تقرير الحمدلله وصلت لوس انجلوس (ويست وود)

ما شاء الله والحمد لله على سلامك ..
كيف الجو هناك وبالنسبة لخط التلفون رأيك آخذ من شركة AT&T وكم سعر الباقة المفتوحة (مكالمات وانترنت)عندهم و bank of america ناوي أفتح عندهم حساب بإذن الله لما آصل لأنه واسع الإنتشار وبالمناسبة اللي حاب يسكن مع عائلة هناك أسعار العوائل عندهم 850 دولار مع وجبتين فطور وعشاء وبدون وجبات 750 دولار .
وبخصوص الباصات سمعت إن عندهم إشتراك شهري بـ 60 دولار أتمنى تفيدنا بخصوص ذلك .
الله يعطيك العافية أخوي وإن شاء الله جاي لوس أنجلوس في 17 سبتمبر والدراسة معك في 26 من هالشهر وعسى الله ييسّر أمورنا أجمعين .

الحمدلله على السلامة اخوي ابو عشرين ..

أخوي تكفى قولي على عنوان السكن عشان لا وصلت المطار اعطيه التاكسي وابي غرفة لحالي مو مشتركة كم سعرها ؟ وكم الضمان او الديبوزت وهل قريبة من معهد يو سي ال اى ؟ تكفى اخوي والله شايل هم السكن واول يوم ..

هلا اخوي كشكول كيف حالك الف حمد لله على سلامتك ارسلك خاص شكلك مانتبهت لرسالتي..

هاه بشر كيف الاجواء باين انك مرتاح الله يوفقك ويسهل عليك..

اناجيت تجسير علشان القبول في ucla قالوا جب شهاده بنكيه ب 20 الف دولار وان شاء الله بنجيب لك قبول في خلال 20 يوم انا احسهم مطولين ايوه بعد قالوا بياخذون 100 دولار حقهم علشان القبول انا عندي بعض الشغلات ودي اخلصها وبمر البنك بجيب شهاده بنكيه لاني بجي على حسابي دوره لغه بس مدة 6 شهور وانت السبب الاول في توجيهي لمعهد الجامعه هذي ودي ادرس فيها سمستر واحد وبعدين اشوف لي صرفه..

لاتطول علينا نبي موضوعك يثبت وكلنا وش يصير معك اول باول...

اخوك الشمالي وفي روايه مزعج كشكول..

ما شاْ الله أخوي مبروك والله يوفقك وييسر أمورك على أكمل وجه.

أنا كم يوم وأكون عندك إن شاء الله بالويست وود وأيضا في معهد ucla فالله ييسر.

لكن عندي بعض الاستفسارات

ماتشوف إنك رايح بدري جداً على الدراسه .
وياليت تكتب لنا الاجراءت بواشنطن وهل استقبلتكم الملحقية ووين سكنتوا وكيف تسجيل العضوية علطول ولا كيف ، لأني أسمعهم يقولون النظام فيه مشكلة.
وكيف الجو بواشنطن أولا وبلوس انجلس ثانيا يعني ألبس صيفي عادي.
ما سئلت عن سكن المعهد ولا ما رحت تشوفه((لأني أخطط عليه صراحة

ومشكور أخوي .

هلا والله ، الله يسلمك
الجو حر بالنهار يعني العالم شورتات ، وبالليل الجو حلو بس لو كنت من النوع اللي يبرد بسرعة يبيلك شي ربيعي مثلا بلوفر

AT&T احسن شبكة وبتطلع لك كامله للو تبيها مع بلاك بيري ب ٩٤ دولار وبدون بلاك بيري ٨٤ دولار وبالنسبة للانترنت المفتوح وقفوا هالشغلة وصار بس ٢ جيجا

والباصات مادري عنهم وماجربتهم وما اعتقد اني بجربهم بهالفترة

توصل بالسلامة

الله يسلمك …
ابشر بعطيك العنوان بس خلني اتأكد لك من صاحبة السكن لو كان عندها غرف فاضية باماكن ثانية لان البيت اللي انا فيه مافيه غرفة فاضية

اهلييييين ، لا تشيل هم دام الموضوع واقف على الظمان البنكي اجل الامور سهالات وان شاء الله نتقابل بامريكا
وحشا لا ابد ما ازعجتني ، انا بالشوفه يطول لي بعمرك

الله يبارك بحياتك ، امين امين امين واجمعين

ايه رايح بدري عشان ارتب نومب واعرف البلد واحتياط يمكن ما يعجبني السكن وابي اغيره
اجراءات الملحقية مادري عنها لاني مارحت ، انا دايركت لوس انجلوس
الاجواء بلوس انجلوس حترة بالنهار ولفحة هوا بالليل يعني بالليل يبيلك بلوفر
سكن المعهد غير انه مشترك بيكون اغلى من السكن برا المعهد هذا اول شي اما ثاني شي واللي هو الاهم ان السكن لطلاب الجامعة فقط وما يفتحونه لطلاب المعهد الا بالصيف فقط

خوينا طول علينا دفتر وينك..

الله يعافيك نبي تشوف لنا المعهد وش وضعه لازم ترد علينا ظروري..