تجمع معهد ال DU في دنفر English Language Centre

تروح المعهد حسب الجدول الي اعطوك اياه
في ورقة فيها جدول اول اسبوع، انت ملزم بهذا الجول والحضور حسب الموعد الساعة واليوم.

هنا صفحة شباب المعهد، وهي جهد شخصي من الشباب الله يعطيهم العافية.
وفيه الحفل الاخير الي كان قبل امس.
واي خدمة او سؤال انا حاضر، وخصوصا في الاسبوع الاول.

24 يوافق طال عمرك يوم الخميس وهو احب الايام لحبيب الامه ( محمد صلى الله عليه وسلم ) في السفر
فكان صلى الله عليه وسلم يسسسافر صباح يوم الخميس((( وكان من هدي النبي – صلى الله عليه وسلم – أيضاً السفر يوم الخميس في أول النهار، فعن كعب بن مالك رضي الله عنه قال : " لقلَّما كان رسول الله صلى الله عليه وسلم يخرج إذا خرج في سفر إلا يوم الخميس " رواه البخاري ، ويكون خروجه أوّل النهار ووقت البكور لفضله وبركته ، كما قال – صلى الله عليه وسلم - : ( بورك لأمتي في بكورها ) رواه الطبراني )))
وبعدين طال عمرك
راح اريح في الفندق و بعدين اوافق إجاززة الوكيند و وتعرف الشباب إاذا فاضين ما عندهم شغلة ( احلى شي ) يعني لا توهقهم زودن على انهم متوهقين هههههههههههههههه
و انا بالعكس ما اشوف إنه بدري
لأن اغلب المواضيع تكون سافر قبل الدراسة بأسبوعين على الاقل من شان ترتيبات السكن و الشقة ومثلك خابر

ما تقصر يا طويل العمر ( MOmrM )
هنا كم سؤال .
السؤال الاول في اليوم الأول اول ما دخلت المعهد كيف ا لموقف وكيف كانت المقابلة وكيف سويت الاختبار اختبار تحديد المستوى
وإذا تذكر منها اسئلة ياليت تذكرها ( يعني تجربتك الأولى )

انا قبل الدراسه بيومين


مالي خلق زيادة مصاريف

الشقه حاطه عيني عليها والعفش سهل

الله يسترررر بسسسس ودي أهون واجلس

ههههههههههه الله يالمصاريف الحين
على فكره دنفر مثل ابها عندنا بالسعودية لها مواسم و مواسمها تقريبا في شهر 6 انجليزي فتشوفون الاسعار قاب فووووووووق
يالله بالتوفيق ان شاء الله و انا إذا وصلت مريت الشقة الي انتي حاطة العين عليها و بصورها و برسلها لك إذا اعجبتك حجزتها و ماله داعي تاخذين فندق من شان المصاريف

ماشاء الله متحمسسسس

اخاف تعجبك وتجي تسكن فيها عاد همن ابتلش جاري سعودي وريحة الكبسة كل يوم

بس الفندق لابد منه خصوصا اول ثلاث اياااام

متى بتطير لامريكا ؟ انا بعد أسبوعين ان شاء الله

هههههههههه حلوه الكبسة
بعدين إن اعجبتني الشقة الحال من بعضه ههههههههههههههههه انا بعد حاط عيني على شقة بس لا تكون راحت هههههههههه
الشباب هنياك وماراح يقصرون ابد
أنا إن شاء الله راح اطير يوم الخميس 24 مايو
باقي 19 يوم يعني ثلاث اسابيع مو مثلك اسبوعين

ياويلي
انا باجل ل ٢٦ مايو عشان تصور لي الشقه

لاا تنسى تعطينا برنت عن الأوضاع هناك لأني أعيش اكتئاب نفسي وودي اكنسل مره وحدددددددده

الدعوا سهلات راح فلان و ( و قسم بالله إنه ما يعرف يسوي إيميل ولا عمره استخدم النت و يوم طلبوا منه ايميل ما فهم و ش المطلوب ) ههههههههههههههه
هذا طال عمرك و عمر السامعين
واحد من الشباب
توه متخرج من الثانوية و طلع إبتعاث و سافر على أمريكا ( الرجال طلع لمكتب في الرياض و قال جبلي قبول معهد + قبول جامعة في مدينة كوويسة و ما تكون غالية )
المكتب متعامل مع معهد حظيرة دجاج في بوكاتيلو و جابله قبول على طول طبعأ المعهد هذا من اخيس معاهد العالم
قال خير و بركة و طلع في الطيران طبعا الرجال مختار شي حلو مختار خطوط الطيران القطرية يقول السفرة طويلة وانا رجال تعبان و متكيء و أهوجس و افتح مشاريع و اسكر مشاريع و ياليت مشاريع تنفع يقول المهم أخت غفوه يقول وانام
و لمى صحيت حصلت ورقة على الطاولة طبعا انا ما فهمت و ش معناها و ش يبون يقول واخذ الورقة و احطها في خلفية مقعد الطائرة و أشوف العالم تكتب أوراق و تعبي وانا جالس بين هنود و بين قطرين واشوف الهنود يعبون اوراق
و القطرين يعبون اوراق ثانيه
ياولد و ش السالفه شكلهم من شانهم ماهمب سعوديون مثلي ( مرفع لنفسة ابو الشباب )
يقول انا ما اعرف بي من سي
ولا أعرف اي شي و لا عندي ثقافه يقول رايح طازج مولعتن عيوني في المضيفات الكاشفات و انا استغفر و اتعوذ من إبليس و شلون كاشفه و في الطيارة في السماء لاتطيح
و يقول اول مره اشوف هذي الاشياء
بسم الله و نوصل واشنطن
و الله و قدامي سعويات ( يقول والله و النعم فيهن ) قلت له يالرخمة ما تزوجت وحده منهن
قال والله ودي بس ما جت على الكيف
طبعا الرجال صغير عمره 18 سنه بالكثير
و حننا ماسكن سرا و طابور ننزل من الطيارة لمحة السعودية ( طبعا هن سعوديتين ) ومعهن اخوهن , جوازي ما فيه إ 94 قالت انت يطلبون منك نموذج 94 يقول وانا اشوف البنت و مفهي
يقول و ترد تقولي مره ثانيه و يقول مطنش ما عمري كلمت بنت ولا في حياتي ما اسمع إلا صوت امي بس و خواتي إذا تهاوشت معهن بس
يقول بعد 3 دقايق والله يقول لكأني صاحي من غيبوبه فيه بنت تقولي كلام انا ما فهمته يقول و اطربق على طول يمها قلت انتي و ش تقصدين قالت فيه نموذج ما عبيته
حنا نزلنا في المطار ألحين والنموذج في الطيارة يقول و اتذكر الورقة ذيك الي حطيتها في المقعد الخلفي
و صاروخ على الطيارة وكل من سألني اقول هيه هوه هاه لين جيت الطيارة و اشوا تو فيه ناس كبار في السن ينزلون و اعد الكراسي هي فيه لا في الثاني لا في الثالث
يقول لين جاني موظف قطري و قال وش تبي قلت نموذج قال تعال و يروح للطاقم و يعطني نوذج و اخذ 5 اوراق
وعلى طول اروح سيده للسعوديات و اشوا توهم ما بعد وصلهم السرا و انا اتعدى ناس واجد يقول واستحيت اكلم السعودية قلت ما فيه إلا إني اقط وجهي على اخوهن لو سمحت تقدر تعبي لي النوذج هذا
قال ( و هو ما يفهم السعودي الثاني ) انا ما اقدر اعبيها تقدرين فلانه لأخته تعبي النموذج يقول ويعطي اخته النموذج و اخذت تعبيه جزاها الله خير ( السعوديات والله ما يقصرن )
يقول و توصل للجوال معك جوال قال ويعطيها جواله السعودي طبعا ما فعله و ما ينفع بشء
قالت عطني ايميلك قال وش الايميل ( هههههههههه) قالت ايميل من شان كذا وكذا قال ما اعرفه
قالت أوكيه المهم خلصت البنت من تعبية النموذج و قال شكرا و جلس يشكرهم يقول المهم طلعنا من الامقريشن والشغلات ذي و في المطار جاني اخوهن ببطاقة امريكية شريحة جوال ( وقال هذا جوال ) خلة معك
و اخذت طبعا تكسي معي عنوان للعائلة و جلست عند العايلة و ثلاث ايام و انا ابي اتصل بأهلي ما قدرت
يقول واطلع للمعهد قالو جب الضمان المالي
ولا عندي شي في حياتي ابدا افهمه وش الضمان وش وش وش يقول المهم قلت للمعهد خاطبو انتو الملحقية و سو كل الاجراءات انا ما افقه شي
و اخذ تقريبا شهر إلا جوال اخونا السعودي الي عطاني بالمطار يدق ( السلام عليكم انت فلان الفلاني ) قلت نعم قالت ما عرفتني قلت لا والله ما عرفتك من انتي ( يقول انا اتوقع مشرفه سمعت بمأساتي و فزعت لي ) قالت انا الي عبيت لك النموذج و الملحقية ارسلو لي على ايميل ضمانك المالي و ارسلو لي بعض البيانات
اثاري البنت حطت ايميلها الله يجزاها بالخير
وصدم صدمه نفسية بنت كلب تعقد و هون من الدراسة و جاته حاله نفسية وفي الاخير زبطت اموره و أبشركم الرجال بلبل في الانجليزي
وهذا وهو ما يفهم اي شي
و توفق في حياتة ما شاء الله
فما بالكم حنا يالي ندش النت الحمد لله على كل حال بس شي اهون مين شي و ما قصر حبيب الشعب مبتعث من تثقيف الطلاب قبل السفر
يا مس هيفا ولا كنسل ولا اكتئاب الدعوا فلة حجاج بس