من لديه اي استفسار عن الدراسه في سان دييغو يتفضل هنا

هلا اخوي انا رايح ساندييجو بعد شهرين ونص تقريبا وابغى اعرف اسعار الشقق في لاهويا او حولها اللي تكون مرتبه وغرفيتين وصاله
وكيف الطريقه لو بغيت ادور على سياره هناك تنصحني بمكتب معين ولا شي؟

مشكوووووووور على عرضك للخدمه وعساها في موازين حسناتك

بالنسبه اسعار الشقق في لا هويا غرفتين وصاله تبدا تقريبا من ١٨٠٠
بالنسبه لسيارة ممكن تبحث في موقع كرقلست وتشتريها من المالك مباشره وفيه يوميا عروض
وكذلك يوجد الكثير من معرض السيارت سواء الجديده او المستعمله في سان دييقو
وايضا هناك بعض العرب اللي فاتحين مكاتب يشترون السياره لك عن طريق النت من اي مكان في امريكا وياخذون عموله منك
الخيارات متعدده لك من هالناحيه

والله يوفقك وتوصل بالسلامه

يعطيك العافيه وماقصرت اخوي

السلام عليكم

بغيت أسأك يالغالي

جامعة سان دييغو ستيت يونيفيرستي ( تعطي قبول مشروط ولا لا ), لغه + جامعه؟؟

اذا تعطي هل اذا خلصت اللغه ادخل علطول للجامعه ولا لازم توفل او التس ؟

يعطيك العافية اخوي على هالمبادرة ,,
يالغالي انا خلصت اموري وجاي ان شاء الله لجامعة سان دييقو ستيت sdsu

وحاب استفسر بالنسبه للسكن كيف أقدر احصل عوائل هناك بحيث اني اجي مباشره اتجه للعائله مايحتاج احجز فندق او شي ,

لان بيني وبينك متخوف من المكاتب عقب الي سمعته عنهم ماودي احجز عن طريقهم ,,

لو تعرفلي احد هناك يضبطني أكون لك من الشاكرين .

اي تعطي قبول مشروط وبالنسبه للغه اذا خلصت اخر سمستر فيه اختبار خاص بالجامعه لو جبت فيه الدرجه المطلوبه تدخل الجامعه بدون ايلتس ولا توفل

بالنسبه لسكن مع عائلة عندك موقع كرقلست ممكن تحصل فيه عائلة وتتفق معهم قبل وصولك
لكن انا ما انصحك تسوي كذا الافضل انك تجي وتشوف بنفسك وتختار عائله مناسبه
سواء من الموقع او فيه مكتب يتعاملون معه اكثر السعوديين لو اتصلت فيها يمرونك ووياخذونك لاكثر من عائله متفقين معهم ولو ناسبك احد منهم ياخذون منك عموله
مع اني ارى ان الموقع يخدمك بدون ما يحتاج تعطي احد عموله والخيار الاول والاخير لك
والسكن فيه موتيل سعره رخيص وجنمب الجامعه خمس دقايق للجامعه بالباص اسمه
HOWARD JOHNSON SAN DIEGO
وعنوانه 6440 EL CAJON BLVD
تقدر تحجز من النت وهو مثل ما قلت قريب من الجامعه احجز فيه يومين وتشوف خلالها عائله
والله يوفقك وتوصل بالسلامه

السلام عليكم
لو سمحت ابغــــــى معهد لغه في لاهويا اهم شي انه يكون مافي عرب وسعوديين كثـــــير
ومشكور مقدما

افضل معهد في لا هويا هو معهد English Language Institute University of California ELI
التابع لجامعة UCSD
المعهد فيه نسبة سعوديين كثير ولكنه من افضل المعاهد وافضل معهد في لا هويا تحديدا وعموما نسبة تواجد السعوديين في معاهد سان دييغو كبيره في كل المعاهد المعتمده
وهذا موضوع للاخ مجنونها يتكلم فيه بشكل موسع عن معاهد سان دييغو وافضلها اطلع عليه

http://www.mbt3th.us/vb/forum40/thread320849.html