شرح من يريد سكن في ولاية واشنطن مدينة سياتل

السلام عليكم و رحمة الله و بركاته

هل يوجد مدارس ثانوية سعودية أو عربية في سياتل ؟


تشكر على جهودك

اخوي زمان الطيبين

الله يسمع منك ويكثر من امثالك
وماقمت به انا من موضوع ومساعدة لااخواني واخواتي الا قليل وحقكم علينا في بلد الغربه اكثر وعلى الله يقدرنا على تكميل الجميل
في جميع اموركم .

ثانياً الله يسهل جميع امورك في السعوديه والله يكمل حياتك اليوميه والتعليميه في بلد الابتعاث على ماتتمنى

ثالثاً اتواصل معي على الهاتف وراح اقدم لك جميع الامور اللي راح تخدمك في بلد الابتعاث
وراح اعطيك جميع هواتف الطلاب المتطوعين هنا لكي يقومو بمساعدك في جميع الامور من وصولك الي المطار الين تحصل شقه تسكن فيها

رابعاً واخير انا لااريد منك سوى الدعاء لي ولجميع المبتعثين وخاصه الطلاب المتطوعين في سياتل برئاسة النادي الثقافي السعودي وعلى رئسهم الاخ العزيز / أنس المحمدي رئيس النادي السعودي


واخيراً/ توصل باالسلامه يارب

اخي الفاضل ( shy heart )

الله يحييك ويجعل كل خطوه لك سلامه انت ومن معك

بخصوص الاغراض اللي شريتها من السعوديه من وجهة نظري لاتكثر لانك راح تشوف العجب العجاب في انواع واشكال وماركات الملابس هنا ولكن اذا ملابس لاختك او زوجتك فالافضل انك تشتري لها من السعوديه بحكم ان اللي موجود هنا اغلبه ملابس غربيه وبمعنى اصح ملابس اغلبها شبه عريان او كلها قصيره ليست مناسبه باالمقدار الكافي لنا كشعب سعودي مسلم وهذي وجهة نظري وليس حكم من عندي ووجهات النظر تختلف من شخص لآخر .

بخصوص الاسواق والمولات هنا مااقدر اقول لك لانها كثيره جداً وكل واحد اجمل واحلى من الثاني

اتمنى اني افدتك باالمعلومات التي لدي

في رعاية الله وحفظة

جزاك الله اخي العزيز محمد الدوسري

والله يسهل امورك ويتممها لك على خير وعلى ماتتمناه

دمت بوافر الصحه والعافيه

الاخت JOONA

طبعاً يوجد مدارس ثانويه في سياتل وهذي المعلومه حصلت عليها بنفسي من رسبشن الخاص بمكتب القبول في معهد الكمنتي كولج في النورث قيت ولكن اذا رغبت بإكمال الثانويه لابد تحصل على الدرجه المطلوبه في اللغه وقتها يمديك تكملي الثانويه

واذا رغبتي في معلومات واستفسارات اكثر بإمكانك مراسلتي على الخاص وراح ازودك بإرقام المسؤولين في النادي السعودي في سياتل وانتي إمكانك الاستفسار منهم اكثر وراح يوضحون لكم جميع الامور وجميع استفساراتك راح بمشيئة الله تحصلينها عندهم

في رعاية الله

أأأأأأمين يارب حنا وااياكم
والله يكثر من امثالك اخوي عتيق ويوققك انت والمتطوعين ويجزاكم الجنه يارب
اللهم احفظهم وارزقهم الصحه والعافيه والشهادات العليا وارزقهم من فضلك واحرسهم من كل شر
والله يساعدك ويرحم والديك وييحفظ لك عيالك وعيلتك يارب

السلام عليكم .

الله يوفقك ياعتيق بغيت أسألك عن سياتل من ناحية جوها هل هو امطار غزيرة وبرد ؟
ومستوى الأمان كيف ؟

وايش رأيك بمعهد سياتل سنترال ونورث سياتل كوميونيتي ؟

وهل العائلة التي تأتي ولغتها الانجليزية ضعيفة ممكن تدبر حالها في الاجار والمعيشة لو شهر الى ان تتعود وتتطور اللغة ؟

اختي فتاه

حياك الله في سياتل

الجو الان بارد وممطر ولكن امطار سياتل على ماشفت الي الان وسمعت من بعض الزملاء الامريكا والسكان الدائمين في سياتل المطر على هذا الحال
اي يعني مطر خفيف ومطر جداً رائع .

بخصوص المعاهد التي ذكرتيها فهي جداً رائعه ولكن باالنسبه لي انا افضل الكمنتي كولج الموجود في النورث بحكم قوته وبحكم قربه جداً من منزلي

الامان بعد الله في اي بقعه من الارض حتى لو عند الحرم المكي ولكن نسبة الامان في سياتل عالي جداً ونسبة الجرائم شيء لايذكر وشعب سياتل راقي الي درجه فوق الخيال

بخصوص اللغه انتي ونحن اغلبنا اتى الي امريكا لايعرف شيء نهائي ولكن مع مرور الوقت والزمن راح تتعودي وتتعلمي بمشئة الله

وبخصوص جميع اجرائتك في بدايت حياتك في اللغه التي تلزمك في اجراء بعض امورك راح نساعدك بكل مايمكن اذا ابلغتينا بموقع وصول رحلتك واذا رغبتي ايضاً بإستقبالك انتي وعائلتك في المطار والحجز لك في الفنادق وبأقل الاسعار الي نبحث لك عن سكن لك ولعائلتك.
المطلب منك ابلاغي على الخاص بموعد وصولك والتواصل معك عن طريق الهاتف او مع زوجك او اخوك وجميع الامور راح تنحل ولاتشيلي همها كلنا هنا في سياتل في خدمنكم مني انا شخصياً الي جميع اخواني المتطوعين في النادي السعودي في سياتل

اتمنى اني افدتك.

في امان الله

طيب بسأل متى ينتهي الشتاء بسياتل ويعتدل الجو. ...حابة أعرف علشان تجهيزات السفر

تكفووووون ساعدوني احس اني بضييع زي المره الاولى تخيلو رحت لامريكا وما عرفت ادور سكن ورجعت واجلت وانحست وحالتي حاله

تكفون انا معهدي ساوث سياتل كوميونتي كولج

وابي سكن مع عائلة ولو مافيه مع عائلة ابي استديو ولو اسبوعين او شهر لين القى عائلة والله حالتي حاله ساعدونييييي