طلالالاب معهد portland english language academy فزعتكم

انا معك في نفس المعهد .. وموعد دراستي قريب 3/1 , عدد السعوديين الي اعرفهم موجودين فيه 3 , واخر لسته للمعاهد الي نزلتها الملحقيه تقول فيه 4 !
بخصوص المدينه تعتبر رخيصه شوي حسب كلام الي اعرفهم 3000 ريال تكفيك تقريبآ مصاريف شخصيه "ميزة هالولايه ما فيها ضرائب" والسكن حوالي 700 دولار مع العائله وكل ما قربت لداون تاون كل ما زاد السعر - علمآ بان المعهد يوفر سكن عائلي بـ 600 $ .
اما بخصوص الدراسه مدري عنها والله !
والاجواء بارررده توصل لتحت الصفر في الشتاء وفي الصيف جوها حلو.

السلام عليكم

الله يحيكم وانا معكم في نفس المعهد ودراستي نفس الوقت

ومعي اثنين

مافيه احد من البنات في هذا المعهد ياليت اذا فيه احد ترد علي ونتواصل مع بعض

الله يعطيكم العافيه ...
بس انا ابغى اعرف نسبة السعوديين لانو انا في فلوريدا وفيها تكدس
كم النسبة التقريبه لطلاب السعوديين ؟؟
طلاب فينهم ما يردون

هلا اخواني واخواتي ..

آمروني انا ادرس في هذا المعهد والي تبونـه انا حاظر وابي ارد على اسئلتكم ..

اول شي .. الحمدلله بورتلاند من افضل المدن في المواصلات يعني مايحتاااااااااااااج سياره فيه قطارات وفيه باصات , والمدينـه كويسه جدا جدا وفيهـا آمــــــــــان والشعب احلى شعب يسولفون معك واذا اخطيت يعدلون لك من احلى شعب امريكا

ثاني شي المعهد ياطول العمررر , مليـــــــــــــــــــــــــــــــــــــان سعودين انا في لفل 3 الان والسعودين الي بالكلاس معي 10 مدري 11 غير لفل 1 و 2 و4 و5 , طبعا عندنا 5 لفلات

بس اذا فيه احد منضم للبعثـه لايجلـس ب هالمعهد يروح ل معهد حكومي افضل له بكثيـر .. او عادي ادرس عندهم 3 شهور لانهم يخلونك تعرف تتكلم وكذا , والله يوفقكم جميعا واذا فيه اسئله امروني انا موجود

اختـي فيه طالبات سعوديات كثير والمعهد ك بدايه حلو وبيفيدكم لاتخافـون بس حاولو تتجنبون الكلام العربي اذا تبغون تستفيدون كثيـر

وانا معكم بعد بنفس المعهد
اخوي ((سوف ابتعث قريبآ)) حبيت أسألك وين مكان المعهد بالضبط ؟؟ هل هو بالداون تاون ؟ وهل جمبه في قطار أو لا ؟؟
ووش رايك بالسكن حق المعهد كويس ولا لا وتعرف احد ساكن بسكن المعهد او لا ؟؟
واخر سؤال هل المعهد معترف فيه بالنسبه للملحقيه أو لا ؟؟

ويعطيك العافيه والله يوفقنا يآرب

هلابك اخوي ..

المعهد بنص الدانتاون , ولا تخاف فيه قطارات وفيه باصات والخير موجود وانا اخوك , والمعهد مو كويس مرررررررررررره بس بيخليك تتكلم
والمعهـد معتمد من الملحقيـه وماعليك الدنيا بخيررر هناء ب بورتلاند يالغالي

المعهد مافيه سكن يالغالي بس عندهم عوائل , وافضلك روح ل عائله وبعدها روح ل شقه لان العائله بتفيدك كثيرر باللغه