خدمة للقادمين الى سان دييقوٍ (San Diego)

السلام عليكم، اخواني عبدالله الفقيهي وكافة الاعضاء، هل معهد sdsu Ali يصلح فقط للذين مستواهم في اللغة ضعيف او تنصح به حتى للذين مستواهم جيد؟ أنا لله الحمد مستواي في اللغة جيد وانوي ادرس فيه لغة عامة وأكاديمية لتطوير مهاراتي في اللغة وبعد ذلك التقدم لامتحان الايلتس كوني انوي دراسة الماستر في جامعة اخرى. ما هو تقييمك للمعهد المذكور بالنسبة لحالتي؟ وما هي الاماكن التي تنصح السكن فيها مع عوائل والقريبة من المعهد؟ وهل المواصلات كالباصات وغيرها مناسبة للتنقل من والى المعهد. وسوف اكون لكم ممتن و شاكر للرد على استفساراتي . دمتم بود

- - - مشاركة محدثة - - -

السلام عليكم, انا حابه أقدم على معهد SDSU بحكم ان تخصص الماستر موجود عندهم, وطالع باللستة انه متكدس, هل أقدر اقدم عندهم في هذي الحاله؟ التخصص اللي ابغاه ماهو متوفر كثير وبكاليفورنيا كلها 3 جامعات فقط, مستاءه جده خاصه ان بصير ضايعه معهد بمدينة وجامعه بمدينة ثانية .. مع العلم اني لسا ماقدمت عالجامعات, حايسه بقبول المعاهد !

سؤال اخير, فيه معهد معتمد طالب 150$ عشان ينظُر لطلبي, هذا الشي عادي؟ أدفعها انا ولا عالضمان المالي ؟ والله يجزاكم الجنة

جزاك الله خير حبيبي آسامه وبصراحة ما سوينا الى الواجب .،

والله يوفقك في دراستك وممستقبلك .،

واسف جدآ جدآ ع تآخري بالرد

اختي بآمكانك تتاكدين من موقع الوزاره الجامعات في سان دييقو وتشوفي اذا فيها تكدس او لآ لان القائمه بكل صراحه تتحدث كل فتره او بالاصح اسبوعيآ تقريبآ .،

تمنياتي لك بالتوفيق .،

حيآك ربي اخوي عماني .،

بخصوص المعهد الي ذكرته فهو اكاديمي ويصلح للي مستواهم ضعيف وكذالك الي مستواهم متوسط او جيد لآن اول ما توصل باذن الله يختبرونك اختبار تحديد مستوى بعد كذا يحددو لك المستوى الي يناسب مستواك .،

اما بخصوص العوائل فاكيد افضل الاماكن اقربها للمعهد لراحتك طبعا .،

والمواصلات جيده نوعآ ما للتنقل .،

آتمنى اكون افدتك لو بالقليل واسف جدآ ع التآخير .،

السلام عليكم . اخواني انا عندي قبول في معهد Intrax في الدون تاون والى حد الأن لم اجد سكن .حصلت سكن عوائل و في اخوان يقولون ان السكن مع العوائل في ساندييغو غالباً يكون سئ و اليوم راسلت اكثر من خمس عوائل وواحدة فهمتني انها ما تستقبل الى بنات وممنوع العزابيه (حسيت اني داخل مول قبل سنتين ) انا بكون في امريكا انشاء الله 20/1/2013 . تكفون يا اهل سان دييغو الفزعة و بصراحة انا ما ابي الى عائلة لأني ما عندي القدرة المالية على اني اجيب اثاث وزحمة التامين على السكن . اتمنى تفيدوني .

وعليكم السلآم .،

بخصوص العوائل اخي الكريم صحيح راح تتعب في الحصول ع العائله الي تتمناها لكن مو الاغلب سيئه لكن بامكانك تترجم متطلبات العائله بحيث تعرف هل راح يعجبونك او لا .،

اما بخصوص السكن فانت مو مجبور تشتري عفش وتامن في سان دييقو بامكانك تسكن مع روميت او سكن مفروش لكن تدفع ضمان .،

تمنيآتي لك بالتوفيق اخوي .،

السلام عليكم
اخواني انا باطلع ان شاء الله في الاشهر الجاية اكمل دراستي ومحتار بين كذا مدينة ومن ضمنها ساندييقو
وعندي سؤالين مهمة:

1)هل سان دييقو مناسبة للعوائل، أنا راح تكون معي زوجتي وبنتي الصغيرة، هل فيه عوائل سعودية كثير في ساندييقو أو لا، لأن هذا الشي مهم لزوجتي علشان ما تحس بالغربة؟ (بغض النظر عن الجانب المادي)
لأني سمعت ان أغلب السعوديين اللي موجودين في سان دييقو عزاب

2) وش أقرب سكن خاص وآمن وفيه عوائل سعودية في لاهويا؟

مع الشكر مقدماً

وعليكم السلام ورحمة الله وبركاتة .،

حياك الله بيننا أخوي عبدالعزيز وبأذن الله تجينا بالسلامة .،

بخصوص سؤالك الأول نعم فيه عوائل سعودية كثيرة في سان دييقو أما اقرب مكان للاهويا وفيه العوائل يسكنون هو شارع بالبوا .،


تمنياتي لك بالتوفيق

الله يعطيك العافية اخوي ضايع