راجع السعودية بسبب تدني المستوى....

اخوي ماعليش انت فيه احد قالك ارجع والا انت حكمت على نفسك وقلت ابرجع؟

لا تفكر بالعودة ابدا ابدا ،،، فيه حلول كثيرة منها النقل لجامعة اخرى ,, او التحويل لبريطانبا لانها سهله او نيوزلندا...
عليك بالصبر والتوكل والله كل المبتعثين تمر عليهم ايااام ربك اعلم فيهااا... NO pain Nooo gain
بالتوفيق,,,,

فعلا نفس السؤال ، حل فيه احد طلب منك ترجع؟؟؟

وهل انت طالب لغه او جامعه ؟

انا طالب جامعي وحاس ان المستوى تبعي مايمشيني 3 سنوات

طالب جامعي يعني انقبلت بالجامعه وقاعد تدرس !

ومافي جامعه تقبل طالب مستواه متدني ، وهل قصدك من ناحية اللغه او ايش؟

اذا من ناحية اللغه فانت قدامك 3 سنوات والواحد يتغير مستواه بشهرين يفرق كثير فما بالك ب 3 سنوات

واذا قصدك صعوبة المواد ، فانا اعتبرها انهزاميه منك وضعف واستهتار

اسمح لي على هالحكي

بس انسان تعب وخلص اللغه ودخل الجامعه ، عشان شوية صعوبات تواجهه يرجع ويقول بدخل انتساب !

ياخوي وش جاب الانتساب لجامعه امريكيه !

انت يرضيك هالنقله ! وخصوصا ان فيه قدامك فرصه ومازالت موجوده !

لو ان الملحقيه والجامعه هي الي قررت تفصلك بقول حرام بذل مجهود مره وهذا الي حصل ، بس انت تقرر من راسك ! اعتبره استهتار جدا واتمنى انك تجلس مع نفسك وتنضج شوي بقراراتك

اواذا الجامعه مضايقتك وحاس انها صعبه بدلها رح جامعه ثانيه ومدينه ثانيه وغير الجو ، واختلط بالطلاب وقوي لغتك وادرس معاهم

وبالاخير اجلس حاول لاخر رمق فيك لحد ماهم يكرشونك ياخي ! وش بيضرك ! اقلها تقول بذلت الي علي والشكوه لله !

اخوي اسمحلي اقولك ان السبب الي خلاك ماتمشي هو تفكيرك بالناس مثلا تخاف انك ماتمشي بالدراسه موعشان الدراسه نفسها .بسبب ان الناس مايقولون هذا راح ولادرس في هذه الحاله تصير تحت ضغط والناس والله كلهم مادرو عنك سواء مشيت او مامشيت .اذا انت ماعليك الا من ابوك وامك .انت افعل الي عليك والباقي على ربك ادرس ثم ادرس ثم ادرس واذا قالولك خلاص اطلع مالك محل عندنا انت في هذه الحاله سويت الي عليك اما انك تقول انا ماقدرت امشي بمجرد اول عقبه واجهتك فهذا خطاء ..انت ادع ربك والح على ربك في الدعاء ومن ثم ادرس واذا مشيت او مامشيت فالله كاتبلك هذا الشي يعني لايضيق صدرك ولاتفكر بالمستقبل لان الله كاتب رزقك فقط افعل الاسباب ..والله يوفقك يارب ويوفق جميع المسلمين

الله يجزاكم خير صدق ردود تثلج الصدر وتقنع الواحد شكرا لكم جميعا والله يفتح ويفرج عليكم مثل مافرجتو علي..

اخووووي
شوف الاسباب وعالجها
الهروب من الواقع عمره ما كان حل
اتمنى لك كل التوفيق و النجاح

اخوي لاتظن ان غيرك احسن منك....وضعك هو وضعنا جميعا...بس انت دور لك الصحبة الصالحة ...في الغربة اهم شي صاحبك اللي يعينك ويعاونك و وتوكل على الله وشد حيلك والله مابيخيب رجاك...