corvallis - oregon (وَتَعَاوَنُوا عَلَى الْبِرِّ وَالتَّقْوَى)

صحيح اخوي فيصل تقدر تحجز على النت واسمه شاتل shuttle ولا يطلق عليه باص , ويوصلك ألين الجامعة .
ولك رابط الموقع الي تحجز منه
Home - Hut Portland Airport Shuttle

وبالنسبة لك أخوي احمد هذي المعلومات عن القبول والتسجيل ما عندي عنها خبر .

الله يعطيكالعافية يا البشيري

لا ما يصلح كذا انا وصولي بيكون في الليل متأحر وابي اروح سيدا عـالفندق ..

خلاص اجل بشوف لي تاكسي بس عسى التكاسي ماهي غاليه هناك؟!

هلا اخ فيصل
كنت اتصفح الموقع وشفت ردك فقلت لازم اسجل واجاوبك
انا كمان وصولي كان بالليل وفعلا ما ينفع الشتل خصوصا لو بتجي انت مع عائلتك لكن لو لوحدك وماعندك عفش كثير حلو وتقدر تتصل على تاكسي يمر ياخذك من مكان الشتل لحد الفندق
المهم انا عندي رقم شخص هو جا استقبلنا من المطار واخذنا لحد الفندق برسله لك ع الخاص
بس لازم تتصل عليه من الحين وتنسق معاه عشان يدبر وقت يجيك
يمكن ياخذ عليك ٢٢٠ دولار بس ارخص من التكاسي بمليون مره صدقني ولو بغيت ارقام تكاسي مو مشكله برسلهم لك ع الخاص الا اذا الاداره تسمح بانه احط ارقام هنا فبحطها عشان الكل يستفيد
وتعليقا على رد سابق لك بخصوص البيت انا حجزت بيت من النت وكل شي وجيت هنا بس وقعت كم ورقه واستلمته .... وترا دور بيت من الحين لانه فعلا صعب تحصل على بيت بهاذي الفتره من السنه
ولو حاب تعرف اي شي ثاني انا حاضره

السلام عليكم
يا الغالي انا جاي انا وخويي في 14 سبتمبر ان شاء الله
بس ما دورنا سكن
قلنا نروح ونشوف احسن عالطبيعة
وناخذ موتيل على بال ما نلاقي
تعرف متعودين اننا نشوف شي فالنت وعكسه عالطبيعة
فما ادري وش نصيحتك؟!؟
.....
ممكن تعطيني رقم التكسي لا هنت لاني ما اعرف شي عن اسعارهم وخوفك ينضحك علينا
^^^
محد دخل عرض خخخخخ

ماعليش يا شباب على تكرار المشاركة في أعلى الصفحة بس مادري الخلل عندي في جهازي , ولا الخلل في موقع مبتعث , لأني أرد على مشاركاتكم ولا يطلع عندي شي في الصفحة فأرسل مرة ثانية من كثر الحرص .

*وبالنسبة إذا بتسأل عن شخص يوصلك من المطار لوسط مدينة بورت لاند فيكون السعر أقل من 40$ أما أذا بغيته يوديك كور فالس فيكون السعر من 200$ وطالع .
*وأشوف أحسن لك إذا وصلت بورت لاند خذلك غرفة في فندق وريح لك يوم بحوالي 75$ وبعدها رح بالشاتل لمدينة كورفالس بمبلغ 44$ وبكذا تكون ارتحت يوم ووفرت على نفسك .

وعلى فكرة التكاسي متواجدين هم والشاتل مقابل بوابة معادرة المطار بس أسأل أي أحد وانت طالع من المطار عن مكانهم ويدلونك .
وشف الأحسن والله يدبر الي فيه خير*

عيدكم مبارك وكل عام وأنتم بخير وصحة وسلامة إن شاء الله

لا صعبة , المشكلة اني دفعت للفندق وحجزت خلاص :\


لا بلاقي تكاسي هناك ان شاءالله واذا مالقيت أكيد فيه مكاتب في المطار بس معقولة التكاسي ياخذون اكثر من 200 دولار؟!

أولا أقولك كل عام وانت بخير انشاء الله وجميع الأخوان

وثانيا أنت يافيصل جاي لديرة تعاملهم بالعملة الصعبة وحط تحت الصعبة خطين ,
وترى عادي 200$ للتاكسي لأن فل السيارة بنزين بحوالي 80$ , والسواق لازم ياخذ حقة .

فحط في بالك أنت جاي لديرة غالية شوي , وبعد ترى ولايتنا أحسن من غيرها لأن مافيها ضرايب.
وإذا وصلت لكور فالس خذلك سيكل محترم ووفر على نفسك شوي من المصاريف واستمتع بالديرة

^

وانت بخير وبصحة وسلامة ^_^

السيكل المحترم لا تشيل همه ماخذه ماخذه الله لا يعوق بشر :P

والله ادري يا خوي البشيري ان التكاسي هناك غالية اصلا بس 200 دولار مبالغ فيها ..

يلا الله يعينا وعسى بس اشوف واحد اشارك معه التاكسي والتكلفة تكون بينا ض1

ماقصرت ياابو سلطان على الموضوع وبيض الله وجهك .. !

اخوي فيصل تراء انا من طلاب كورفالس اذا تبي خدمه ولا شئ لا يردك الا لسآنك .. !

ابد اكتب اللي تبيه وابشر ترانا نعين ونعاون طال عمرك .. !

^

يطولي عمرك هذا العشم فيكم شباب!

كلها ساعات ان شاءالله ورايح للمطار دعواتكم..