طيب انا عندي سؤال عن معهد ucla .
1. كم مدة الكورس بالمعهد ؟
انا اشوف معهد ELS طريقته ممتازه جدا اذا الكورس مدته شهر وبعدها اجازه اسبوع ومن ثم الكورس الي بعده ... اتمنى الافاده .
عبدالاله 10 June 28th, 2011, 02:04 AM
7 " ahmed1776 انا بعد باجل دراستي لنفس تاريخك
دفتر بو عشرين June 29th, 2011, 08:50 AM
7 " السلام عيلكم و رحمة الله و بركاته
اولا الله يوفق الجميع و يارب القلب الصادق يحولوك لاتخافي
انا ادرس في المعهد حاليا ليا سنه انا في اخر ليفل و من خلال دراستي في المعهد هو جدا قوي و مفيد بس يبغاله شده حيل لان الدراسه عندهم اكاديمية تاهلكم للجامعه فكميه الواجبات شويه هتكون كثيره بس لازم تشدو على نفسكم و انتو تحاولوا تطوروا لغتكم صح المعهد هيعلمكم بس يمكن70 % او 75 % و الباقي على الطالب \ الطالبه ، مدة الكورس ٣ شهور تقريبا و بعد كل كورس اجازه لمده اسبوعين ، بوب هو الشرف الاكاديمي حق المعهد لا تترددوا ابدا انكم تطلبوا المساعده منه لانه انسان جدا خدوم و يساعد الطلاب في حل مشاكلهم ، المعهد فيه تكدس طلاب سعودين مو طبيعي و نسبه متوسطة خليجين يعني خصوصا في المستويات الاولى ممكن يكون في الكلاس ١٥ طالب و طالبه منهم ١٢ سعودي و سعوديه و خليجين .
الويست وود منطقة جدا راقيه و حلوه للمعيشه و منطقة حية فيها كل شى مطاعم محلات تجارية و كل شى بس كمان غالية شوية السكن فيها نوعا ما غالي بس اكيد مع الوقت هتتعودوا على المعيشة هنا .
ان شا الله لمن تكملوا ٣ او ٤ او ٦شهور حاولوا تاخذوا ايلتس او توفل حتى لو ماعندكم لغه و حتى لو ماجبتوا درجة كويسه بس تشوفوا كيف الطريقة و انصحكم تاخذوا الاختبارات في بدايه بعثتكم عشان هتلاقوا الوقت يمر بسرعه و الملحقيه تعوضكم عن كل اختبار توفل او ايلتس تاخذوه و حاولوا تجيبوا قبول مشروط خلال الشهور الاولى من سنه اللغه من جامعه فيها تخصصكم و معترف فيها من موقع الوزاره
و ان شا الله ربنا يوفق الجميع و الحياة في لوس انجلوس مررره ممتعة و صدقوني كلكم هدوروا قبول الجامعة فيها لانها مدينه مرررره مريحة بغض النظر عن غلا الاسعار
يارب اكون افدتكم و معليش على الاطاله
حنانو June 29th, 2011, 09:11 AM
7 " السلام عليكم اخوي دفتر ابو عشرين
بالنسبه للتقديم في الجامعات في تخصص اداره الاعمال شوية متطلباته كثيره و احنا تسويق و له متطلبات :
اولا تسجل online في جامعة معترف فيها و تدفع فلوس الابليكيشن
٢- يطلبوا درجة عالية في التوفل او الايلتس 6 او 6.5
٣-كل الجامعات تطلب اختبار GMAT اللي هو اختبار متخصص في اداره الاعمال
٤- كل الجامعات يطلبوا شي اسمه Statement of purpose اللي هو عباره زي تعبير تكتبه عن نفسك و خبراتك في شغلك و انت ايش هدفك من دراسة تخصصك و هو لا يقل عن ٣ او ٤ صفحات و هو مرره ضروري
٥- ٣ توصيات من مدرسين درسوك في البكالوريوس
٦- كشف درجات البكالوريوس و اذا بالنسبة المآوية لازم تعادلها في موقع wes.org
٧- و اخيرا و اهم شى الضمان المالي من الملحقيه باسم الجامعة اللي هتقدم فيها
صح خطوات كثيره بس ربنا يسهلها ، و في جامعه انا مقدمة فيها اسمها CSU San Bernardino بينها و بين لوس انجلوس ساعة و يتغاضوا عن اختبار ال GMAT لانه يدرسوك هو لمدة سنة و بعدين تختبرو
و ان شا الله موفق
حنانو June 29th, 2011, 10:11 AM
7 " الله يعافيك يارب اي سوال انا حاضرة
و من جد الواحد كم مره يعد بكالوريوس و ان شا الله ربنا يسهلها عليك
حنانو June 29th, 2011, 11:07 AM
7 " 
LinkBack URL
About LinkBacks
1. كم مدة الكورس بالمعهد ؟
انا اشوف معهد ELS طريقته ممتازه جدا اذا الكورس مدته شهر وبعدها اجازه اسبوع ومن ثم الكورس الي بعده ... اتمنى الافاده .