ضااااااااااااااايعه بين المعاهد

اختي مالك الا تجيـن معهد تجاري رخيـص لحد ماتنضمين للبعثـه واذا انضميتي للبعثه لك الحلول في اي معهد تبينـه , وعلى فكره ترا كل شي مو على المعهد والله , وربي معي واحد من اخوياي مبزوط بالعربي , مايداوم ويسحب عليهم وسرربتـه ويطلع كثير , والحين لغتـه افضل مني والله , لانه خالط ناس وخالط اجانب , واذا على طاري تفتحين ملـف , تقدرين بس بتكون اوراقك ناقصـه , يبيلك ختـم دخول امريكا , ويبي لك قبول جامعه , وختم الدخول لازم تدخلين امريكا عشان يختمـون على جوازك ..

واذا تبين مدينه رخيصه تعالي بورتلاند , لان مافيها تاكس يعني ضرائب وفيها معهد تجاري كويس لحد ماتنضمين للبعثه وتغيرين المعهد , لان اغلب معاهد الجامعه غآليـه جدددا

الله يوفقـك اوخيتي

مشكور على ردك اخوي
بس كيف بنضم للبعثه وانا ماخلصت اللغه؟؟؟ يعني لو دخلت معهد تجاري راح اجيب درجة التوفل؟ وليش اضيع وقتي في معهد تجاري وبعددين ارجع ادرس في معهد جامعه
مادري يمكن مافهمت الي تبغى توصل لي اياه

انتظر راي البقيه
ومشكورين

السلام عليكم ....... انتي فاهمه موضوع الالحاق خطأ مو لازم توفل

انتي روحي ادرسي بمعهد تجاري على حسابك وافتحي ملف في الملحقيه وجيبي لك قبول جامعه وبعدها بفتره ان شاء الله يتم الحاقك

وانا انصحك في معاهد كاليفورينا رخيصه وفي مكان امن وحلو .... خاصه لكم يالبنات

تحياتي

وعليكم السلام
طيب يقبلوني الجامعات وانا ماعندي لا توفل ولا ادرس في معاهدهم؟
واذا جبت القبول والحقوني في البعثه اقدر اغير المعهد واجيب قبول جامعه ثاني؟ وكم هذي الفتره تقريبا كم شهر ويضموني للبعثه؟
واخر سؤال ياليت تعلمني بمعهاد زينه في كاليفورنيا وكيف اسعارها
واي ارخص كاليفورنيا ولا بورتلاند

واسفه على الاسئله الكثيره

اختـي , معاهد الجامعه غاليـه , وتكســـــــــــر الظهر وانا اخوك , انا الي آبي اقوله لك , انك تروحين معهد تجاري لانـه رخيص جدددددا واذا انضميتي للبعثه جيبي قبول من افضــل معاهد امررريكا واقواها ماعندك مشكله ابدا , بس المعهد التجاري ماراح يعلمك كل شي , بس بيفيدك كثير .. وعلى طاري الالحاق كل واحد وحظه انا صارلي 6 شهور ولا انضميت للحيـن , وننتظر الفرج من الله ..

وبورتلاند آرخـص من كاليفورنيا بكثيرر , لان بورتلاند مافيها ضرائب على المشتريات , موفقـه

مرحبا اختي ..

عادي تجيبين قبول من اي معهد وتدخلينه ..

انا والله اشوف معانا بنات سعوديات كثير .. والمعهد مرة ممتاز في سياتل ( معهد جامعة واشنطن ) ( اليوداب )

هذا المعهد يطلعك بلبل ان شاء الله بالانجليزي .. وانا استفدت منه كثير ..

كم ميزانيتك ؟

ثاني شي تقدرين ترفعين اوراقك بالسعوديه بس انا اقول ترفعينها هنا عشان تكملي بعض الاجراءات بالمطار ..
لانه من ضمن المطلوب ورقة i-94
هاذي هي الي بدخلك امريكا مع ختم الآي توني .

من ناحية امن .. الحمدلله سياتل من اروع مايكون .. انا مع عائله والحمد لله مرتاح .. وكل شي بالباص تروحين اي مكان بالباص
واذا سجلتي بالمعهد لك خصم مرة حلوو .. وتامين صحي ..

انصحك انك ماتدخلي معاهد تجاريه لانهم مايعلمونك بس يبون يستفيدون منك .. اعرف واحد من اخوياي باول مستوى رسبوه عشان يرجع ويدفع من جديد .. ويحاولون يخلونك بالمعهد لين تطفر وتخلص فلوسك
انصحك بمعاهد الجامعات .. لانها اكاديميه وتاهلك للدراسه الاكاديميه ..

بالتوفيق اختي واي سؤال انا حاضر ..

بالتوفيق للجميع

اذا على الحظ لا بالله كدينا خير خخ مابيضموني ولا بعد سنه كامله
يعني افههم من كلامك انو شروط الانضمام كلااام بس!!
الى هي نخلص اللغه و 30 ساعه من الجامعه؟
والله ما ادري قلبتوا مخي على المعاهد التجاريه

طيب خيي انت في اي معهد؟ وكم سعره

الله يوفقك وينضم للبعثه قريب ان شاء الله

نظام الي 30 ساعه هذا كلام فاضـي , الي معه واسطه ينضم , واذا جت مكرمه من الملك او ولي العهـد ويضمون ,

وآنا في معهد : portland english Language acadmy طبعـا المعهد لك عليه يعني خآيس بس اني امشي اموري فيه لحد مانضم للبعثه ان شاء الله واغيرررره !
لان معآهد الجامعه غآليـه والله , ونتمنى انضمام قريب

اهلين اخوي عزيز النفس
كم سعر المعهد الي ذكرته؟ والمدينه كيف اسعارها من سكن ومصاريف ثانيه علما ان ميزانيتي 9 الاف ريال في الشهر شامله لكل المصاريف

lonely
طيب اذا ماجت مكرمه وش السوااة؟؟ .. واسطه ماعندي ولا يمكن يصير عندي
الله يسهل امورك وتنضم ان شاء الله