ياليت السياتليين والسياتليات واهل الخبره يدخلون للمساعدهـ ..

June 5th, 2011, 05:57 AM

بسم الله الرحمن الرحيم

السلام عليكم ورحمة الله وبركاته ..

اخباركمـ ...؟

بالبداية كانت فكرة الدراسه في ولاية كنتاكي تحديدا مدينة موراي بالذات كانت لرخصها الشديد
وقدمت على القبول و كذا قالوا ان شاء الله الاسبوع الجاي ..

بعد التفكير قررت اغير المدينة والولاية بكبرها اذا انها كلها سفر وغربه ودافع فلوس دافع قلت خلني اروح
لشي يستاهل

فكرت في سياتل ..

دراستها حلوهـ .. مدينه روعه .. قريبه للملحقية .. ماتحتاج مرمطة طيران ياقرب الرياض .. واكيد قريبه لفانكوفر

فـ انا محتار في التخصص يا ادارة مالية يا علوم حاسب .. ماعليكم من هالشي

بس الاستفسارات اللي ابيها منكم ..

وش المعاهد الكويسه في سياتل تكون اهم شي تابعه لجامعه طبعا وماتكون غاليه يعني ؟
وش الجامعة اللي عندها التخصصين هذي ؟
المكافئة تكفي والا ماتكفي ؟
الدراسة الجامعية صعبه والا لا ؟ انا اعرف انو مافي شي يجي بالساهل بس شي عن شي يفرق ..
انا اعرف ان التاكس فيها عالي .. لكن كم ممكن احصل سكن عائله مع وجبتين ؟ لان مدينتي الاوله مافيها عوائل ..
وكمان سكن عزاب غرفه ومطبخ صاله وحمام مؤثثه طبعا متوسط السعر كم ؟
امان المدينة كيف ؟
و الطقس العام للمدينة تقريبا كم اعلى شي بالصيف واقل شي بالشتاء ؟ عندي عقده من البرد ولايتي الاوله توصل حوالي -30


اخيرا وليس اخرا ..
اذا حولت وانا في كنتاكي راح يطلبون مني شهادة بنكية والاشياء هذي .؟

وبس والله يجزاكم خير لو تخدموني هالخدمه راح ادعي لكم بظهر الغيب طول عمري ..
موفقين

• نشر عبر تويتر
• نشر عبر فيسبوك
• نشر عبر جوجل