو دام ان الانسان يبي يسوي الخير لوجه الله خلاص الله سبحانه ييسر اموره ويرزقه من فضله .
اقسم بالله تمنيت اني اول ماوصلت هنا احد يخدمني ويجيب لي سكن بسعر مناسب حتى لو اعطيه العمولة من جيبي .
قل الحمدلله على كل حال و صفي نيتك واستغفر ربك واستهدي بالله ولاتحط في ذمتك شي . والله سبحانه هو العالم بالنيات وان كان الرجال فعلا لاعب عليك قل حسي الله ونعم الوكيل وله رب كفيل فيه.
انا عقب موضوعك واسلوبك مع احترامي لك افكر اني الغي موضوعي واكلم اللي بيجون اقولهم والله اسف مااقدر اشوف لكم سكن باخذكم من المطار واحطكم بموتيل ودبرو انفسكم ..


وانا ماقلت هالكلام مدح لنفسي والا شي .. لا والله عشان تعرف ان اصابعك مو سوا وعشان تعرف النظام هنا وشلون وبرضو لعل ان احد من اللي بيقرا الرد يسوي زي مااسوي يخدم الجدد ويكتب لي الله اجره .

تحياتي .

احمد ربك بس واشكره الرجال ماقصر معاك بشي ياخي في ناس لو تشوفهم تعرف معنى كلمة نصب هذي

يسرقونك ويسرقون اغراضك ويسكنونك معهم عشان تدفع نص الايجار ونص الايجار الباقي عليهم يسرقونه من جيبك ويقولون لك احمد ربك ضفيناك من الشارع

ياخي هنا ناس تعرف معنى النصب والسرقه اذا عاشرتهم لكن الي سوواه خويك من حقه وربي يبارك له فيه مافيها شي لو استفاد المفروض ما تحسده كذا بالعكس تستفيد منه وتتعلم كيف تقدر تفيد نفسك بالحياه بدون ماتضر احد