خدمة للقادمين الى سان دييقوٍ (San Diego)

السلام عليكم ورحمة الله وبركاته

كل عام وانتم بخير ومبارك عليكم الشهر

اولاً جزاك الله عنا كل خير وحرم وجهك عن النار اخوي ضايع وكل من يقوم بخدمة المبتعثين

ثانياً انا اخترت سان دييچو وتخصصي ادارة اعمال وحاب اكمل ماستر HR او ادارة مشاريع وحاب استفسر بعض الاستفسارات

١- ماهي افضل المعاهد التابعة للجامعه ( بحيث ان آخذ قبول مشروط ) ؟

٢- كم اسعار السكن غرفتين وصالة او غرفة وصالة ؟ وكيف المعيشة من ناحية الغلاء ؟

٣- انا جاي على حسابي اول ٣ شهور لحين انضمامي للبعثة بمشيئة الله كم المبلغ اللي احتاجه اذا كان صرفي معتدل ؟

٤- هل يوجد ما يسمى ماجستير مزدوج بحيث ان آخذ ماجستير ادارة مشاريع و ازيده كم ساعه وآخذ HR ؟

٥- هل من شروط جامعات سان دييچو جيمات وجي ار اي ؟؟


شاكر ومقدر لكم تعاونكم ..


( تمت المشاركة باستخدام تطبيق مبتعث )

سلام عليكم ورحمة الله وبركاته

انا باذن الله جاي على سآن دييغو الجمعة القادمه لدراسة لغه في معهد على حسابي الخاص EC San Diego لمدة شهرين (كان ودي اكثر لكن ماقدرت للاسف) فعندي استفسارات بسيطه :

1/ أنا حاجز على طيران الاتحاد الاماراتي ترانزيت من الرياض لـ ابو ظبي وبعدها من ابو ظبي لـ لوس انجلس فعندهم خدمة جديدة الي هي انك تقدر تخلص معاملات سفرك والجمارك ف مطار ابو ظبي يعني اذا وصلت لأمريكا بتكون كانك جاي من رحله داخليه مايحتاج معاملات الجمارك والسفر فاللي عنده خلفيه عن هذي الخدمه ياليت يفيدني .

2/ لو مثلا ماخلصت الاشياء هذي من مطار ابو ظبي كيف راح تكون الاجراءات اذا وصلت مطار لوس انجلس والاوراق المهمه اللي لازم تكون معي لاني بصراحه أول مرره اسافر لأمريكا

3/ انا ان شاء الله راح اسكن مع عائلة ف حبيت اعرف كيف طبعهم و عاداتهم و تعاملهم (بشكل عاام) مع الطلاب السعوديين !

4/ بالنسبة للباصات والتنقلات الى المعهد ابغا اعرف كيف النظام في التنقلات عندهم !

وشكرا

اخوي فيصل اذا بتروح لسان دييغو ابوصيك ياخوي معي اغراض تمر وقهوة لاخوي هناك واخليه يستقبلك
وكمان يساعدك في سان دييغو

ولك الشكر يالغالي

والحاق لما سبق ياشباب اي واحد بيروح سان دييغو قبل العيد ابي منه خدمة يوصل تمر وقهوة لاخوي هناك واكون له من الشاكرين
وان شاء الله اخوي ما يقصر في خدمته اذا وصل سان دييغو


هذا جوالي للتواصل 0503186720 مدينة الرياض

السلام عليكم لمن يريد تتطوير لغته
سكن مع شايب امريكي وشباب امريكان
انا سوف اخرج من الغرفه ٢٢ الشهر هذا مدها شهرين فقط بعدين ابي اجي استلمها
بيت يتكون من اربع غرف وحمامين الغرفيتن فيها امريكان حبوبين والغرفه في شايب امريكي يساعد في تطوير اللغه جدا قريب من near San Diego State University الاستفسار التواصل عن طريق الرسائل الخاصه ولكم جزيل الشكر والعرفان


( تمت المشاركة باستخدام تطبيق مبتعث )

اخوي خالد


التوقيع

انا اعطي اخوك تمر وقهوه


التوقيع

انا في سان دييقو


التوقيع

شباب ابي سكن 😭 تورطت انا جاي ١٣ اغسطس دبروني سكن عائله ولا شقة اي شي


( تمت المشاركة باستخدام تطبيق مبتعث )

السلام عليكم ورحمه الله وبركاته

اخواني انا بسافر ان شاء الله بعد كم شهر لسان دييقو للدراسه وابي افضل الاماكن للسكن علما اني مخلوق ليلي احب اطلع كثير في الليل بخصوص المعهد لحد الان مااخترت ابي قبل مكان ممتاز للسكن ثمن ادور معهد قريب منه مابي اكرر نفس الخطأ اللي صار معي في مدينه سياتل ... كنت ادرس في مدينه سياتل لغة وماكملت اضطريت ارجع بسبب ظروف عائلية والحين ناوي اكمل دراسه واخترت سان دييقو اتمنى من الموجودين في سان دييقو او اللي عندهم خبره كافيه فيها يفيدني واكون له من الشاكرين والله تعبت وانا ابحث ابي اخذ العلم من ناس يدرسون فيها او قد سكنو فيها