شرح من يريد سكن في ولاية واشنطن مدينة سياتل

مسّاك الله بالخير اخوي عتيق , ماقصرت معي ولا مع بقية الاعضاء الله يكتب لك الأجر

معهدي بإذن الله هو نورث سياتل , رحلتي راح تكون يوم 23 او 24 ديسمبر , غالباً راح احجز nexus hotel seattle كم يوم , لذلك تنصحني كم يوم اجلس في الفندق ؟ ادفع مقدماً قبل اسافر حق 3 ليالي ؟

وهل هي مدة كافيه من اجل الحصول على شقة والإنتقال لها ؟ وهل الغالب في الشقق انها مؤثثة او لا ؟

و سؤال آخر عن دراسة المعهد للمبتدئين هل هي صباحية ام بعد الظهر ؟

وشكراً جزيلاً .

الاخت مبتعثه ماستر

فصل الشتاء على مااتوقع راح شهرين وباقي شهرين والجو الان يعتبر في سياتل بارد ولكن ليس ببرودة الولايات الشماليه لانها ابرد بكثير من سياتل لان سياتل تعتبر شماليه غربيه والان الجو فيها ممطر له تقريباً شهرين ومطول المطر لان اللي سمعته يقولون اكثر من 6 شهور كلها امطار ولكت الامطار جداً رائعه في سياتل

اتمنى اني افدتك

في امان الله

اخوي كابتن هيما

ياليت تتواصل معي على الخاص لكي اعطيك ارقام المسئولين في النادي الثقافي السعودي وهم راح يساعدونك ويزودونك باارقام جميع اللي تطلبه وراح يقومو ايضاً بخدمتك لين تتحسن جميع امورك

في امان الله

اخي الفاضل
جزاك الله خير وهذا واجب علي لابد ان اقدمه لجميع الطلاب والطالبات المبتعثين

Risk Manager

اولاً احب اعرف بكم انت مستاجر اذا السعر غالي بدلك على هوتيل رخيص جداً وموقعه رائع ومناسب لك الين تحصل شقه تستقر فيها
واكثر شيء راح تجلسه في الفندق على حسب بحثك وحصولك على الشقه وتوقيع العقد في اسرع وقت ممكن مراح تطول اكثر من اسبوع باالكثير

الي الان جميع ماشفت وعرفت ان الشقق لاتكون مؤثثه وانما انت تقوم بتأثيثها على حسب رغبتك الشقه فقط يوجد فيها فرن كهربائي ومغسلة ملابسة ومغسلة صحون وثلاجه حجم كبير والشقه تكون نظيفه مجدد من جميع النواحي من فرش وبويات ماتستلمها الا وهي جاهزه لسكن وفي الاساس هم مايعلنون عن الشقق الا وهي مجهزه لسكن فقط انتظر توقيع العقد وراح تسكن في اسرع وقت ممكن

بخصوص الدوام في المعهد وهو من الساعه 9 الين الساعه 5 العصر فقط مافي غيرها دوام لكن في فتره بينها راحه يعني مو كلها دراسه متواصله لابد في بريك تريح فيه وبعدها تكمل الحصص

اتمنى اني افدتك

اخوي عتيق

مساك خير

يالغالي

كلمت المعهد وعطاني رابط عن السكن و العناوين.. ودي بشورك..اني اسكن بفندق بعدين اشوف لي عايله او انسق مع العايله دايركت.. وهل النادي السعودي راح يكون متواجد فيه طلاب خلال الايام الجايه؟ لان العطله عندهم بدت. عشان الاستقبال

انتظر ردك او ارسلي ايميلك ونتواصل عالمسنجر

سلام عليكم أخي أبو عبدالرحمن
أنا قدمت على معهد ELS الي بسياتل
اهل المعهد ممتاز ؟
ثانيا : بالنسبة لسكن أنا اريد سكن مع عائلة
فياليت تسااعدني مشكوررا مقدما أخي

الله يعطيك العافيه اخوي عتيق
من خلال قرائتي للموضوع لاحظت افضل منطقه سكنيه هي النورث وانا جبت قبول من معهد سنترال كومنتي كولج اعتقد موقعه في الداون تاون
بغيت استفسر عن بعد المعهد عن المنطقه السكنيه اخاف اقضي اليوم في الباصات ياليت تفيدني عشان لو كان بعيد اجيب قبول ثاني
وشكراً لجهودك

اخوي محمد حياك الله وشاكر مروركم على الموضوع

اولاً اتمنى تتواصل مع رئيس النادي الثقافي السعودي في سياتل وراح يتساعد معك هو وجميع الطلاب المتطوعين المتواجدين الان في سياتل

واتوقع اني عطيتك رقم رئيس النادي واذا لم يصلك اتمنى تبليغي على الخاص لكي ازودك برقمه ويصير تتواصل معه وراح تحصل جميع المساعده معه وجميع الاجوبه التي ترغبها

في امان الله اخوي محمد

اخي الفاضل Generall

حاول تفعل الرسائل الخاصه لديك

حاول تكتب او ترد اكثر من مشاركه الين توصل ال10 راح تتفعل معك الرسائل الخاصه

واذا تفعلت ياليت تراسلني على الخاص حتى ازودك باارقام الطلاب المتطوعين في سياتل لكي يقومو بخدمتك اثناء وجودك في سياتل وحل جميع امورك في اسرع وقت ممكن

كان ودي اكتب لك رقم رئيس النادي او الطلاب لكن هذا ممنوع من الادارة الخاصه باالمنتدى ولكن حاول تجتهد وتشارك في كذا موضوع لتفعيل الرسائل الخاصه

في امان الله

الاخت law girl 1

منتطقة الداون تاون تبعد عني النورث قيت مسافة 30 دقيقه باالباص او اقل 25دقيقه باالنسبه لمعهدك

فعدنك خيارين اما انك تبحثي عن سكن في الاماكن القريبه من الداون تاون اما تأتي بقبول معهد النورث قيت كومنتي كولج

ولكن الاخيار الاول اعتبره صعب نسبياً بحكم السكن باالقرب من الداون تاون غالي وكل ماتبتعدي عن الداون تاون كل ماتقل الاسعار نسبياً

ولكن بأمكانك السكن في النورث قيت او اليك سيتي او الشور لاين او لمويد والمسافه ماتعتبر بعيده بحكم وجود الباصات متوفره اهم شيء السكن يكون باالسعر المناسب لك لكي تعرفي كيف ترتبي وضعك المعيشي

واتمنى التفكير في كل الجوانب

واذا احتجتي اجابه عن بعض الامور اطرحي سؤالك ولك الاجابه ان شاء الله

واذا رغبتي باارقام النادي السعودي باامكانك مراسلتي على الخاص وازودك بها