شباب الي يعرف عن سياتل في واشنطن

وعليكم السلام
اخوي انا لسا ما رحت لسياتل بتبدأ دراستي بعد شهرين ان شالله لاكن عندي معلومات بسيطه ممكن أفيدك بحكم اني سألت ناس راحو امريكا وسويت بحوثات كثير في النت سياتل مدينة جدا جميلة وفيها طبيعة خلابه وبالنسبه لوضع المدينه من حيث الامان تعتبر امنه هاذا الكلام من ناس في سياتل لاكن في موقع أمريكي مسوي ترتيب ل 315 مدينة امريكية من حيث الامان والخطورة اخذت سياتل الترتيب 227 لموقع مهو مصنفها من المدن الامنه مصنفها من المدن متوسطة الخطورة تقريباا وهاذا الرباط Morgan Quitno's 6th Annual Safest City Award in Safest Rank Order وبالنسبة لشعبها الشعب جدا طيب وراقي ونسبة السود قليلة جدا وأغلب السكان من أصول أوربيه ثم الأصول الأسيويه وبالنسبه للمعهد انا انصحك تدخل معهد يكون تابع للجامعه أفضل من انك تدخل معهد تجاري لأن قبولك يكون مضمون حتي ولو ما جبت التوفل بشرط انك تجتاز مستويات معينة وغير كذا الدراسه أقوى في معاهد الجامعات وغير كذا سياتل فيها جامعات قويه اما بالنسبة للغلاء فتعتبر فوق المتوسطة وبالنسبة للملحقية ما يحتاج انك تروح تروحلها تقدم في النت وانت في سياتل . أي استفسار انا حاضر والله يوفقك

وعليكم السسلآم ورحمة الله وبركــآته .,

أخوي اللي قبلي ما قصر الله يجزاه خير , بس فيه بعض المعلومات ماهي دقيقه ,
سيياتل مدينه جميله والمواصلات فيها تعتبر ممتـآزه , اما من ناحية الأمـآن انا أشك في الترتيب هذا , انا شايف انها آمنـه ولله الحمد ولكن الشخص لازم يتوخى الحذر في اي ديره,
انا سمعت انه فيه موقع ثاني مقيمها على انها من اوائل المدن الآمنه في امريكا بس ما أدري وش الموقع الصراحه مجرد خبر مو أكيــد
وبالنسبه للسككـآن فيه من اصول اوروبيه زي ما قال اللي قبلي , بس الآسيوين مشكلين نسبه مئويه كبييره ( سكان كـ عوائل , طلاب جداً كثيرين ) أحيانا تحس انك في عاصمه شرق آسيويه > وهذا انا اعتبره عيب في المدينه
واما من ناحية المعاهد , مافيه معهد يضمن قبولك بالجامعه بمجرد انتهائك من اللغه , تنتهي من اللغه وتقدم على الجامعه زي أي طالب بشهادة ( توفل - آيلتس )
المدينه تعتبر شبه غاليه , لكن المكافأه تكفي وتزيد شي بسيط , اذا اقتصدت وخاصة ( بالأكل ) رآح توفر كثير

المعاهد كثيره :
1- معهد جامعة واشنطن ( اليوداب ) : معهد جيـد وسمعته قويه بس أعتقـد مستواه بدأ بالهبوط , عدد العرب كثيير ,
2- معهد جامعة سياتل باسيفيك : معهـد جييد , عدد العرب كثير , ما عندي معلومات دقيقه عنه
3- معاهد الكميونتي كولييج : فيه اكثر من فرع ( 1- النورث قيت ,2- ايدموند , ماني متأكد من اسم المنطقه , 3- بيلفيو ) معـآهد ممتازه وتدريسها قوي جداً وقليل فيها العرب , ويكثر الآسيويين طبعاً

يعطيكم الف الف عافيه انت والاخ الي قبلك .... ما قصرتو .. بس انا اهم شي المعهد الي ابيه العرب قليل فيه .....
بس ابسالكم انا متخرج من كليه ينبع الصناعيه تخصص هندسه كيميائيه .... ودراستي كانت كلها بالانجيلزي ... وفي واحد خويي قال جيب ورقه من كليتك ان درست بالانجليزي عشان ما يتشرطون عليك بالتوفل ... لان هو سوا كذا ودخل

ممكن افاده عنالحضانات للاطفال الي عمرهم سنه
لني مقدم عل معهد الكمونتي كوليج النورث

الشعب فرندلي , و المدينة تعبتبر غاليا نوعا ما و التاكس ما يقارب الـ9 و شوي . . التاكس يعتبر مرتفع مقارنة بالولايات الاخرى , الجو في سياتل دائما ممطر و مدينة جوها يميل للبرودة دائما بستثناء الصيف يكون معتدل . . السكن في سياتل يعتمد على المنطقة هناك النورث قيت و يعتبر من افضل المناطق و هناك مول و تستطيع انك تاخذ شقة بـ ما يقارب 900-1-1400 دولار استديو او غرفة واحدة . . و هناك بيلفيو منطقة التجار و الاغناء ربما تجد فيها هوم ستي ممتاز بيما يقارب 900 دولار . . و هناك منطقة الينفيرستي دستركت و ستتطيع انك تلقى لك شقق او شيرنق هاوس و الشيرنق هاوس دائما ارخض و اسعاره بين 400 - 700 دولار تقريبا . . طبعا انا ساكن بشيرنق في هذه المنطقة و هناك الداون تاون ما عندي فكرة مرة عن اسعارة . . الاسعار كلها بشكل تقريبي ممكن تلقى ارخص و ممكن تلقى اغلى.. نظام المواصلات في سياتل اعتبره جيد يميل الى الامتياز الباصات موجودة بشكل مميز و الباصات حالتها جيدة و كبيره ولو ان سعرها يعتبر غالي نوعاً ما ( دولارين و نص لـ تقريبا 4 ساعات ) لكن اذا كنت طالب في اليوداب راح يعطونك بطاقة باص بتكون عليك ارخص .. و بتوفيق لك ان شاء الله . .

صحيح نسيت معلومة مهمه عن سياتل ان الاسيويين ( الكوريين و اليبانيين و الخ .. ) موجودين بشكل ملحوظ سواء في المعهد او في الجامعة او غير ذالك .

اخوي فهد الله يجزاك خير .... بس معليش تقدر تعطيني ايميلك او حساب لك بالفيس بووك ابتواصل معك ... لو ماعليك امر اخوي

معلومات مفيدة ومختصرة الله يعافيكم

الله يخليك ويبارك فيك ما سوينـآ الا الوآجــب .,
اما موضوعك الثاني احتمال يكون صحيح , واحتمال بعض الجامعات تقبله وبعضها لا , انت جيبهـآ ان صابت الحمدلله وان ما ضبطت اختبر توفل وانتهى الموضوع ماهي مسأله صعبه ولا تخاف ولا تشيل همه