المدينة رااااائعة صراحة
اما عن السكن انت دايم ابعد عن الداون تاون لانها تجي غالية وبالليل بصراحة يقل معدل الامان
اذا انت تبغى شقة حلوة ونظيفة
راسلني لان صراحة المجمع السكني اللي انا فيه ررررااااائع امان وحتى لو خرجت بالليل وفيه رجال امن والماكس جنبك 10 دقايق وانت بالداون تاون
الشقق نظييفة وفيها سجاد ووثلاجة وغسالة ملابس ومجفف وغسالة صحون وبلكونة وغرفة للملابس
وا\ا اي شي خرب اتصل عليهم يجوا يصلحوا مجانا
وفيه مسبح ونادي رياضي وغرفة نت مجانا وهذا كله ب 760
وحتي الناس اللي فيه هاي وفرندلي
اي احد محتاج انشالله رح اكون جنبه واساعده لوجه الله
Max4us August 21st, 2011, 01:59 AM
7 " بالنسبة للي بيستفسروا على سكن مع عائله أفضل شي تكلم المعهد لأنه هوا يتفاهم مع عائله و تقولهم أبغاه قريب من المعهد و ما عندهم حيوانات مثلا....أساس دايام يكون في المعهد في موظف أو موظفه تزبط سكن الطلاب
Shogat Memo August 21st, 2011, 06:50 PM
7 " أرغب بسكن لعائلة مكونه من شخصين وطفلين ويكون فيها مطبخ يفضل أن تكون مؤثثة وسعرها مناسب وتكون قريبة من معهد PORTLAND ENGLISH LANGUAGE ACADEMY
شاكر ومقدرلكم
مثقف سعودي January 29th, 2012, 03:54 PM
7 " 
LinkBack URL
About LinkBacks
انا جيت بورتلاند قبل شهر مع زوجي و إبنتي و حاسه بالإحساس اللي فيك...
أول شي لا تشيل هم المدينة المدينة نفسها حلوه و أهلها مرررررررره مررررررررره طيبين و خدومين من غير ما تطلب منهم....كلهم مبتسمين دايما و مريحين من جد...انا مرره هادا الشي حبيته فيهم...
بالنسبه للمعهد انا فيه حاليا و حنقل منه بعد شهر عل معهد جامعه الPSU ....شوف بصراحه المعهد مو سيء للدرجة دي بالعكس انا أشوفه معقول ما أعرف كيف لو شفت غيره أقدر أحدد مستواه كيف بس والله حرام مو سيء للدرجة اللي بيتكلموا فيها بس برضو انا ما أقدر صراحه أحدد لك بالزبط...يعتمد مستواك كيف أساس في اللغه...انا الحمدالله مستوايا كويس فما عديت على المستويات حق المبتدئين و انا اللي أعرفه إنه كويس في التأسيس للمبتدئين و يعتمد كتيييير كتييييييييير المدرس أو المدرسه اللي حتاخد معاهم الكلاسات....هوا المعهد فرعه في جامعه إسمها كونكورديا يونيفرستي...جوها حلو الصراحه و رايقه جامعه وسط غابه سبحان الله...حتشوف بنفسك...بالنسبه للسعوديين اللي فيه مو مررره كتير أبدا مو زي ما توقعت انا في مستوايا ولا أحد سعودي
بالنسبه للسكن في شقق سكنيه مرتبه هنا يكون نظامها شقه أو إستديو مفروش سجاد و فيها الأجهزه فرن و ثلاجه و ميكرويف و غساله ملابس و دولاب المطبخ....و إنت تجيب الأثاث الباقي سواء تشتريه أو تسأتجره بالشهر...بالنسبه لإيجار السكن حسب نظام المجمع اللي حتسكن فيه بعضهم أوكي بالشهر و بعضهم أوكي بال3 شهور على حسب بس كل ما تقل المده يصير السعر ألغى حتى لو إستمريت معاهم خلاص حيحاسبوك بالسعر اللي إستلمت الشقه فيه...شي تاني تفرق الفتره اللي حتجي تسكن فيها على حسب إذا موسم حتكون اغلى....يعني في الأخر مافي شي ثابت...نحن مستأجرين شقه غرفه و صاله و حمام ب1096 و جارنا بالشقه اللي جنبنا أخدها في حدود 900 عشان وقته غير وقتنا...
إنت لا تشيل هم شي كله من المعهد ممكن يزبطوا لك هوا حكايه السكن سواء لو تبغى مع عيله أو ممكن أدلك على شقق تشوف فيها الأسعار بس ترا عموما ما حتقدر تسأجر إلا لما تجي لأنهم ياخدوا صورة من الجواز و فلم هندي مررره الإيجار عندهم مو زينا أفتكر لما جيت أسأجر جلسنا ساعتين عشان نوقع في أوراق العقد...مررره معقدين...و إذا تحب تروح عند عيله و انا أشوف هادا الأفضل في مسؤوله في المعهد عن سكن الطلاب سواء في سكن الجامعه او عند عيله تزبط لك الموضوع...كل الكلام دا حتعرفه في أول يوم في المعهد...
بالنسبه للمواصلات في المدينه من أحلى ما يكون من جد أتندم يا ريت عندنا كدا....كل شي تقدر تروحه بالباصات و بالماكس(زي القطار سريع له محطات و وقفات معينه و كل ماكس له لون و خط سير خاص بيه ينقلك في أرجاء المدينه و يوصلك أحيانا لمدينه تانيه مررره فكرته حلوه و له توقيت معين) و الباصات نفس الشي لها وقفات معينه و لها توقيت معين...و ما راح تتوه و تجلس تحفظ الأوقات...كل الحكايه موقع عل الإنترنت بقولك متى الماكس جاي و متى الباص جاي...نحنا عيله و إعتمادنا كله عل الموقع دا...و أساسا عند الماكس و عند الباصات أحيانا في شاشات تقولك كم باقي وقت عشان يجي أنا إذا مره في رقم تتصل عليه و يديك متة موعد الوصول...ترا الناس هنا كلهم يبقضوا مشوايرهم كدا لا تحسب الناس كلهم عندهم سيارات زي عندنا في السعوديه....
عموما انا عارفه إنه مررره كلامي كتير و طولت بس بجد مررره أبغى أفصل لك قد ما أقدر عشان تستوعب و إيش ما قلت مو زي لما تشوف بعينك...إنشالله تكون فهمت من كلامي...و إذا عندك إستفسارات تانيه الله الله يحيك إذا وقتي سمح لي...