خدمات مجانية للقادمين الى فلاقستاف (NAU) (الفترة الثانية)

حبيبي الله يستر عليك ويوفقك باين عليك انسان راعي خير

ممكن تفيدني من ناحية معهد اللغة والجامعة انا تخصصي هندسة ميكانيكية انا دحين في مدينة سان ديغو

وابى انقل هل من مصلحتي ولا لا .. هنا البلد غالية و كل الشعب عرب مليييييت

تكفى هدا ايميلي لو تقدر تخدمني عن تفاصيل الجامعة وكم تطلب في الايلتس وهل قبولها سهل وكيف معهد اللغة حقها اكون شاااااكر لك

omar.m.b@live.com

يعطيك العافيه آخوي عزيز و جابك الله

اللحين انا قبولي علي السمستر الجاي بالجامعه وراح يبدى السمستر اذا ما خانتني الذاكره يوم ١٦

وانا محتار اللحين متى اجي و من ناحية السكن انا جاي معاي اخوي الاصغر مني و دورت شقق بكل مكان مافي فايده كلهم بعقود سنوية ولا يبغون سورس وانا جديد على امريكا فلو تقدر تفيدني

بريدي الالكتروني admin @ up-moon . com

اذا تقدر تضيفني و نتفاهم شوي على الاقل تعطيني صوره مبسطه اكون لك من الشاكرين

آخوك / قاسم

امين ويستر عليك . هذا من فضل الله سبحانه.

اخوي المدينه هنا صغيرة ومافيها اماكن ترفيه والسكن فيها يعتبر غالي. مافيها مطاعم او محلات عربية.
المعهد صراحه المناهج فيه كويسه لكن العيب في بعض المدرسين وكثرة السعوديين . يعني نقول 90 بالمية سعوديين.
الجامعه حسب ماسمعت من الطلاب اللي ف الجامعه انها مو ذيك السهله ولا ذيك الصعبه. اهم شي انك تكون متمكن من اللغة وتشد حيلك. اغلب الشباب اللي اعرفهم تخصصاتهم هندسة او بزنس.
انا عندي قناعة ان اي معهد لغة يعطيك 40 بالمية و 60 بالمية عليك انت ك طالب انك تخالط الامريكان وتحاول تطور لغتك قدر الامكان.
بالنسبة ياطويل العمر هل من مصلحتك انك تنقل او لا هذا مااقدر اجاوب عليه صراحه. اذا انت ماعندك مشكله في كثرة العرب وتقول بحاول اتجنبهم او احاول مااحتك فيهم كثير اقولك حياك الله اما اذا تقول لا والله عندي مشكله في كثرة العرب اقولك لاتجي هذا في حالة انك باقي بتدرس لغة. اما اذا كنت ف الجامعه اقولك تعال وماعليك من كثرة العرب لانك ماراح تشوفهم ف الجامعه.
الايلتس حسب مااذكر انهم يطلبون 5 ونص .

تحياتي لك اخوي .

الله يعافيك اخوي.
انا مدري هل انت اللي كلمتني امس من السعودية او غيرك . عموما يحق لك دخول امريكا قبل شهر بالضبط من بداية الدراسة.
بالنسبة للسكن اغلب المجمعات هنا تطلب عقود. والسكن هنا يعتبر غالي صراحه . بالنسبة ل السورس اسف مافهمت وش تقصد فيها !
على العموم انا افضل انك تجي هنا وتشوف المجمعات بنفسك وتختار اللي يناسبك. اذا حبيت علمني متى بتجي ان شاء الله وانا استقبلك من المطار ونشوف لك موضوع السكن.
تحياتي لك.

اخي الكريم عبدالعزيز في البداية اعتذر على الازعاج ...

وارغب في القدوم إلى اريزونا لما سمعتو من حرارة جوها لاني ممنوع طبيا من المناطق الباردة ولكن لا اعرف اي مدينة اختار فارجوا منك مساعدتي في اختياري للمدينة من هذه المدن :

Flagstaff - Tucson - Glendale - Mesa

ووش الافضل اجيب زوجتي معي وإلا اخليها وبعد اللغة اجيبها ...؟؟ طبعا انا دوبي متزوج مالي 4 اشهر

السلام عليكم رحمة الله وبركاتة

اخي الكريم

الله يجزاك خير على ما تقدم واسأل الله لك التوفيق

انا ولد اختي راح يوصل عندكم يوم 4 / 1 / 2012م
والطياره راح توصل الساعه 4 مساء
الولد لا يستطيع تدبير اموره لانه اول مره يسافر لبلد غريب عليه ولغته ضعيفه جدا
وانا راح اتصل عليك قريبا اذا ما كان ذلك يضيق عليك

ولك كل الشكر

الأخ العزيز,
الله ييســر أمــورك أينمــا كنــت،،،حفظــك ربــي في حــلك وتــرحالك.
وثق بي عملـك لا يذهــب هبــاءً منثـورا،،،والمكافي هو رب العبــاد سبحانـه.
ارقى التحايا

السلام عليكم ورحمة الله وبركاتة
الاخ عبدالعزيز لو سمحت اذا ممكن ابغى معلومات عن ولاية ارزونا مدينة فلاق ستاف من ناحيت كل شي مثل
السكن والمعيشة والمواصلات واهل المدينة وجوووها وكم يكفي مصرف شهريا واسبوعيا
ارجووو الرررد ضروررري جدااا جدااا

حياك ربي اخوي لا ازعاج ولاهم يحزنون يطول عمرك
اخوي معليش انا مافهمت وش قصدك لما عرفت حرارة جوها وانك ممنوع من المناطق الباردة !!
يعني انت تبي مدينة تكون حارة يعني !!
على العموم اذا ممنوع من البروده ماانصحك ابدا تجي فلاقستاف بحكم انها توصل الى 28 تحت الصفر (احيانا)
بالنسبة ل ميسا موجوده هي وتيمبي في فينيكس
توسان بعيده شوي عنهم والمدينة الثالثة اللي ذكرتها مااعرف وينها صراحه
على العموم ميسا توسان فينكس تمبي تقريبا كلها حاره .

عموما مبروك على زواجك والله يقدم لكم الخير ويرزقكم بالذرية الصالحه ياحي ياقيوم.
الشي الثاني كان جنبي واحد متزوج ولاجاب زوجته معه ولما قرا استفسارك قالي قله غلطاااااان لو ماجبت زوجتك معك .
جبها معك افضل وافضل لها . هذا رأيي .

عالعموم الله يوفقكم ويكتب لكم الخير وين ماكان
تحياتي لك .