خدمه للقادمين الى دنفر

الاخ الكريم.
زي مقال الاخ المراقب.
كثير طلاب أنضمو في معاهد متكدسه. هذا لا يعيق انضمامك. واصل وبالتوفيق.

- - - مشاركة محدثة - - -

نعم مقفله للتكدس. والمعاهد كلها سعوديين. وين ماتروح كلهم موجودين. الله يحفظهم والله يحفظ ملكنا. ليس عائق وجود اي طالب سعودي لتعلم اللغه. اللغه اجتهاد شخصي. بالتوفيق. اخوي. وأي خدمه مستعد.

موضووووووووع رائع
وماشاء الله وصلت 26 والناس تفيد بعض
باطرح عليكم وضعي
باقدم ع المرحلة الثامنة .. عندي طفلين 5 سنوات و 7 شهور
زوجي بيكون معي مرافق باذن الله
باقدم ماستر علوم حاسب
اسئتلي:
1 زوجي تخصصه لغة فارسية<< تتوقعون يسون لنا مشاكل
2 لو بينضم زوجي للبعثة وش التخصص الي يمكن يقبله؟؟
3 كيف الحضانات هناك؟؟؟ هل هي كويسة؟؟ لاني احس اكثر شي شايلة همه اني احط طفلي ف حضانة وامشي..صعبة..هل هي امنة
4 الحين ولدي الكبير السنة الجاية راح يكون ف اول ابتدائي .. فيه مدارس سعودية هناك؟؟؟ قريت ان فيه مدارس اسلامية.. كيفها ..هل هي قوية..؟؟
5 كيف المعيشة هناك بصفة عامة للعوايل... هل هي مكلفة والمكافاة راح تكفي والا لا؟؟؟
6 هل الولاية باااردة؟؟ اكره البرررردددد...
7 المواصلات متوفره .. مايحتاج نشتري سيارة...؟؟
8 الي بفيدني يحط اسم المدينة ^_^
تكفووووووووووووووون افيدوني
وجزاكم الله خير

الاخت الكريمه.
اولا. نسال الله ان يوفقك ويكتب لك اللي فيه الخير.
بالنسبه لتخصص زوجك ما عنده اي مشكله. هو طبعا يجئ راح يدرس لغه انجليزيه وخلالها سنه اللغه يجيب له قبول في التخصصات المعتمدة لدي الملحقيه. ومن ثم يرفع له طلب وتتم الموافقة اذا كان وفقا لتخصصه. بس نظرا لان تخصصه مختلف ومافي شي يوافقه يتساهلون في الامر. هذا.
بالنسبه للحضانه. طبعا كويسه. عندهم اهم شي الطفل. يعني حطي ولدك واودعيه الله. وما راح يجيه اي شي. لاتخافين ابد من هالناحيه.
بالنسبه لولدك. احسن شي يدرس في مدارس أمريكيه. مجانا. يتعلم لغه ويستفيد. واكثر السعوديين مسووين كدا. ويوجد مدارس أسلاميه. بس ما عندي عنها اي خلفيه.
المعيشه حلوه والسكن متوفر وسعره في متناول اليد. والمكافأة تكفي. بس اللي يقص الظهر الحضانه. شهريا للطفل الواحد 600 دولار وهاذي اقل حضانه.
وبالنسبه الولايه بارده شتاء. موووووووووت. بس متعه مع الثلوج. والصيف جوه مرررره حلو. طبعا أتكلم عن دنفر. وبالنسبه للمواصلات. لابد من سياره. وخصوصا لأنكم عائله لازم من وجود السياره. وكل كلامي هذا عن دنفر. وبالتوفيق. واتمنى انني أفدتك. وأي خدمه مستعد.

- - - مشاركة محدثة - - -

سلام عليكم اخي بسالك عن جامعه دي يو من ناحية الصعوبه والسهوله بالقبول؟ تخصصي علمي اكيد جي ار اي بس الجامعه تابع لها سكن ؟ اوقريب منها

وعليكم السلام.
جامعة الدي يو. قويه وصعبه في دراستها وايضا في قبولها. وأكيد راح يطلبون جي أر ي. وفيه سكن قريب منها ويتبع لها. وكثير عمائر قريبه منها ولاتتبع لها. منطقه منتعشه حلو الجامعة. وبالتوفيق. واتمنى انني أفدتك.

السلام عليكم ورحمة الله وبركاته

عندي كم استفسار اخوي ولاهنت

1: جامعة مختصة بـ هندسة ميكانيكا ؟
و هل يوجد معهد تابع للجامعة ام لا ؟

وياليتك تعطيني نبذة عن الاماكن الترفيهية و حالة الطقس بشكل عام ؟

وجزاك الله خير اخي

اخوي الغالي حفيد الشيوخ ....,

عبيت نموذج ds160 ويوجد احد الاسئلة هل لديك مؤهلات بعد المرحلة الابتدائيه فكتبت الثانوي مباشرة دون ما اكتب المتوسط والثانوي والجامعي

فارسلت لهم على الايميل بهذا الخطأ والتوضيح وش اسوي طيب الان رغم اني فقط دفعت 45 قيمةالموعد والباقي ما سويت فيه شي

السلام عليكم
هل جامعة كلورادو دنفر متكدسة ؟؟ University of Colorado

ومارايك بالمعهد التابع له هل هو قوي وممتااز حاب ادرس هنااك Spring International
http://www.spring.edu/

هلابك اخوي.
والله مدري هل هم يدققون في الأخطاء هاذي والا عادي. سوف اسأل وان شالله ارد لك خبر

وعليكم السلام.
نعم الجامعة متكدسه لبعض التخصصات. وممكن ان تدخل علي موقع بوابة الطلبه المبتعثين. وتدخل للجامعات الوصي بها. وتشوف التخصصات اللتي مقفله وبالنسبه لمعهد السبرنق لاباس به. وهو معهد جيد. وبالتوفيق وانا أخوك. وأي خدمه أنا حاضر.