طلاب وطالبات لوس انجلوس من يعرف هذا المجمع السكني يفيدني

اذا ممكن احد يفيدني في هذا المجمع ..
واذا صاحب الوضوع يعرف عنه شي ابي اي معلومة عنه.. سعره .. مفروش او لا .. ايش اقل مدة ممكن اخذ فيها....

المجمع مره راقي وفخم
طبعا اسعاره اكيد بدون عفش يعني غير مفروشة
بس مررره غالي اقل سعر ممكن تلاقيه غرفه ب 1600 وهذا كمان لو سويت عقد سنه
انا كنت بسوي عقد شهر طلب مني فوق 3 الاف دولار
يعني كل مازات مده العقد كل ما قل المبلغ

طيب أختي ام جوري تعرفي مجمع سكني بين الداون تاون ومعهد ucla يكون سعره تمام ل3 أشهر .. راح اكون هناك ان شاء الله في june .. وادور غرفتين ..

اتمنى تساعديني لأني حايسة وقربت اختباراتي ومو قادرة اركز بسبب السكن....

يا اختي مو شرط مجمع سكني لانو بيكون غالي جدا
انا اخذت عناوين عماير سكنية فيها شقق وسكيورتي في باب الشارع ورخيصة من موقع apartments
وحددت السعر الي ابغاه ولقيت كم وحده واخذت عناوينها ورحت شفت بنفسي وحده وحده لين ارتحت لوحده شكلا وسعرا وموقعا

واذا تبي اساعدك في اي شي هاتي عنوان المعهد حقك عشان اشفلك اقرب مجمعات سكنية
واي شي تبغيه انا حاضره

الله يسعدك قولي آمييييييييييييين ..
ريحتيني من جد ماابغا اتعبك بس شفت كل المواقع اللي فيها شقق اسعارها غالية ولما يناسبني شي يكون اقل شي 6 شهور ماعرفت اختار ومرررة مشوشة ..

انا راح اكون في معهد language system international -downtown والمشكلة انو معانا اخوي اندر ايج وهوا في معهد elc كل المعهدين في شارع Wilshire بس وحدة في الغرب ووحدة في الشرق ...

عشان كذا نبغا سكن بين الاثنين غرفتين وحمامين او حمام مو مشكلة بس يكون سعره مناسب ..

اولا لازم تنزلي في فندق عالاقل اسبوع عشان تشوفي بنفسك الشقق
ولما تعجبك وحده غالبا يقولولك تعالي بعد كم يوم مو على طول تسكني
يعني خلي مبدأيا حجزك اسبوع في فندق عشان ما تتعبي

وبالنسبه للفنادق في واحد اسمه فندق ولتشر مررره قريب من معهدك 5 دقايق مشي
وسعره في الليله تقريبا 120 دولار الغرفه
وفي واحد اسمه dens inn في الوسط بين معهدك ومعهد اخوكي
ادخلي شوفي اسعارهم من بوكنق

ثانيا لو تبي عقد 3 شهور حيحسبولك هيه اغلى بكثير
لا تشيلي هم شارع ولتشر كله مجمعات سكنيه و فيه كل شي
وحطي في بالك ما بتلاقي غرفتين اقل من 1300
والمدينه شويه غاليه بس راح تنبسطي

واي استفسار تاني كلميني عالخاص