وش رايكم الغي بعثتي او لا؟؟ اخواتي واخواني رايكم يهمني

ام اسيل
السلام عليكم
اسأل الله ان يفرج همك وهمي معك
انا مرافق مع زوجتي ومقتنع ميه بالميه بالبعثة والدراسة ولدي طموح وكذلك زوجتي بس صارت كم مشكلة
انا موظف في الخطوط السعودية تلك المؤسسة الفاشلة قدمت تفرغ رفضوا وبالطلبة اعطوني ثلاث اشهر بدون مرتب وقبلت
قدمت معاريض على كذا امير وتعرفين نظامنا بالدولة ( تكفى طال عمرك ) والرد ( يسير خير )
دراستنا تبدأ في 4 ابريل وتأشيرت زوجتي طلعت وتأشيرتي الى الان ما طلعت لاجراءات امنية وادرية حسب كلامهم الله ياخذهم
يعني باقي للدراسة حوالي 15 يوم باقي عندي كم شغلة لازم اروح الرياض اصدر قرار ابتعاث وامر اركاب وحجز ولبعدي من اهلي لازم اروح لهم قبل اسافر اجلس معهم كم يوم
اجازتي تنتهي بتاريخ 24 جون والكوارتر اللي بعد ابريل يبدأ في 27 جون وانا لازم اقول لعملي قبل 24 جون بالاستقالة او ارجع اداوم
يعني لو أخرت ما استفدت شي
الحال كحالك وانا اسوأ منك شوي
لكن من كثر تصفحي لهالمنتدى حسيت ان المعيشة والدراسة برى الواحد يجلس على اعصابة الين يرجع وكذلك عندك اطفال لازم تحسبين حسابهم زيييييييييين واكيد انتي أم
لكن كوضع زوجك اخبر ان للعسكري اربع سنوات فما يمنع انكم تروحون والله الاربع سنوات لاهي بتقدم في ولا تأخر بما اننا في عصر السرعة للعالم وعصر البطا لنا كسعوديين
عموما انا اقترح لك تحاولين تقنعين زوجك والله يدلكم على الخير

والله ثم والله حاس بمعاناتك وتفكيرك لان شعر راسي شوي ويحت من كثر التفكير

بس حبيت اذكرك بشي اختم به كلامي
(( من فقد الله فماذا وجد ... ومن وجد الله فماذا فقد ))
بالتوفيق

وعليكم السلام
اخ عبدالله الله يكون بعونكم وتتيسر بإذن واحد احد جزاك الله خير
والله اني كرهت هذي البعثه
اتمنى اسمع اراء اكثر والله اني في حيره من امري
ع فكره لعن الله جداره وواسطاتها ماوظفوني واررتحت

أهلين أختي أم أسيل أنا اللي أسمعه إنهم قاعدين يناقشون وإن شاء الله ينزلون قرار دفع تكاليف الحضانه للآطفال , لأنه بصراحه الحضانات معدل أسعارها بين 500 - 800 $

لو إنحلت سالفة الحضانه خلاص الراتب بيكفيك أنتي وعيالك بإذن الله اذا سكنتي في عائله ولا تخلي حلمك يضيع إنتبهي يضيع وخلي عزيمتك أقوى من كيذا ولآتخلي أي شي يعيقك ^_^

تمنياتي لك بالتوفيق يارب

الله يوفقكم ويحقق امنياتكم يارب
هي سالفة الحضانه اي والله لو تنحل يروح نص الهم

<<فعلا انا خايفه اتحسف ونفس الوقت؟؟؟زوجي وش اسوي

عيالي وزوجي اهم لكن مستتقبلي؟؟؟؟؟؟؟؟؟؟؟<<<<خلاص انهبلت

لو اسمعوا الكلام زين لو العالم ببتتكلم على ( لو ) ياسعادة الريس ياسعادة الوزير يا العنقري و الموسى يا الفواز و العيسى موضوع حضانه ما عرفتوا تحلوه لو تموتون احسن ههههههه لو نقول لو

السلام عليكم<br>اختي الكريمة<br>انا من الاناس الذين تجربة الابتعاث فهي ليست سهلة كما تتخيلين انتي وغيرك<br>والغربة اصعب مما تتوقعي والعالم في الغربة كلهم نفسي نفسي الا من رحم ربي<br>فإذا وضع زوجك مبسوط حاولي تدوري لك وظيفة دخلها حلة لكي تقضي على فراغك<br>انا بخصوص الابتعاث فانا شفت الويل من الاثنين الغربة والملحقية اعزالله<br>فإذا انتهيتي من الملحقية فالعالم اللي حولينك رايحين يولعوا كبدك<br>وشكرا..................................... ........................................

الله يعطيكم العافيه ويسهل عليكم غربتكم

اكيد مافيه شي سهل لكن كلها 3 سنوات الله يسهلها وييسرها

والباقين وش رايهم؟ابي طرق للأقناع

ولله الي اعرفه ان بورتلاند أسعارها أرخص من المدن الثانيه ومافيها ضرايب


بس مافي مانع تجربين البعثه فتره مشت معك ولا ترجعين

الله يسهل عليك أختي

اوصيك واوصي نفسي قبلك والجميع بالاستخارة وبعدها مهما يكون فهو افضل تدبير باذن الله ،،
قبل تقنعين زوجك لازم يكون عندك كافة المعلومات اللي بتخليه يوافق ،، هو متخوف ومعاه حق ،، بس الدنيا فرص ،،
بورتلاند مثل ما ذكروا في ولاية اوريقون مافيه ضرايب والاسعار عموما رخيصه والبلد حلوه ومريحه وفيها سعوديين كثير
ممكن يالغلا اذا ماحصلتي حضانات رخيصه تشوفين السعوديات وين يحطون عيالهم لانه فيه يحطون اولادهم عند سيدات عربيات مرخصات وتكون تقريبا نص قيمة الداي كير
لو ما تسهلت لا تتضايقين او تفكرين ان طموحك تحطم او تدفنين نفسك ابدي فكري بالحلول المستقبليه بحكم انه عسكري ليه ما يشوف واسطه ويطلع لوحده من الملحقيات العسكريه وبامكانك طبعاً تلتحقين بالبعثه ووضعكم اكيد بيكون افضل
وما يدريك كل تاخيره وفيها خيره
اتمنى لك يالغاليه التوفيق والسعاده وربي يكتب لكم الخير وين ماكان وييسر اموركم وايانا والمسلمين