استفسار مدينة سوبت ليتك لو سمحتم

اذكر سمعت انو كويس ،، لكن ماني متأكد

ارجو الرد

وابي تقيمك للمعهد

السلام عليكم جميعا
أخوي اللي يسأل عن المعهد التابع لجامعة يوتا أنصحك نصيحة أخو رح توكل على الله وما راح تندم . أكون صريح هي كانت من المعاهد اللي أنا مخططلها. بس جاني القبول بمعهد جامعة بنسلفانيا . المعهد والديرة والسكن والمواصلات والأسعار كلها ممتازة ممتازة ممتازة . يا أخي مدينة سولت لك ستي من المدن السياحية . تخيل أنها من المدن السياحية في الصيف والشتاء . وأقيم فيها أولمبيات 2002 في التزلج . يعني متنوعة الثقافات وبتشوف العالم يجون لها من كل مكان. غير كذا مشهورة بجمالها وخضرتها . يا أخي أنا إستشرت أمريكان أصحاب لي هنا في بنسلفانيا ومدرسين يدرسوني كل واحد قالي نايس ستي يعني جميلة جدا . نت إكسبنسف. يعني مو غالية . والمعهد أنا متواصل مع ناس هناك يمدحون المعهد . بس واحد قالي قبل لا تجي لازم تزورنا عشان تشوف المعهد لأنه يقولي المبنى حقهم متواضع على حسب كلامه . لكن انت وش عليك بالمبنى .
هذه رسالة على الإيميل من اللي تواصلت معاهم هناك ورا تقراها والله بالنص ما عدلت فيها شي








وعليكم السلام ورحمة اللة وبركاته

اخي عبدالرحمن المعهد انا ادرس فيه حاليا والكلام اللي تقوله صحيح ما يحتاج توفل يتكون من 8 لفلات وكل لفل مدة الدراسه شهرين طبعا المعهد كطاقم تدريس انا اقيمه 6 او7 من عشره وانت وحظك مع المدرسين في منهم الكويس ومنهم المتوسط . اما بالنسبه للفصول ومبنى المعهد فهو تعبااان عشان احطك بالصوره . اما الجامعه مع اني ما درست فيها لكن جامعه محترمه وقويه شهادتها بكل ما تعنيه الكلمه من معنى قويه. والجامعه كبيره مره بشكل خيالي

بالنسبه للمدينه سولت ليك سيتي كثير من الشباب يشتكون منها يعني مدينه ما فيها شي وفيها طفش انا نفسي ما ادري ايش يبغون بالظبط تكون ؟! لكن كل الخدمات متوفره فيها المواصلاات فوق الممتازه فيها .. فيها قطارات ( التراكس ) وفيها الباصات وباصات الجامعه برضوا

انا انصح لأن كل شخص ورغبته انك تجي تزورنا وتشوفها بنفسك قبل لا تقرر انك تنقل اما اذا كنت متزوج فانا انصحك فيها هاديه وامان وكل الخدمات فيها وان شالله تنبسط

حتى يا أخي رغم أن جاني القبول بجامعة بنسلفانيا وأنا حاليا أدرس فيه رغم كذا الا إني لا زلت أفكر أحول ليوتا . أنصحك أخوي توكل على الله وما راح تندم . الشي اللي يخليك برضوا تتحمس بعد ما تخلص لغة ما تحتاج توفل يعني خلص معهد وخش الجامعة . وهي مشهورة من الجامعات اللي تعطي قبلو مشروط ومتساهله في قبول الطلاب . وإذا حاب تستفسر أكثر عندك في المنتدى أكتب كلمة يوتا راح يطلعلك كل شي وعندك الملتقى السعودي وعندك العرب المسافرون كلها راح تحصل فيها اللي تبي . وبرضوا فيه نادي سعودي في يوتا يا ليت لو ردوا عليك لأني سبق وحاولت الإتصال بهم ويا للأسف لا حياة لمن تنادي .
أخوك عبدالرحمن.