مساعدة قبول من معهد UCLA

هلا اختي

انا دراستي تبدا في 9 يناير بقولك كيف جبت القبول بالتفصيل..

بديت في الاجراءات منتصف سبتمبر اول شيء حجزة موعد في السفاره في 5 اكتوبر مريت على مكتبين الاول قالي انا عندي معاهد محدده مااقدر اجيب اللي تبي وانا كنت محدد ucla الثاني بياع كلام قالي بجيب لك القبول خلال اسبوعين الا 3 بالكثير..

المهم طلب اوراقي وقالي ابي 200 دولار علشان اعبي الابليكيشن حق المعهد قلت هذي 200 مع ان المعهد يطلب 150 دولار بس طبعا ال 200 دولار تساوي 750 ريال هو اخذ 800 قلت مو مشكله مو فارقه مدام رايح على حسابي..
بعد اخذ 500 ريال علشان يقول اتعاب المكتب علشان اجيب قبول قلت اوكي مو مشكله هذي 500
بالنهايه اخذ مني 1300 ريال على انه يجيب لي قبول مر الاسبوع الاول مافي اي اتصال منه الاسبوع الثاني ولا شيء يوم جاء الاسبوع الثالث وقرب موعدي في السفاره اونا اشب عليه كل يوم اتصال اتصال وابو مصير يقولي استنى شوي ماجاني رد من المعهد بالنهايه انا راسلت المعهد بالايميل تدرين وش صار..

ارسلوا لي ايميل قالوا فيه اننا مرسلين الاي توني من اسبوعين وهذي رقم الارساليه بالدي اتش ال رحت لهم واستلمت الاي توني..

كلمت المصري قلت هاه وش صار على قبولي قالي لسى ماردوا علي عاد انا وصلت معي وعلى طول اجيه المكتب وارمي الاوراق في وجهه واقوله هذي وشي قال الله جبت دي من فين قلت راسلت المعهد انت وخشتك قال ليش تراسلهم انت كدا راح تخليهم يبطلوا يتعاملوا معانا قلت تبن في وجهك وانا وش ذنبي القبول جاي له اسبوعين وانت ماتعبت نفسك وماخذ 1300 ريال على اي اساس..

الخلاصه اذا عندك احد لغته كويسه يعبي لك الابليكيشن وتسددين رسومه بالفيزا 150 دولار وراح يجيك القبول اسرع واسهل لك..

لو حبيتي اي استفسار بخصوص التسجيل والابليكيشن لايردك الا خشمك.

ولو تبين اعبيه لك انا ب 500 ريال وش معنى المصري ياخذ 1300 وانا لا لا عاد امزح..

المهم اي شيء تبين اكتبي وانا حاضر باللي اقدر عليه انا الحين اراسل واحد يدبر لي عائله ويقولي في 10 ديسمبر راح يخيرني في 4 عوائل..

مشكور اخ الشمالي.. بس انا ادرس في معهد جامعة CSUDH وابا اسوي تحويل لمعهد جامعة UCLA
يعني ابا اسوي تحويل للمعهد لو عندك اي معلومات تفيدني بيها اكون شاكرة لك

الشمالي .. مبروك مبروك

وأخيرا خلصت امورك وبتنورنا بلوس انجلوس

طيب يا جماااعة هل هو مقفل من الملحقية والا لا ....؟
بصراحة اشوفه افضل المعاهد ..

الحمد لله وانا بعد التوكل على الله اخذت بكلامك والله يسهل الامور..

تصدق عاد اني اغليك وانا مااعرفك زين..

الا على فكره وش اخبار المعهد انت من رحت ماقلت شيء عنه ولا عن اخبارك هناك..

على فكره واحد من الشباب عطاني ايميل واحد يبي يضبط لي سكن عند عائله قريب من المعهد ب 800 دولار بالشهر احسه سعر خقق..

المهم لاتنسى تكلمنى عن المعهد وعنه طريقة التدريس والطلاب السعوديين هناك..

مشكور اخوي الشمالي والله يوفق الجميع انشالله
وشكرا على المعلومات المفيدة وانشالله بشرفكم في المعهد لو جاني القبول

الله يحييك انا بداية دراستي 9 يناير.. وان شاء الله رحلتي على الخطوط السعوديه في 28 ديسمبر..

طيب يااخوان بعد ماعبي الابلكيشن .. ارسله لهم بالفاكس مع المبلغ او انتظر يوافقون بعدين ارسل المبلغ ؟؟
وممكن اعرف الكورسات لسنة 2012 متى تبدأ ؟ او هم ممكن تدخل اي اسبوع هناك لان ماحددت موعد سفري ان شا الله ؟
وممكن اعرف اقرب الفنادق والشقق حولين المعهد ؟

وشكرااااا