خدمه للقادمين الى دنفر

مشكور اخوي حفيد الشيوخ وانا رسلت لك الرسالة على ايميلك واتمنى تقراها وترد علي ضروري

السلام عليكم

يخوي حاب استفسر بس حاجة عن جامعات دنفر (او كولورادو بشكل عام) هل الدراسة الجامعية فيها صعبة؟ وايش الجامعات اللي قوية في الهندسة شاكرين لك على تعاونك واتمنالك التوفيق في الدراسة

يا اخوي دقيقة بس من وقتك شوي
انا بدرس في معهد الديو
و عندي ولد و بنت بحطه في المدرسة ياليت تفهمني الوضع
المعهد يبدأ الساعة 8 و نص و ينتهي تقريبا 5
كيف راح يكون دوام المدارس الابتدائية
هل يمديني اطلع اجيبهم و لا كيف الوضع بالله عليك

ياحبي لكم مررره شكرا


بس عندي مرافقي الدلخ هذا ( اخوي ) مب دارس معي ولا شي بيروح يحطني ويشوف أموري ويرجع ولا يبي يقعد أكثر من شهر بس اسبوعين ويمكن أقل ويرجع للرياض ، هذا وش نوع فيزته؟ F2 ولا فيزا سياحة عادية؟

والملحقية هل يهمها نوع فيزا مرافقي ولا لا ؟

لاني خلاص في 29 ماي لازم اكون بدنفر

وبعدين ابي اتعرف على صديقات من الحين لاني بوسوس لحالي ويمكن اخش مستشفى امراض عقليه هناك لاني من الحين وانا احس بقلق وخوف

وفيه بعد شي

شلون ادل المعهد ؟؟؟ ما أدل بيتنا بالرياض والحين صار لازم ادل معهد بامريكا ...

اسمح لي ارد عليك بناءا على خبرتي المتواضعه .

اذا حاب تعرف افضل الجامعات في مجال الهندسه ، يجاوبك عليه موقع التعليم العالي : الجامعات الموصى بها

من شريط البحث باليمين : تختار الدولة " أمريكا"
اسم الجامعة خله فاضي
نوع الجامعة خله فاضي
وضع الجامعه خله فاضي
اسم التخصص: حط اسم تخصصك الي تبيه باللغة الإنجليزيه وتاكد من صحة الاسبلنق لأنه بيفرق معه بنتائج البحث
الدرجحة العلميه : مدري عاد تبي بكالوريوس ولا ماستر حط الي تبيه
وفي الأخير اضغط بحث


تطلع لك اسماء الجامعات الي فيها تخصصك ، وانت عاد اختار على حسب الجامعة بأي ولايه رح اقرا عن الولايه خذ معلومات عنها اذا عجبتك اعتمد وااذا لا شف غيرها .

هذا الي اعرفه والله اعلم

الفيزا حقته تكون سياحيهb1-b2
وانا بعد بدنفر اذا ربي يسر وتمت اموري<يارب
وموعد دراستي 25-5
مره قريب
ان شاء الله نكون صديقات ونعاون بعض..

هلا فيك ...
وتوصلون بالسلامه يارب ...اما بالنسبه لاخوك تكون فيزته سياحيه ...والملحقيه ماعليها من هذا الكلام بس بشرط انه يجيب اثبات انه ماعنده عمل ...عشان تسفيدي من مكافته ...وان شالله ماراح تفطشي هنا وراح تحصلي لك صديقات يعاونك بالغربه ...لاتشيلين اي هم ..نتمنى لك التوفيق واي خدمه مستعد

هلا فيك اخوي ..
بالنسبه للمدراس تختلف من مدرسه الى مدرسه بعضهم يطلعون الساعه 3 وبعضهم 4 ...وبالنسبه لمعهدك ماادري هل هو يسمح لك بهذا الوقت ان تخرج او لا ..لانه لابد من حضورك شخصيا لاستلام اولادك....نتمنى لك التوفيق واتمنى انني تفدتك واي خدمه من عيوني

هلا فيك اخوي ...بالنسبه للجامعات في كلورادو ...جامعات قويه وحلوه والدراسه تعتمد عليك انت ...لكل مجتهد نصيب...والمدرسين يختلفون فيهم الطيب وفيهم الشديد ....واما بالنسبه لاقوى الجامعات في تخصص الهندسه صراحة لااعلم عن ذلك ...ونسال الله لك التوفيق واي خدمه من عيوني