LinkBack URL
About LinkBacks
نسيت ، بالنسبة للمدارس ، عندي بنتين أعمارهن 10 و 11 و طبعا ما يعرفون انجليزي الا يس و نو 
فما ادري ايش تسوي المدارس الحكومية لنا في هذا الحالة و كيف دبرتوا انتوا الموضوع هذا و لا ما فيه أحد عنده أطفال كبار و بدأوا فجاة في المدارس الأمريكية و بمناسبة الحديث عن البنات هل من المناسب ادخالهم في مدارس أمريكية ( الخيار الثاني في حالة ما احد نصح بالمدارس لهذا السبب أو غيره أني أطلع لوحدي )
7 " فما ادري ايش تسوي المدارس الحكومية لنا في هذا الحالة و كيف دبرتوا انتوا الموضوع هذا و لا ما فيه أحد عنده أطفال كبار و بدأوا فجاة في المدارس الأمريكية و بمناسبة الحديث عن البنات هل من المناسب ادخالهم في مدارس أمريكية ( الخيار الثاني في حالة ما احد نصح بالمدارس لهذا السبب أو غيره أني أطلع لوحدي )
May 20th, 2012, 02:16 PM
بسم الله الرحمن الرحيمالسلام عليكم و رحمة الله و بركاته
الإخوان و الأخوات اللي عوائل و عندهم أطفال يدرسون في الابتدائية أبي أستفسر عن بعض الأمور
قبل ما أبدا أنا أخطط خلال هذا الأسبوع إني أقدم على معهد جامعة ولاية أريزونا المتواجد في مدينة تمبي يمدحون في المعهد و سعره بالنسبة لي طيب
و بحثت عن طريق موقع rent.com لسكن حول عنوان المعهد و وجدت أسعار طيبة لشقة غرفتين من الـ 500 دولار تقريبا إلى الـ 1000 دولار
ثم بحثت عن طريق موقعين للمدارس tempeschools.org و كذلك greatschools.org فوجدت مدارس حول المعهد
و حاولت أقارب ما بين موقع المعهد و موقع السكن و موقع المدرسة بالاستعانة بالمواقع أعلاه و خرائط قوقل
و لكن ، أنا ما أدري عن موثوقية هذي المواقع أو يمكن فيه أمور مخفية أنا ما أدري عنها و لذلك ودي الإخوان و الأخوات يفيدوني بخبراتهم
بالاعتماد إني سأذهب إلى معهد جامعة ولاية أريزونا
ايش أسعار السكن المناسب لعائلة مكونة من زوجين و 3 أطفال الابتدائية و 1 رضيع ؟
أبي الله يعافيكم خبراتكم في السكن القريب من مدارس ابتدائية حكومية
بالنسبة لموقع rent.com ، لما يقول لك غرفتين ، هل يقصد غرفتين نوم + صالة ؟
بالنسبة للتعاقد ، ايش أنواع التعاقد بالنسبة للسكن ؟
هل فقط لمدة سنة ؟ و لا فيه خيارات أخرى ، كل ستة أشهر ، شهريا ؟
بالنسبة للمدارس الابتدائية ، اللي أعرفه إن المدارس الحكومية مجانية ، صح ؟ طيب هل التقديم و القبول سهل ؟
كيف أعرف المدارس الزينة و المدارس التعبانة ؟ هل فيه تصنيف حكومي ؟ هل نظرة الجهة المسؤولة عن التعليم الحكومي عندهم واحدة لكل المدارس الحكومية الابتدائية أم مثل ما نشاهد في بعض الأفلام إن بعض المدارس تكون خاصة بفئة خربانة ( يمكن اللي تجي في الأفلام خاصة بالمدن الكبرى كلوس أنجيلوس أو نيويورك ، أنا ما أدري وش السالفة و لذلك استفسر منكم بارك الله فيكم ) ؟
اعتقد المتطلبات هي شهادات التطعيم ، شهادات النجاح مترجمة من أي مكتب ترجمة ، صح ؟
المصاريف اللي أنا متصورها هي :
أولا مصاريف مرة واحدة : تذاكر طيران ( حدود الـ 20000 ريال بحسب ما شفت في موقع الخطوط البريطانية لرحلة مباشرة من الرياض إلى فينكس ) ، سيارة ( أتوقع 3000 دولار ممكن أشتر سيارة نظيفة )
ثانيا مصاريف شهرية : سكن ( أبحط السقف الأعلى بحسب ما شفت في موقع rent.com و هو 1000 دولار شهريا ) ، أكل و شرب ( ما أدري ، أتوقع 1000 دولار شهريا )
ثالثا : التأمين ( ما عندي فكرة عنه لكن هل ممكن نقول 200 دولار في السنة في 6 أشخاص = 1200 دولار ؟ )
من المصاريف السابقة ، المجموع لمدة سنة = 20000 + 3000*3.75 + 2*1000*12*3.75 + 1200*3.75 = 125750 ريال
ما حسبنا قيمة المعهد ، لو قلنا راح آخذ 16 أسبوع = 5000 دولار ، و لو قلنا سابدا في الفصل الدراسي بعدها ( ما أدري بكم ، يجوز 10000 دولار للماجستير ) = 15000 دولار = 56250 ريال
يعني لو قعدنا تقريبا سنة كاملة ( 4 اشهر لغة ابتداء من 22 أغسطس إلى نهاية الفصل الدراسي الثاني في تقريبا فيما أظن يونيو 2013 ) فالتكلفة الإجمالية بالتقريب و بحسب الحسابات السريعة اللي عملتها = 180000 ريال
لكن عندي أمل كبير إني ألحق في البعثة و أوفر أكثر من نصفها ، و إن ما حصل النصيب ، رجعت دياري بعد ما ينتهون الأطفال من المدارس
و عندي استفسار عن تمبي و فينكس و أريزونا عموما ، ايش عيوبها و ايش مميزاتها ؟
يا ليت اللي عنده أي معلومة يعرفها تمام المعرفة أو تجربة شخصية أو تجارب من حولكم أرجو منه إنه يسدحها هنا ، أخوكم محتاج التنوير و المساعدة و بارك الله فيكم