معلومات شاملة عن معاهد سان دييغو

زين المعهد Ali وش رايك فيه الملحقين تصرف عليه ولابعد مقفلينه

السلام عليكم و رحمة الله و بركاته

كيفك أخوي مجنونها ؟
بخير يامال الخير
بصراحة يعجبني اسلوبك و حبك في مساعدتك غيرك !
تسلم حبيبي وتحت أمرك وأمر الجميع فيما نعلم عنة ولن نبخل في اي معلومات تفيد الجميع والأخ محروم ماقصر وفى وكفى في ردة لك في موضوعي الآخر ومع ذلك سوف ارد عليك مرة أخرى وان شاء الله تلاقي الجواب الشافي اللي يسرك
أنا حاب اسئلك كم سؤال و يا ريت انك تفيدني
لأني راح أمشي على كلامك بإذن الله

علشان تكون الصورة واضحه

أنا الحين طالب مبتعث في احدى الدول العربية و هي الأردن
و حابب بإذن الله اني اسوي ترقية بعثه و اغير وجهة الابتعاث الى اميركا
و تحديداً ولاية كالفورنيا في مدينة سان ديغو

خلال بحثي قررت اني ادخل جامعة SDSU
و الي هي SAN DIEGO STATE UNIVERSITY

قرئت في موضوعك ان المعهد التابع للجامعة تم ايقافه بسبب تكدس الطلاب
و ان افضل المعاهد اوقفت ايضاً !!

طيب ايش في معهد يكون كويس من ناحية موقعه و قربه من اماكن السكن و فائدته للطالب ؟
و انتم من فين تعرفون اذا المعهد هذا موقوف او لا ؟

بالنسبة للمعهد فهو بالفعل مقفل لتكدس الطلاب حيث العدد الآن يصل تقريباً لأكثر من 350 طالب وطالبة من السعودية ، بالنسبة كيف نعرف فعن طريق موقع الملحقية أو موقع سعوديين في أمريكا أو موقع الوزارة المحدث بأستمرار . بالنسبة للمعاهد الأخرى التي ننصح فيها فأفضلها معهد ELI التابع لجامعة UCSD في منطقة لا هويا بساندييغو ولكن منطقتة غالية مقارنة بباقي مناطق ساندييغو لانها منطقة سياحية ومن أفضل مناطق كالفورنيا عامة وساندييغو خاصة .

اذا ما عليك امر
يا ريت بالله ترشدني على الي اسويه
لأني ناوي اني اسوي ترقية بعثه

فمحتار اي معهد اختار بالضبط
و يا ريت المعهد ما تكون موقفته الملحقية

و هل قبول الجامعة يكون مشروط ؟
و هل للجامعة علاقة بالمعهد ؟

بالنسبة لمعاهد ساندييو فهي للأسف كلها سيئة ماعدا معهدين انت ذكرت واحد وانا ذكرت الآخر ولكن فية معهد ثالث يعتبر افضل البقية وهو معهد ELS ساندييغو ، بالنسبة لأغلب جامعات كالفورنيا مثل ماذكر اخونا محروم فهي لاتعطي قبول مشروط لدرجة الماستر ، ولكن للبكالوريوس تعطي قبول مشروط ولكن أغلبها تطلب من الطالب الدراسة في معاهدها التابعة لها ، على العموم في مدينة ريفر سايد ومدينة سان برنردينو وجميعها في ولاية كالفورنيا وتبعد بالسيارة عن ساندييغو تقريباً ساعة ونصف وربما اقل والمدينتين صغيرة وارخص بكثير من مدينة ساندييغو وجامعاتها باسم المدينة نفسها ولها معاهد تابع لها ومعاهدها قوية فياليت لو تحاول الحصول على قبول منها .

و هل تعتقد انه ممكن تفتح المعاهد القوية من جديد خلال الاربع شهور القادمة ؟

الله أعلم وحدة ولكن من واقع خبرتنا في هذا الموضوع ما اتوقع ذلك خلال هذة السنة ، ولكن بالنسبة لك أنت فحاول ربما بما انك في دولة أخرى ولست بأمريكا وموضوعك عن طريق الوزارة او عن طريق الملحقية الثقافية في الأردن فأن شاء الله ماراح يدققون في موضوع المعهد من ناحية انة مقفل من عدمة وممكن يمشونها لك ولا يدققون .

أرجوك أخوي مجنونها انك تفيدني لاني بأمس الحاجه للإجابة على اسئلتي !!!!

الله يوفقك في الدنيا و الآخرة !!!!!!!!!!!

أنا بإذن الله بجيب قبول مشروط من جامعة SDSU
و بسجل في المعهد التابع لجامعة UCSD

خوفي اني اسوي طلب ترقية بعثه على المعهد التابع لجامعة SDSU
و ينرفض طلبي -_-" تقصد تحويل وليس ترقية بعثة انت ترغب في التحويل من معهد لآخر وهذا الشيء الآن في الوقت الحالي موقف من الملحقية لأن المعهد اللي تبي تنقل لة او تحول لة متكدس طلاب سعوديين

على العموم
هل المعهد الي اخترته و الجامعة الي اخترتها في نفس الموقع تقريباً ؟
لاني حاب اني استقر في مكان معين ..