مساعدة ممكن مساعده الله يفرج همه اللي يعطيني رايه لوس انجلس

انا اختي ادرس في هذا المعهد
والمطنقة اللى حوله عاديه صح الدوان تاون قريب مننا بس مسافه تقريبا 10 كيلو ومايحتاجون تروحين هناك ابد
وبخصوص السكن تقدرين تسكنين في الاحياء اللى شرق الجامعة او شمال لانها ممتازة وامنة جدا

والمعهد لاباس فيه يعني هو ماهو مرررة قوى ولاهو سيء بس تقييمي له اعطيه 8 من 10...اي سؤال انا حاظر

يارب يسعدك ويوفقك واخيراااا لقيت من يساعدني
ابي اعرف الله لايهينك اسماء المناطق الي فيها سكن حلو وانطباعك عنها وهل فيه حوله مطاعم عربيه واماكن للترفيه
والمعهد كويس ومريح مايحتاج احول منه اذا درست فيه يعني يؤهلني للتوفل بالعلم انا لغتي كويسه لاني دارسه بكالوريوس انجليزيوطالعه اكمل ماستر
وكيف هل هو مزدحم بالسعوديين وهل سمعته زينه اولا
ابيك تعطيني صورة كامله عن المنطقه والمعهد لاني واللله تعببببببببببببت ابحث عنه ومافي احد جاوبني

امين الله يجزاك خير
بالنسبه لاسماء المناطق المناسبة للسكن كثيرة وانا برتبها لك حسب الاقرب للجامعة
montery park
alhambra
san gabriel
south pasadena
pasadena
el monte (حارتي )
طبعا لو تلاحظين بالخريطة تلقين كل هالاحياء شرق الجامعة وهذي افضل مكان للسكن واقرب
اما مطاعم عربية مافيه الا واحد في حي alhambra وعلى نفس الشارع مسجد وبقاله عربية فقط
اما معهد لاباس وهو يدرس التوفل بس عاد يعتمد عليك بعدين اذا ما اعجبك غيري المعهد
اما السعوديين فهم تقريبا حول 60 طبعا عزاب وعوايل ...بالتوفيق

يعطيك الف عافيه ياااااااااارب وينولك اللي في بالك
طيب بماانك تدرس فيه كيف انطباعك عن المدرسين هل هم متعاونين ومتفاهمين اولا
انا محتاجه مشورتك لاني والله كنت ابي ucla h, usc ولكن كلها اغلقت من الملحقيه للتكدس
يعني مالقيت الاهذا المعهد حكومي تابع لجامعه
تنصحني اتوكل على الله واجيب قبول منه

ادري تعبتك معي بس لاهنت ابي اعرف كم تتراوح الشقق
من غرفه وصاله لاني بجي مع زوجي وهل يحتاج سياره عشان اذا سكنت في احد هالمناطق اللي ذكرتها

امين عساهم يضمونا للبعثة دعواتك
انطباعي عنه زين والمعاهد اللى ذكرتيها افضل وهالشي معروف للكل
لكن العيب الوحيد هو الغلاء والزححام لاننا تقريبا فيي نص لوس انجلس والامان في لوس انجلس مو هذاك الزود
فنصيحتي لك استخيري قبل كل شي ومعهدنا عادي يعني مايحتاج تتعنين عشانه ...الا اذا لك اقارب او احد بتسكنين معه هذا شي اخر

غرفة وصاله حول 1000 وطبعا السيارة ضروري لكن فالبداية تقدرون تقضون مشاوريكم باص والله يعينكم عالانتظار والشحططة من باص الى اخر

طيب من افضل برايك اروح els بسانتا مونيكا او csula لاني usc وucla الملحقيه اغلقتها للزحام شور علي تكفى والله اني محتارة
يااااااااااااارب يضمونك للبعثه ويرتاح باللك الله يوفقك ويسعدك ومشكور على افادتك

واضح ياختي انك ناوية لوس انجلس ههههههه عالعموم انا ماعرف شي عن els حق سانتا مونيكا غير ان يعقد فيه اختبار الايلتس للي يبي يختبر سواء من طلاب المعهد او من خارجه
ومعهدنا قلت لك عادي..اذا مصملة شوفي ولايه ثانية ارخص وفيها مساجد ومحلات عربية لاننا هنا مقطوعين يدوبك بقاله صغيرة ومسجد