خدمة للقادمين الى سان دييقوٍ (San Diego)

الله يوفقك يارب ويقدرك على فعل الخير

تجي بالسسلآمه ياخوي بالداون تاون فيه موتيل ٦ وفيه كذا موتيل ابيك تدخل موقع بوكينق وتحدد الداون تاون السكن وبتحصل اسعار مناسبه .،

واتمنى اذا يناسبك تعلمني وقت وصولك استقبلك واساعدك بالي تبي .،

بالتوفيق حبيبي

- - - مشاركة محدثة - - -


اميين يارب وياك وكل المسلمين يآرب .،

اخوي ( ضايع ) ابي استفسر عن معهد sduis واعتقد انه تبع جامعة حاولت ابحث عنه في النت ماحصلت جواب كافي , دلني عليه أحد الاعضاء بحكم انه ( رخيص ) وهذا رابط الموقع بتاعه SDUIS | USA English Language Center | San Diego

ياليت اذا عندك خلفية عنه . هل هو معترف فيه من الملحقية ؟ قلي عن نظامه و تكلفة الدراسة فيه مع السكن لمدة 5 اشهر , باختصار كل اللي تعرفه عنه ياليت تفيدني

الله يجعل عملك هذا في موازين حسناتك يارب .... شكرا لك

عيوني لك حبيبي .،

هاذا المعهد تجاري ويقع في الداون تاون وتركيزه في المحادثه اكثر من باقي المستويآت .،

اتمنى تبحث عن معهد اكاديمي او هاذا المعهد مناسب تابع لكلية Grossmont College .،،

بالتوفيق حبيبي

السلام عليكم
اخوي انا وصلت سانديقو ولاكن مالقيت سكن طفشت وانا ادور المعهد تبعي في الاولد تاون قريب من محطة الترولي
ابي سكن في حدود 700$ ومافي مشكلة حتى لو كان برا الاولد تاون ويكون قريب منه مواصلات اقدر اروح فيها المعهد
وشكراجزيلا رقمي الامريكي ماني حافظه بس اذا رديت علي بعطيك رقمي ونتواصل عليه لاني جالس عند خويي وهو ساكن مع عايله حتى لو فيه سكن لي بتلاقيه مع عايله يكون احس

مسفر اخوي الحمد لله ع سلآمتك .،

هاذا رقمي ٦١٩٢٠١٠٠٠٨ اتمني تتواصل معي وباذن الله اساعدك بالي اقدر .،

للتنازل شقه في لاهويا عشر دقايق مشي ل UCSD
سعر الايجار 1535 شهريا
الشقه ممتازه جدا فوق الوصف
هي عباره عن غرفه وصاله
الاثاث جديد في حال الرغبه
الاثاث راقي وذوق
اسم المجمع السكني Archstine
Archstone La Jolla Apartments near San Diego | Archstone Apartments
في حال الرغبه ارجوا التواصل عبر الايميل ياهووووو fahad_al3rfj

السلام عليكم جميعا


الي عنده خبره

جالس اقدم على جامعة ابي قبول مشروط لكن الجامعه تطلب السترانسكبت وارسلهم من نفس كليتي بالسعوديه وطالبين اسوي معادله

انا ادرس لغة حاليا

وعندي قبول في جامعه لكن ابغى قبول في جامعه كاليفورنيا القبول ابغاه مشروط يعني فقط عشان اقدر اغير الولايه



قبولي الاول عطوني قبول مشروط بدون الطلبات هذه واستلمت قبول مشروط


هل في احد عنده خبره او يقدر يساعدني كيف احصل على القبول المشروط بسرعه وكيف افهم الجامعه هالشي


وشكرا

اخوي بصرآحه سوآلك غير واضح انت تطلب قبول مشروط ثم تقول ان عندك قبول مشروط .،

اتمنى تحدد لي تخصصك واعلمك هل بالامكان الحصول عليها من سان دييقو او لا .،

بالتوفيق حبيبي

تسلم عزيزي

قصدي انه عندي قبول مشروط لكن لما حصلت على قبولي الحالي ماطلبوا مني كل هالطلبات مجرد عبيت ابلكيشن وارسلت لهم شهاداتي وعطوني قبول مشروط اما توفل او ايلتس


وحاليا جالس اقدم على جامعه ثانيه لاني ابغى اغير الولايه ولا اقدر انقل اغير الولايه الا لازم اجيب للمشرف قبول جامعي من الولايه الجديده ( قبول مشروط )

انا سددت رسوم الابلكيشن وعبيته وارسلت لهم اوراقي لكن ردوا علي انهم يبغون الترانسكربت من الكليه بالسعوديه يرسل لهم مباشره

واسوي معادله عند wes ويرسل لهم


انا ابغى افهمهم اني ابغى قبول مشروط


لانه هم مجرد قبول عشان اقدر انقل لاني ماراح ادرس بنفس الجامعه


ارجوا انه اتضحت الصورة



واذا تقدر ياليت تعطيني ايميلك اتواصل معك عشان اعطيك باقي التفاصيل لانه لازم نفس الجامعه هذه لاني مجبر بتخصص معين


والدرجه المطلوبه بكالوريس



وشكرا لك