خدمه للقادمين الى دنفر

اهلا وسهلا اختي

فيه عندك تخصصين بس كلها ماهي تحت الكمبيوتر ساينس
عندك دا التخصص formation and Learning Technologies تحت الاديوكيشن
Information & Learning Technologies | School of Education and Human Development | University of Colorado Denver

وفيه information system تحت البزنس بس دا ما انصحك فيه كل اللي اعرفهم يدرسوا دا التخصص متغلبين فيه وكلهم يقولوا القسم صعب لانه تحت البزنس
Information Systems | Business School | University of Colorado Denver

اذا انتي حابة تكملي في مجال الكمبيوتر فليش ما تدخلي كمبيوتر ساينس في جامعة كولورادو دنفر جدا رائع والدكاترة الحمد لله مرة متعاونين

وبالتوفيق

السلام عليكم ورحمة الله وبركاته اتمنى ان احد يفدني وجزاه الله الف خير انا انقبلت في هالمعهد في دنفر Bridge-Linguatec Intensive English Program< وحتبدا دراستي في 1-10-2012 فحابه استفسر منكم ان انا وزوجي لغتنا الانجليزية بسيطة ومانعرف احد في دنفر ولا ااعرف كيف السكن وهل يوجد سكن قريب من المعهد وكيف الاسعار ارجوكم ساعدوني وممكن اعرف كيف حتكون الرحلة من السعودية وكم ساعة لحد مانوصل دنفر وهل لازم نروح الملحقية اول حاجه في العاصمة ومتى موعد صرف المكافات الشهرية باي تاريخ يعني بالزبط بالميلادي

مشكورة اختي
والله عارفة ان CS حلو بس ع بال ماخلص دراسة الا فيه مليون وحدة متخرجة من هذا التخصص..وبكذا باتعب اذا دورت لي وظيفة

سمعت اني لو اخذت information system اللي تحت البزنس مو كويس زي الي يدرس الي متخرجين من الحاسب فقط...لانه يجمع بين تخصصين وبكذا ماراح يكون اكثر تعمق في التخصص زي IT الي يطلب خريجين حاسب فقط

من خلال بحثي لقيت تخصص اسمهThe Information and Communications Technology (ICT) master's degree

شوفي لي الرابطInformation and Communications Technology master's degrees online University of Denver, University College

مدري هل فيه فرق بين بينها وبين اIT

ودي اعرف المتطلبات لدخول البرنامج ولا حصلته...
ممكن تساعديني؟؟

في دا القسم عند كم تخصص
Database Design and Administration
Geographic Information Systems
Information Systems Security
Project Management
Software Design and Programming
Technology Management
Telecommunications Technology
Web Design and Development


لو فرضنا انك اخترتي الداتا بيس
حنطلعلك متطلباتها
Database Design and Database Administration degree and online program University of Denver, University College

بس استفسري اكتر عن تخصصك في دي الجامعة
لانها جامعة خاصة ودراستها جدا صعبة في اغلب التخصصات خصوصا الهندسة والحاسب
بقولك دا الكلام لانه وحدة اعرفها كانت تدرس فيها وحولت على جامعة كولورادو وقالتلي انه الجامعة جدا صعبة لانها تبغى ناس مرة فاهمين ولانها خاصة اغلب اللي طلابها مبرمجين وناس محترفين من شركات
وسمعت دا الكلام من كذا طالب عشان كدا انا قدمت في جامعة كولورادو مع انه كان عندي قبول في جامعة دنفر

والحاسب من زماااااان الناس بيدرسوه برا لكن لسه الطلب عليه موجود
وحيفضل الطلب عليه موجود ولا ما كان حطوه ضمن قائمة التخصصات في برنامج الملك

وعليكم السلام ورحمة الله وبركاته
بالنسبة للمعهد ما اعرف شخصيا طلاب درسوا فيه وما اقدر افيدك بمكان السكن
بس بالنسبة للاسعار فحتلاقي جميييع الاسعار على حسب مكان السكن ومميزاته واذا هو قديم ولا جديد وكدا يبدا من 550 وانتي طالعة
بالنسبة للرحلة من السعودية لدنفر تقريبا 13 ساعة وتختلف من خطوط لخطوط بس غالبا تكون في دي الحدود مجمل ساعات الطيران
افضل خطوط عندك دايركت على دنفر مع واحد ترانزيت اللوفت هانزا (الالمانية) والبريطانية
من جدة الى المانيا 4 او 5 ساعات تقريبا ومن المانيا لدنفر 9 ساعات تقريبا
ونفس الشي بالنسبة للبريطانية
الملحقية ما يحتاج تعدي عليهم لانه كل شي صار اون لاين
موعد صرف المكافاة ينصرف بالعربي مو بالميلادي زي الرواتب في السعودية

وبالتوفيق

اشكرك على التواصل معي بس بالنسبة لفتح الملف حيكون اون لاين ايضا

ايوة كل شي اون لاين

اختي كمبيوتر قيرل
جزاك الله خيررر
من جد افدتينا
طيب ممكن اسالك علوم الحاسب من شروطها انك تكوني متخرجه من حاسب برضو... والا عادي اقسام ثانية تدخله
لان قد سمعت انو لو يدخلون ناس ثانين مايصير متعمق زي الي يطلب خلفية حاسوبية>>> يالله طلعت
ومررره شكرا والله ييسر دراستك يااارب

العفو ودعواتك ربي يسهلي اموري
لا عزيزتي ما يحتاج يكون البكالوريوس علوم حاسب لانهم ببساطة ماراح يخلوكي تبدأي الماجستير الين تاخدي كلي المتطلبات اللي تحتاجيها عشان تمشي تمام في القسم
وبالتوفيق

انا الحمدلله متخرجة علوم حاسب بس الي مدوخ راسي شوي هو ليه CS تحت الهندسة؟؟؟ ليه ماعندهم كليات حاسب لحالهم...هل كل امريكا كذا لاني كم جامعة ادخلها اشوفهم ضايفينها تحت الهندسة..
وفيه دكتورة ف الجامعة نبهتني اني ماادرس ماستر الا لمن اتاكد ان متطلبات البرنامج تتطلب خلفية حاسوبية لان فيه ماستر يسمح لطلاب الادراة يدرسون فيها... اتوقع يصير فيه خليط بين القسمين مو زي اللي يتخصص بالعميق حاسب ...فهمتي علي؟؟
طيب معليش تعطيني متطلبات جامعتك؟؟؟
والله يوفقك ... والله دعيت لك اليوم وانا صايمة ... الله يتقبل...