مقارنة بين ولاية كالفورنيا وأوريقون .. نقاش ..

مثلك بالضبط افكر بالولايات الغربيه .. و انا حاط اضافة لهذه كلورادو و بنسلفينيا .. و لو اني ماني مرتاح كثير للولايات الشرقية
و بالاغلب شكلي بقرر على كاليفورنيا .. ان شاء الله يجونا ناس عايشين في كلا الولايتين و يعطونا كلام مفيد.

شكرا ع موضوعك

بالنسبة لكالفورنيا وبما اني من الموجودين هنا ..
فانا اقول الي يبي يعيش يدور الرخص ولا يجي هنا ..

فيه ناس عايشين ولكن غير مرتاحين ..
وفيه من يدعمهم اهلهم او يكون موظف وراتبه لم يتم ايقافه ..

انصح كل شخص يخطط للدراسة في امريكا ..
يجعل كالفورنيا فقط للزيارة والسياحة وقت الاجازات ..
ويختار اي ولاية ثانية تكون رخيصه ومعقوله للدراسة ..

هذا رايي بعد ماشفت وضع السعوديين المزري وبالذات الي متزوجين ..
اقسم بالله يعورون القلب وحرام الي قاعد يصير فيهم والله ..

بالتوفيق للجميع ..

أضف لسلبيات كلفورنيا أن أعداد المكسيكان فيها كبيرة جداً وأن الأمن لا يقارن بأوريغون
وبالنسبة لأوريقون مافيها ثلوج ياخي.. كلها يومين أو ثلاثة بالسنة
ولو ع الأمطار أقول معاك حق
مشكلة أوريقون الحقيقية في قلة أعداد الجامعات والمعاهد
تحياتي

كالفورنيا جميلة لكن للمتزوج انصحه يطلع برا الولاية غالية حيل خصوصا مع الراتب النتفة .. ممكن العزاب يمشي اموره بالذات طلاب اللغة

وعليكم السلام ورحمة الله وبركاتة

ماشاء الله عليك خلاص القرار عندك كل المعلومات عندك و محتار من ناحيتي كاليفورنيا حلوة وصراحة ما ازود على اخواني شي ماقصرو الله يجزاهم خير

استخير والله يجعل في الامر خيره ان شاء الله اتمناالك التوفيق والنجااح

الله يوفق الجميع

اوريقون موقفة من الملحقية بسبب التكدس ..


انا افكر اني اقدم على جامعة كلفورنيا لونج بييتش لكن من كلامكم انها غاالية احاول ابحث عن بديل ..

^^
يا أخي في موقع الوزارة ru.mohe.gov.sa
كثير من الجامعات في أوريقون مفتوحة

أشكر الجميع على التفاعل الرائع ..
ونطمع بالمزيد ..

أنا الحقيقة كلمت كم واحد فأبعطيكم خلاصة كلام كل واحد منهم ..

١-
ساكن في أوريقون له ٤ سنوات ، يقول ١٠ أشهر مطر وشهرين ثلوج ، ويقول لو أنا مكانك اخترت كالفورنيا رغم أن أوريقون تتفوق على كالفورنيا من ناحية الطبيعة بمرااااحل ، لكن يقول الوناسة وسعة الصدر بكالفورنيا ، واللي يفرق في ميزانية الشخص في كالفورنيا وأوريقون السكن ، فإذا بحثت لك عن سكن رخيص في كالفورنيا فأمورك تمام ..

2-
وهذا شاخص يدرس في كالفورنيا يقول : جو كالفورنيا مثل السعودية حر بالصيف وبراد بالشتاء باستثناء بعض المناطق مثل منطقة اسمها لاهويا شمال ساندييقو يقول جوها لا يعلى عليه ثابت طوال العام ، كما انه يمدح كالفورنيا من ناحية سعة الصدر وأنها غير مملة أبدا ، وهو قد سافر لأوريقون يقول : طبيعتها خلابه وقريبة من طبيعة النمساء وسويسرا في بعض المناطق ، ويقول لو اني بمكانك ومعي عائلة رحت لأوريقون .

نتمنى من أصحاب الخبرة مشاركتنا النقاش ..

اللي اعرفه ان المتزوج يمشي له ولزوجته واولاده راتب صح ؟
وهل ٤٢٠٠ دولار تكفي لعائلة شامله السكن